Gold-Silver Prices Today: అంతర్జాతీయ మార్కెట్ల వ్యతిరేక పవనాలు బులియర్ వర్గాలకు కలిసొచ్చింది. వరుసగా రెండు రోజులు పెరిగిన బంగారం ధరలు ఒక్కసారిగా దిగొచ్చాయి. అటు వెండిదీ అదే పరిస్థితి. జరుగుతున్న పరిణామాల నేపథ్యంలో ధరలు హెచ్చుతగ్గులకు లోను కావచ్చని చెబుతున్నాయి బులియన్ మార్కెట్ వర్గాలు. ఆదివారం మార్కెట్లో వాటి ధరలు ఏ విధంగా ఉన్నాయో ఒక్కసారి చూద్దాం.
అంతర్జాతీయ పరిణామాలు.. కలిసొచ్చిన ఆషాఢం-అమెరికా-ఇరాన్ మధ్య ఘర్షణలు మొదలయ్యాయి. ఈ తరుణంలో హోర్మూజ్ జలసంధి మూసివేసింది ఇరాన్. దీంతో బంగారం ధరలు పతనం కావచ్చనే వార్తలు వెలువడుతున్నాయి. హోర్ముజ్ గుండా ప్రయాణిస్తున్న ఓ నౌకపై ఇరాన్ కాల్పులు, ఆ తర్వాత వాషింగ్టన్ ఈ వారం టెహ్రాన్పై మూడో విడత దాడులు ప్రారంభించింది. ఫలితంగా యూఎస్ ఫెడరల్ రిజర్వ్ వడ్డీ రేట్లను పెంచే అవకాశం ఉందని వార్తలు వస్తున్నాయి.
జరుగుతున్న పరిణామాలను బులియన్ మార్కెట్ వర్గాలు గమనిస్తున్నాయి. ఆదివారం కాస్త ధరలు దిగివచ్చాయి. అంతర్జాతీయ మార్కెట్లో స్పాట్ గోల్డ్ రేటు ఔన్సుకు 23 డాలర్ల మేరా తగ్గింది. ప్రస్తుతం ఔన్స్ బంగారం ధర 4108 డాలర్ల వద్ద ట్రేడింగ్ అవుతోంది. స్పాట్ సిల్వర్ రేటు ఔన్సుకు 1.03 శాతం మేర కుంగింది. ప్రస్తుతం ఔన్స్ వెండి 59.7 డాలర్ల వద్ద కొనసాగుతోంది.
మార్కెట్లో బంగారం-వెండి ధరలు పతనం-ఈ వారం కూడా హెచ్చుతగ్గులకు లోనుకావచ్చని మార్కెట్ వర్గాలు చెబుతున్నాయి. ఈ నెలలో వరల్డ్ గోల్డ్ కౌన్సిల్- గోల్డ్ మిడ్-ఇయర్ అవుట్లుక్-2026 నివేదిక మేరకు ఔన్సు బంగారం ధర 4,500 డాలర్ల వైపు పెరిగే అవకాశముందని సూచించింది. హైదరాబాద్ బులియన్ మార్కెట్లో ధరలు ఒక్కసారి చూద్దాం.
ఆదివారం ఉదయం 7 గంటలకు మార్కెట్లో 24 క్యారెట్ల 10 గ్రాముల బంగారం రేటు రూ.1,44,330 వద్ద ఉంది. 22 క్యారెట్ల 10 గ్రాముల గోల్డ్ రేటు రూ.1,32,300 వద్ద కొనసాగుతోంది. బంగారంతో పాటు వెండి రేటు భారీగా తగ్గింది. కిలో వెండి రేటు హైదరాబాద్ మార్కెట్లో రూ.2,40,000 వద్ద కొనసాగుతోంది. వారం రోజుల నుంచి తగ్గుతూ వచ్చిన వెండి, జులై 4 తర్వాత చూస్తే రూ.20 వేల వరకు తగ్గింది.
ALSO READ: పసిడి ప్రియులకు ఊరట.. నేడు స్వల్పంగా తగ్గిన బంగారం ధరలు.. ఎంతంటే!
న్యూఢిల్లీ మార్కెట్లో 24 క్యారెట్ల 10 గ్రాముల బంగారం ధర రూ. 143,510 వద్ద ఉంది. 22 క్యారెట్లు ధర రూ. 131,551 వద్ద పలుకుతోంది. ఇక ముంబై మార్కెట్ విషయానికి వద్దాం. 24 క్యారెట్ల 10 గ్రాముల ధర రూ. 143,760 వద్ద ఉండగా, 22 క్యారెట్లు ధర రూ. 131,780 వద్ద పలుకుతోంది. బెంగుళూరు మార్కెట్లో 24 క్యారెట్ల 10 గ్రాముల బంగారం ధర రూ. 143,870 వద్ద ఉండగా, 22 క్యారెట్లు ధర రూ. 131,881 వద్ద ట్రేడింగ్ జరుగుతోంది.
కోల్కతా మార్కెట్లో 24 క్యారెట్ల 10 గ్రాముల ధర రూ. 143,570 కాగా.. 22 క్యారెట్లు ధర రూ. 131,606 వద్ద పలుకుతోంది. బంగారంతో పాటు వెండి ధరలు భారీగా తగ్గింది. ఏకంగా రూ.5 వేలు మేరా తగ్గింది. ఆదివారం కిలో వెండి రూ.2,40,000 వద్ద ట్రేడవుతోంది. దీనికితోడు బుధవారం నుంచి ఆషాఢమాసం రానుండడంతో కొనుగోళ్లు తగ్గుతాయని, ఆ నేపథ్యంలో ధరలు తగ్గే అవకాశముందని అంటున్నాయి బులియన్ వర్గాలు.
Share
మీ పిల్లాడు ప్రతిరోజు ప్లేట్లో భోజనం మిగిల్చేస్తున్నాడా? ఆహారం వ్యర్థం చేయకూడదని ఇలా నేర్పించండి
క్యూ-మార్ట్లో క్యూ కడుతున్న జనం.. వైరల్ అవుతున్న‘కొరియన్ ఐస్ కప్’ ట్రెండ్!
