Deadpool & Wolverine Teaser:హాలీవుడ్ సినిమాలను ఇష్టపడే సినీ ప్రియులకు గుడ్ న్యూస్. తాజాగా మార్వెల్ సినిమాటిక్ యూనివర్స్ నుంచి మరో అదిరిపోయే సూపర్ హీరో సినిమా ప్రేక్షకుల ముందుకు రాబోతుంది.
ఇప్పటికే ఈ మార్వెల్ యూనివర్స్ నుంచి వచ్చిన డెడ్పూల్ సిరీస్ సినిమాలు ఎలాంటి బ్లాక్ బస్టర్ హిట్లు అందుకున్నాయో అందిరికీ తెలిసిందే. ఇప్పుడు ఈ సిరీస్ నుంచి మరో సినిమా రాబోతోంది. ‘డెడ్పూల్ & వోల్వారిన్’ టైటిల్తో మార్వెల్ స్టూడియోస్ నుంచి ఈ సినిమా వస్తుంది.
షాన్ లెవీ దర్శకత్వంలో తెరకెక్కుతోన్న ఈ సినిమాలో ర్యాన్ రేనాల్డ్స్, హ్యూ జాక్మాన్ ప్రధాన పాత్రల్లో నటిస్తున్నారు. తాజాగా మేకర్స్ ఈ మూవీ నుంచి టీజర్ను రిలీజ్ చేశారు. అదిరిపోయే యాక్షన్ సన్నివేశాలతో గూస్ బంప్స్ తెప్పించేలా టీజర్ ఉంది. ర్యాన్ రేనాల్డ్స్, హ్యూ జాక్మాన్ ఇందులో తమ నటనతో అదరగొట్టేశారు.
ముందుగా ట్రైలర్ ఆరంభంలో చూసుకుంటే.. ర్యాన్ రేనాల్డ్స్ తన స్నేహితులతో కలిసి బర్త్ డే వేడుకలను జరుపుకుంటాడు. ఈ లోగా కొందరు సాయుధులు వారి ఇంటికి వచ్చి ర్యాన్ రేనాల్డ్స్ను అలాగే హ్యూ జాక్మాన్ టీమ్ను కిడ్నాప్ చేసి తమ ప్రయోగశాలకు తీసుకెళ్తారు. అక్కడ హ్యూ జాక్మాన్, ర్యాన్ రేనాల్డ్స్ గతం గురించి వివరించడ్ మొదలు టీజర్ మొత్తం మాస్ యాక్షన్ సన్నివేశాలతో నిండిపోతుంది.
ప్రస్తుతం ఈ టీజర్ యూట్యూబ్లో తెగ వైరల్ అయిపోతుంది. రిలీజైన కొద్ది గంటల్లోనే భారీ వ్యూస్ అందుకొని దూసుకుపోతోంది. ఇక అన్ని పనులు పూర్తి చేసుకుని ఈ సినిమా ఈ ఏడాది జులై 26న రిలీజ్ కానుంది. ఇంగ్లీష్, తెలుగు, హిందీ, తమిళ భాషల్లో ప్రేక్షకుల ముందుకు రాబోతుంది.
ఇక ఈ సినిమా జూలైలో రిలీజ్ కానున్న తరుణంలో జూన్ చివరి వారంలో ఈ మూవీ ట్రైలర్ను రిలీజ్ చేసే అవకాశం ఉన్నట్లు సమాచారం.
Share
Bihar Floor Test: బలపరీక్ష లో నితీశ్ కుమార్ గెలుపు.. ఐదుగురు విపక్ష సభ్యులు మద్దతు!
U19 World Cup Final : 36 ఏళ్లలో తొలిసారి.. ఓపెనర్ల చెత్త రికార్డ్..!
