Bigg Boss 9 Telugu: గొడవలు మాయం.. స్నేహం మాత్రం ఎప్పటికీ.. ఫ్రెండ్షిప్ డే స్పెషల్ వీడియో!

Bigg Boss 9 Telugu: ఏడాది ఆగస్టు 3 న ఫ్రెండ్షిప్ డే(Friend Ship Day) జరుపుకుంటున్న నేపథ్యంలో ప్రతి ఒక్కరు కూడా వారి మిత్రులకు ఫ్రెండ్షిప్ డే శుభాకాంక్షలు తెలియజేసుకోవడమే కాకుండా వారికి సంబంధించిన జ్ఞాపకాలను కూడా సోషల్ మీడియా వేదికగా షేర్ చేస్తూ వస్తున్నారు. ఈ క్రమంలోనే బిగ్ బాస్(Bigg Boss) కార్యక్రమానికి సంబంధించి ఒక స్పెషల్ వీడియోని స్టార్ మా విడుదల చేసింది. తెలుగులో బిగ్ బాస్ కార్యక్రమం ఇప్పటికే 8 సీజన్లను పూర్తిచేసుకుని తొమ్మిదవ సీజన్లోకి అడుగుపెట్టబోతున్న సంగతి తెలిసిందే. ఈ క్రమంలోనే ఫ్రెండ్షిప్ డే సందర్భంగా బిగ్ బాస్ తెలుగు అన్ని సీజన్లోకి సంబంధించిన ఒక వీడియోని విడుదల చేశారు.

స్నేహం ఎప్పటికీ నిలిచిపోతుంది..

ఈ వీడియోలో భాగంగా మొదటి సీజన్ హోస్ట్ గా ఎన్టీఆర్(Jr.NTR) వ్యవహరించినప్పటినుంచి ఇప్పటివరకు కంటెస్టెంట్లతో దిగిన ఫోటోలను వీడియోగా చిత్రీకరించి సోషల్ మీడియాలో షేర్ చేశారు. ఈ వీడియోని షేర్ చేస్తూ బిగ్ బాస్ హౌస్ లో గొడవలు ముగిసిపోతాయి, పనులు కూడా పూర్తి అవుతాయి కానీ బిగ్ బాస్ హౌస్ లో ఏర్పడిన స్నేహం మాత్రం ఎప్పటికీ అలాగే నిలిచిపోతాయి. ప్రతి ఆటను అధిగమించే బంధానికి చీర్స్ అంటూ ఈ వీడియోని షేర్ చేశారు. ప్రస్తుతం ఈ వీడియో సోషల్ మీడియాలో వైరల్ గా మారింది.

హోస్ట్ గా నాగార్జున…

ఇకపోతే ఈ కార్యక్రమంలో భాగంగా మొదటి సీజన్ కు ఎన్టీఆర్ హోస్ట్ గా వ్యవహరించిన సంగతి తెలిసిందే. ఇక రెండవ సీజన్ కు నాచురల్ స్టార్ నాని (Nani)హోస్ట్ గా వ్యవహరించారు. ఇక తదుపరి సీజన్లో నుంచి ఇప్పటివరకు నాగార్జున(Nagarjuna) ఈ కార్యక్రమానికి వ్యాఖ్యాతగా వ్యవహరిస్తున్నారు. ఇక ఎనిమిదవ సీజన్ పూర్తి కావడంతో తొమ్మిదవ సీజన్ కి సంబంధించిన అన్ని ఏర్పాట్లు కూడా పూర్తి అయ్యాయి. ఇకపోతే ఈ కార్యక్రమంలో ఈసారి కామన్ మ్యాన్ ఎంట్రీ కూడా ఉండబోతుందని తెలుస్తుంది. ఇప్పటికే కామన్ మ్యాన్ క్యాటగిరిలో పాల్గొనబోయే కంటెస్టెంట్ల ఎంపికలో భాగంగా వేల మందిని సెలెక్ట్ చేశారని వారిలో మరి కొంతమందిని ఫైనల్ చేయబోతున్నారని తెలుస్తోంది.

Fights fade 💥 tasks end ✅… but the friendships built in the #BiggBoss house? They stay forever 💜 Cheers to the kind of bond, that outlasts every game…real, rare, and heartmade🕊️#BiggbossSeason9 Coming Soon On #StarMaa #BiggbossSeason9ComingSoon #BiggbossTelugu9 pic.twitter.com/i8hBDtfw8D

— Starmaa (@StarMaa) August 3, 2025

ఇక ఇప్పటివరకు బిగ్ బాస్ 9 కి సంబంధించిన ప్రోమోలను విడుదల చేశారు. అయితే ఈ ప్రోమోలను చూస్తుంటే మాత్రం ఈసారి ఈ సీజన్ చాలా విభిన్నంగా ప్లాన్ చేశారని తెలుస్తోంది. విజయం సాధించాలి అంటే యుద్ధం చేయాల్సిందేనని ఈసారి చదరంగం కాదు రణరంగం అంటూ నాగార్జున చెప్పే మాటలు ఈ కార్యక్రమం పై మంచి అంచనాలను పెంచేస్తున్నాయి. ఇక ఈ కార్యక్రమం సెప్టెంబర్ 7వ తేదీ నుంచి ప్రసారం కాబోతుందని తెలుస్తోంది. ఇప్పటికే కంటెస్టెంట్ లో ఎంపిక ప్రక్రియ కూడా పూర్తి అయినట్టు సమాచారం. ఇక ఈ సీజన్లో పాల్గొనబోయే కంటెస్టెంట్లు వీళ్లే అంటూ ప్రతిరోజు ఒక లిస్ట్ సోషల్ మీడియాలో వైరల్ అవుతుంది. అయితే ఫైనల్ గా ఈ కార్యక్రమంలో ఎవరు పాల్గొనబోతున్నారు అనేది తెలియాలి అంటే సీజన్ ప్రారంభం అయ్యేవరకు ఎదురుచూడాల్సిందే.

Also Read: Mrunal Thakur: వామ్మో మృణాల్ ధరించిన ఈ డ్రెస్ ధర ఎంతో తెలుసా.. అంత స్పెషల్ ఏంటబ్బా?