E-Paper
Advertisement

రూ.5 లక్షలు ఉంటే చాలు.. ఈ వినూత్న వ్యాపారాలకు మీరే బాస్.. పోటీ తక్కువ, రాబడి ఎక్కువ!

రూ.5 లక్షలు ఉంటే చాలు.. ఈ వినూత్న వ్యాపారాలకు మీరే బాస్.. పోటీ తక్కువ, రాబడి ఎక్కువ!
Advertisement

Business Ideas: ప్రస్తుత పోటీ ప్రపంచంలో ఉద్యోగంతో పాటు వ్యాపారంలోనూ రాణించాలని యువత కోరుకుంటోంది. అయితే పెద్ద ఎత్తున పెట్టుబడి పెట్టే స్థోమత లేక చాలా మంది వెనకడుగు వేస్తున్నారు. అలాంటి వారి కోసం కేవలం రూ. 5 లక్షల లోపు పెట్టుబడితో ప్రారంభించి, ప్రతి నెలా నిలకడైన ఆదాయాన్ని అందించే నాలుగు వినూత్న, ఆధునిక బిజినెస్ ఐడియాలను ఈ కథనంలో అందించడం జరుగుతోంది. వాటిపై ఓ లుక్కేయండి.

స్మార్ట్ వెండింగ్ మెషిన్ వ్యాపారం

పెరుగుతున్న సాంకేతికతతో పాటే ప్రజల జీవనశైలి కూడా మారుతోంది. ప్రస్తుతం ఆటోమేటెడ్ సేవలకు డిమాండ్ విపరీతంగా పెరుగుతోంది. ఈ నేపథ్యంలో ‘స్మార్ట్ వెండింగ్ మెషిన్’ ఏర్పాటు చేయడం మంచి ఆప్షన్ గా చెప్పవచ్చు. ఐటీ పార్కులు, మాల్స్, ఆసుపత్రులు, కాలేజీలు, జిమ్‌ల వద్ద స్నాక్స్, పానీయాలు, శానిటరీ నాప్‌కిన్స్, ఆరోగ్యకరమైన ఆహార పదార్థాలతో కూడిన వెండింగ్ మిషన్‌ను ఏర్పాటు చేస్తే మంచి రాబడి ఉంటుంది. కస్టమర్లు క్యూఆర్ కోడ్ లేదా యూపీఐ (UPI) ద్వారా చెల్లించి క్షణాల్లో తమకు కావలసినవి పొందవచ్చు. మార్కెట్లో మంచి వెండింగ్ మిషన్ ధర రూ.3.5 – 5 లక్షల వరకూ పలుకుతోంది.

సోలార్ ప్యానెల్ క్లీనింగ్ అండ్ సర్వీస్

Advertisement

ప్రస్తుతం సోలార్ వినియోగం ఊహించిన దానికంటే వేగంగా పెరుగుతోంది. ప్రతి ఇంటిపై, అపార్ట్‌మెంట్లపై, వాణిజ్య భవనాలపై సోలార్ ప్యానెళ్లు వెలుస్తున్నాయి. అయితే సోలార్ ప్యానెళ్లను సరిగ్గా శుభ్రం చేయకపోతే సుమారు 20-30 శాతం వరకు విద్యుత్ ను గ్రహించే సామర్థ్యాన్ని కోల్పోతాయి. ఇక్కడే ప్రొఫెషనల్ క్లీనింగ్ సర్వీస్ అవసరం అవుతుంది. ఈ బిజినెస్ లో అడుగుపెట్టడం ద్వారా మంచి లాభాలను అర్జించవచ్చని నిపుణులు అంటున్నారు. రోబోటిక్ క్లీనింగ్ కిట్లు, ప్రెషర్ వాషర్లు, సేఫ్టీ ఎక్విప్‌మెంట్, రవాణా కోసం కేవలం రూ. 2 లక్షల నుండి రూ. 3 లక్షలు సరిపోతాయి. మెయింటెనెన్స్ కాంట్రాక్టుల ద్వారా స్థిరమైన నెలవారీ ఆదాయాన్ని పొందవచ్చు.

సబ్‌స్క్రిప్షన్ బేస్డ్ పెట్ కేర్ సర్వీస్

పెంపుడు జంతువులను (Dogs, Cats) తమ కుటుంబ సభ్యులుగా భావించే వారి సంఖ్య విపరీతంగా పెరిగింది. అయితే ఉద్యోగులు, బిజీ లైఫ్ గడుపుతున్న వారికి తమ పెంపుడు జంతువుల ఆలనాపాలనా చూసుకోవడానికి సమయం దొరకడం కష్టం. దీనికి చెక్ పెడుతూ ఒక మంచి బిజినెస్ ను స్టార్ట్ చేయవచ్చు. పెట్ గ్రూమింగ్ (స్నానం, హెయిర్ కటింగ్), రోజువారీ వాకింగ్, డాగ్ ట్రైనింగ్, ప్రీమియం పెట్ ఫుడ్ డెలివరీలను కలిపి ‘నెలవారీ సబ్‌స్క్రిప్షన్ ప్లాన్’ కింద అందించొచ్చు. మొబైల్ వెహికల్ సర్వీస్, హోమ్ విజిట్ మోడల్‌లో ఈ వ్యాపారాన్ని ప్రారంభించవచ్చు.

Advertisement

Also Read: ఏపీ రాజకీయాలు కొత్త మలుపు.. కూటమిలో భీమవరం వ్యవహారం భారీ కుదుపు, ఫ్రెండ్లీ పోటీకి బీజేపీ సై

వాటర్ ట్యాంక్ క్లీనింగ్ సర్వీస్

ప్రతి ఇల్లు, అపార్ట్‌మెంట్, వాణిజ్య సముదాయంలో వాటర్ ట్యాంకులు సర్వ సాధారణంగా మారిపోయాయి. అయితే ఆరోగ్యకరమైన జీవనానికి శుభ్రమైన నీరు ఎంత ముఖ్యమో ప్రత్యేకంగా చెప్పనవసరం లేదు. అయితే చాలా మంది కొన్ని నెలల పాటు ట్యాంకులను శుభ్రం చేయకుండా అలాగే వదిలేస్తుంటారు. కాబట్టి ట్యాంక్ క్లీనింగ్ సర్వీస్ బిజినెస్ ను ప్రారంభించడం ద్వారా ఆదాయాన్ని అర్జించవచ్చు. అధునాతన వాక్యూమ్ పంపులు, యూవీ రేడియేషన్, యాంటీ-బాక్టీరియల్ మందులను ఉపయోగించి అపార్ట్‌మెంట్లు, ఇళ్లలోని వాటర్ ట్యాంకులను ప్రొఫెషనల్‌గా శుభ్రం చేసే సేవలను అందించవచ్చు.

Also Read: సింహాన్ని బైకులపై వెంబడించిన అటవీ సిబ్బంది.. తిరగబడ్డ మృగరాజు, వీడియో వైరల్!

Tags

Related News

రాజీనామా చేద్దామనుకున్న ఉద్యోగి.. 15 నెలల జీతం ఇచ్చి స్వయంగా తొలగించిన కంపెనీ

NPS Vs EPF.. 25 ఏళ్లలో ఏ రిటైర్మెంట్ పథకంతో ఎక్కువ రాబడి లభిస్తుంది?

పోస్టాఫీసు మైండ్ బ్లోయింగ్ స్కీమ్.. రూ.లక్ష పెడితే ఏకంగా రూ. 44,995 వడ్డీ.. ప్రభుత్వానిదే బాధ్యత!

9 నెలల్లో రూ.56 లక్షలు ఆదాయం.. ఆన్‌లైన్ ఫుడ్ బిజినెస్ చేస్తున్న దంపతులు.. ఐడియా సూపర్ హిట్

రూ. 5 వేల పెట్టుబడి.. రూ.కోటి టర్నోవర్.. కప్‌కేక్స్‌తో యువతి గేమ్ ఛేంజింగ్ బిజినెస్!

ఐపీఓ సీజన్ మళ్లీ మొదలు.. రూ.10 వేల కోట్లకు పైగానే, మహానది కోల్‌ఫీల్డ్స్‌తోపాటు

బ్యాంక్ అకౌంట్ లేకపోయినా డబ్బు ట్రాన్స్‌ఫర్ చేయవచ్చు. రిజర్వ్ బ్యాంకు కొత్త రూల్స్

Big Stories

Advertisement
×