Bigg Boss Nikhil: బిగ్ బాస్ సీజన్ 8 ముగిసింది. అన్ని సీజన్స్ కన్నా ఈ సీజన్ కొద్దిగా డిఫరెంట్ గా ఉన్న విషయం తెల్సిందే. ఈ సీజన్ లో కొత్తవారు- పాతవారు కలిసి గేమ్ నాటారు. ఇక మొదటి నుంచి ఈ సీజన్ విన్నర్ నిఖిల్ అని చెప్పుకుంటూ వచ్చారు. అందరు చెప్పినట్లుగానే నిఖిల్ నే విన్నర్ అయ్యాడు. ఇక హౌస్ లో ఉన్నన్ని రోజులు తన లవ్ స్టోరీ గురించి చెప్పుకొస్తూనే ఉన్నాడు. తన కోస్టార్ కావ్యతో ప్రేమలో ఉన్నట్లు చెప్పకనే చెప్పుకొచ్చాడు.
“ఇండస్ట్రీలోకి అడుగుపెట్టినప్పుడు తనే నా భార్య అని తెలిసిపోయింది. నా అన్ని బ్రేకప్‌లను ఆమె మర్చిపోయేలా చేసింది. మా ప్రేమకు ఆరేళ్లు. మేము విడిపోయామా? అంటే నేనైతే ఆ ఎమోషనల్‌ బంధం నుంచి బయటకు రాలేదు. ఫ్యూచర్ లో కూడా తనే నా భార్య అని ఫిక్స్.. మా ఇద్దరి మధ్య గొడవలు జరిగాయి. నేను ఎన్నో మాటలు అన్నాను. తప్పుగా మాట్లాడాను. హౌస్ నుంచి బయటకు వెళ్ళాకా మొదటగా కప్ తీసుకొని ఆమె వద్దకే వెళ్తాను. ఒప్పుకోకపోతే కాళ్లు పట్టుకొని బతిమిలాడతాను. ఒప్పుకొనేవరకు ఎదురుచూస్తాను” అని చెప్పుకొచ్చాడు.
NTR: అభిమాని కోసం రూ. 12 లక్షల బిల్ కట్టిన ఎన్టీఆర్.. కౌశిక్ డిశ్చార్జ్
నిఖిల్- కావ్యకు బుల్లితెర ప్రేక్షకుల్లో మంచి అభిమానం ఉంది. గోరింటాకు అనే సీరియల్ తో వీరు అందరి హృదయాలను గెలుచుకున్నారు. ఇక ఒక షోలో కావ్య వేరొకరితో డ్యాన్స్ చేయకుండా నిఖిల్ చేసిన రచ్చ అంతాఇంతా కాదు. దీంతో వీరిద్దరూ కేవలం ఫ్రెండ్స్ మాత్రమే కాదు అని అందరికి తెల్సింది. ఆ ఇన్సిడెంట్ తరువాత .. వీరు కలిసి కనిపించలేదు. బిగ్ బాస్ కు వచ్చాకా కావ్యతో బ్రేకప్ అయ్యిందని, ఆ డిప్రెషన్ నుంచి బయటకు రావడానికే బిగ్ బాస్ కు వచ్చినట్లు నిఖిల్ తెలిపాడు.
ఇక షో అయ్యింది. విన్నర్ గా నిఖిల్ గెలిచాడు. కానీ, హౌస్ నుంచి బయటకు వచ్చాకా మాత్రం నిఖిల్ మాట నిలబెట్టుకోలేకపోయాడు. కావ్య దగ్గరకు వెళ్తానని చెప్పాడు. ఇప్పటివరకు వెళ్లలేదని కామెంట్స్ వినిపిస్తున్నాయి. ఈ నేపథ్యంలోనే ఈ జంట ఒక షోలో కనిపించారు. శ్రీముఖీ యాంకర్ గా వ్యవహరిస్తున్న ఆదివారం విత్ స్టార్ మా పరివారం ప్రోగ్రామ్ లో బిగ్ బాస్ విన్నర్ నిఖిల్ ను గెస్ట్ గా పిలిచారు. బిగ్ బాస్ పరివారంతో సీరియల్ పరివారం పోటీపడనుంది.
సీరియల్ పరివారంలో కావ్య రాగా.. బిగ్ బాస్ విన్నర్ గా నిఖిల్ వచ్చాడు. అలా ఈ జంట ఒకే వేదికపై కనిపించి కనువిందు చేసింది. ఇక ఇక్కడ కూడా వీరు ఎడముఖం పెడముఖంగానే కనిపించారు. ముఖ్యంగా కావ్య.. నిఖిల్ ను సీరియస్ గా చూడడం ప్రోమోలో కనిపిస్తుంది. అంతేకాకుండా వీరిద్దరూ ఒకరినొకరు పలకరించుకోలేదు. దీంతో వీరి మధ్య ఇంకా వివాదం నడుస్తున్నట్లే అనిపిస్తుంది. మరి నిఖిల్.. కావ్యను ఒప్పించి పెళ్లి చేసుకుంటాడా .. ? లేదా.. ? అనేది తెలియాల్సి ఉంది.
Share
Indian Railways: ఆ రైల్వే స్టేషన్లను మూసేస్తున్న ప్రభుత్వం.. క్లోజ్ చేయడానికి కూడా కొన్ని రూల్స్ పాటించాలని మీకు తెలుసా?
Hansika Motwani: ఎల్లోరా శిల్పంలా.. ఎంత ముద్దుగా ఉన్నావే పిల్ల
