AI Shortfilm: ఆదివాసీల పోరాట నినాదమైన జల్, జంగిల్, జమీన్ పేరుతో.. అంటే JJJ టైటిల్తో.. 27 నిమిషాల షార్ట్ ఫిల్మ్ తెరకెక్కించారు. ఆదిలాబాద్ జిల్లా కేంద్రానికి చెందిన టీచర్ తొడసం కైలాష్.. ఆయన కుమారుడు బి.టెక్ విద్యార్థి సృజన్ కలిసి ఈ ప్రయోగం చేశారు. ఆదివాసీ ఆరాధ్యదైవం కొమురం భీమ్ జీవితంలోని కొన్ని కీలక ఘట్టాలు, పర్యావరణ పరిరక్షణ సందేశంతో ఈ చిత్రాన్ని మలిచారు.
సాహిత్యం, మాతృభాష గోండిపై మక్కువ ఉన్న కైలాష్.. మహాభారతాన్ని ఇప్పటికే గోండి భాషలోకి అనువదించగా, రామాయణ అనువాదం కొనసాగిస్తున్నారు. తండ్రి రాసిన ఈ ఇతిహాస ఘట్టాలకు.. కుమారుడు సృజన్ తనకున్న ఏఐ నైపుణ్యంతో దృశ్య రూపం ఇచ్చాడు. ఆ అనుభవంతోనే ఇప్పుడు పూర్తి స్థాయి JJJ షార్ట్ ఫిల్మ్ను మలిచారు. తండ్రి కథ, సంభాషణలు, పాటలు అందిస్తే.. సృజన్ ఏఐ టూల్స్ ద్వారా సీన్స్ డిజైన్ చేశాడు.
Also Read: ఇందూరు గడ్డపై కల్వకుంట్ల కవిత సమర శంఖం.. 2014 మ్యాజిక్ను రిపీట్ చేస్తారా?
ఇటీవల జిల్లా కలెక్టర్ రాజర్షి షా చేతుల మీదుగా ఈ షార్ట్ ఫిల్మ్ను విడుదల చేశారు. ఒక్క రూపాయి ఖర్చు లేకుండా, నటులు లేకుండా కేవలం టెక్నాలజీతో మాతృభాషలో ఇంత గొప్ప చిత్రాన్ని తీయడంపై.. కలెక్టర్తో పాటు స్థానికులు వీరిపై ప్రశంసల వర్షం కురిపిస్తున్నారు. ఆదివాసీల ఘన చరిత్రను నేటి తరానికి అందించాలనే సంకల్పంతోనే ఇది చేశామని, ప్రభుత్వం ప్రోత్సాహం అందిస్తే మరిన్ని ప్రయోగాలు చేస్తామని వారు చెబుతున్నారు. ఆదివాసీ యువత అత్యాధునిక సాంకేతికతను మాతృభాషా పురోగతికి వాడుతుండటం నిజంగా అభినందనీయం.
Also read: నాగార్జున వర్సెస్ షారుక్ ఖాన్ బాక్సాఫీస్ గెలుపెవరిది?
Share
మంత్రి సురేఖపై చర్యలు లేనట్టేనా.. క్లారిటీ ఇచ్చిన పీసీసీ!
NBK 112 లో మరో కోలీవుడ్ స్టార్..కొరటాల క్రేజీ ప్లాన్!
