Whatsapp New Rules| అక్టోబర్ 1, 2026 నుంచి వాట్సాప్ మెసేజ్లు పంపడానికి డబ్బులు చెల్లించాలనే వార్తలు ఇప్పుడు యూజర్లలో చర్చకు దారితీశాయి. అయితే సాధారణ వాట్సాప్ యూజర్లు ఆందోళన చెందాల్సిన అవసరం లేదు. ఈ మార్పు ప్రధానంగా భారత్లో వాట్సాప్ బిజినెస్ ప్లాట్ఫామ్ ఉపయోగించే వ్యాపారాలకు సంబంధించినది. స్నేహితులు, కుటుంబ సభ్యులకు సాధారణంగా మెసేజ్లు పంపే యూజర్లకు ఈ ఛార్జీలు వర్తించవు.
వాట్సాప్ మాతృక సంస్థ మెటా.. కొన్ని యుటిలిటీ మెసేజ్లకు సంబంధిత బిజినెస్ కంపెనీల నుంచి ఛార్జీలు వసూలు చేసే విధానాన్ని మార్చనుంది. ఇప్పటివరకు కొన్ని కస్టమర్ సర్వీస్ మెసేజ్లకు 24 గంటల వ్యవధిలో అదనపు ఛార్జీలు ఉండేవి. ఆర్డర్ కన్ఫర్మేషన్లు, డెలివరీ అప్డేట్లు, కస్టమర్ ప్రశ్నలకు సమాధానాలు ఇందులో ఉండవచ్చు. అక్టోబర్ 1 నుంచి కొన్ని యుటిలిటీ మెసేజ్లకు కొత్త ఛార్జీలు వర్తిస్తాయి. అయితే ప్రతి బిజినెస్ ఫోన్ నంబర్కు నెలకు 1,000 ఉచిత సర్వీస్ రిప్లైలు లభిస్తాయి. ఈ పరిమితి దాటిన తర్వాత వర్తించే ఛార్జీలు చెల్లించాలి.
భారత్లో స్టాండర్డ్ యుటిలిటీ మెసేజ్కు డెలివర్ అయిన ప్రతి మెసేజ్కు రూ.0.115 రేటు ఉన్నట్లు సమాచారం. దీనికి వర్తించే గూడ్స్ అండ్ సర్వీసెస్ ట్యాక్స్ కూడా అదనంగా ఉంటుంది. ఉదాహరణకు 1,000 చెల్లింపు మెసేజ్లకు జీఎస్టీకి ముందు రూ.115 అవుతుంది. 18 శాతం జీఎస్టీ కలిపితే మొత్తం సుమారు రూ.135.70 అవుతుంది. అయితే మెసేజ్ కేటగిరీ, తాజా ధరల నియమాలపై ఖర్చు మారవచ్చు.
వాణిజ్య కంపెనీలు పంపే మార్కెటింగ్ మెసేజ్లకు వేరే రేట్లు వర్తిస్తాయి. ప్రమోషనల్ ఆఫర్లు, ప్రకటనలు, సేల్ ప్రకటనలు ఇందులోకి వస్తాయి. భారత్లో మార్కెటింగ్ మెసేజ్కు డెలివర్ అయిన ప్రతి మెసేజ్కు రూ.0.8631 రేటు ఉన్నట్లు సమాచారం. వన్టైమ్ పాస్వర్డ్ల వంటి ఆథెంటికేషన్ మెసేజ్లకు రూ.0.115 రేటు ఉన్నట్లు పేర్కొంటున్నారు.
అక్టోబర్ మార్పుతో ప్రతి బిజినెస్ మెసేజ్కు ఛార్జీలు విధించరు. ప్రతి బిజినెస్ ఫోన్ నంబర్కు నెలకు 1,000 ఉచిత సర్వీస్ మెసేజ్లు కొనసాగుతాయి. కస్టమర్లు వ్యాపారాలకు మెసేజ్లు పంపేందుకు ఎలాంటి వాట్సాప్ మెసేజింగ్ ఛార్జీలు చెల్లించాల్సిన అవసరం లేదు. వ్యాపారాల నుంచి వచ్చే రిప్లైలు లేదా ఆర్డర్ అప్డేట్లను స్వీకరించడానికి కూడా కస్టమర్లు చెల్లించాల్సిన అవసరం లేదు. కొన్ని అర్హత కలిగిన ఫేస్బుక్ ప్రకటనలు లేదా కాల్ టు యాక్షన్ ఫీచర్ల ద్వారా ప్రారంభమైన సంభాషణలకు 72 గంటల ఉచిత విండో కూడా కొనసాగుతుంది.
Also Read: ఒక్క నెలలో రూ.2.6 కోట్లు సంపాదన.. 21 ఏళ్ల యువకుడి బిజినెస్ ఐడియా అదుర్స్
ఈ కొత్త ధరల విధానం సాధారణ వాట్సాప్ యూజర్లను ప్రభావితం చేయదు. స్నేహితులు, కుటుంబ సభ్యులతో వ్యక్తిగత మెసేజ్లు పంపడం, స్వీకరించడం కోసం యూజర్లు ఒక్కో మెసేజ్కు డబ్బులు చెల్లించాల్సిన అవసరం లేదు.
కాబట్టి అక్టోబర్ 1 నుంచి వాట్సాప్లో వ్యక్తిగత చాటింగ్కు ఛార్జీలు వస్తాయనే వార్తలను చూసి ఆందోళన చెందాల్సిన అవసరం లేదు. ఈ మార్పు ప్రధానంగా కస్టమర్లతో కమ్యూనికేషన్ కోసం వాట్సాప్ బిజినెస్ ప్లాట్ఫామ్ ఉపయోగించే వ్యాపారాలకు సంబంధించినది.
Also Read: అత్యవసరంగా డబ్బు కావాలా? మీ పిపిఎఫ్ అకౌంట్ నుంచి ఈజీ లోన్ లభిస్తుందిగా
Share
RX 100 బ్యూటీకి ఏమైంది? ఇప్పుడు ఎక్కడుందంటే..
జైలర్ 2లో నోరా vs తమన్నా.. అసలు ఈ గ్లామర్ రచ్చ ఎందుకు?
