GOAT Movie Update(Greatest of All Time): జబర్ధస్త్ సుడిగాలి సుధీర్, యూట్యూబ్ ఫేమ్ దివ్యభారతి కలిసి నటిస్తున్న లేటెస్ట్ మూవీ ‘గోట్’. ఈ మూవీకి గ్రేటెస్ట్ ఆల్ ది టైమ్ అనేది ఉపశీర్షిక. ఈ సినిమాకు మొదటి నుంచి పాగల్ ఫేమ్ నరేష్ కుప్పిలి దర్శకత్వం వహిస్తున్నట్లు తెలిపారు. అయితే ఈ సినిమాకు సంబంధించిన ఓ వార్త సినీ పరిశ్రమలో వైరల్‌గా మారుతోంది. ఈ సినిమాకు డైరెక్టర్ ఎవరూ లేరని, సుడిగాలి సుధీర్ డైరెక్షన్ చేస్తున్నట్లు సమాచారం.
గోట్ సినిమాను మహాతేజ క్రియేషన్స్ పతాకంపై చంద్రశేఖర్ రెడ్డి మొగుళ్ల నిర్మిస్తుండగా..ఇప్పటికే ఈ సినిమా బడ్జెట్ రూ.12 కోట్లు దాటిందని తెలుస్తోంది. సినిమా ఎప్పుడో విడుదల కావాల్సి ఉండగా.. బడ్జెట్ విషయంలో సమస్య తలెత్తడంతో మొదట్లో డైరెక్షన్ చేసిన నరేష్ తప్పుకున్నాడని, తర్వాత సుడిగాలి సుధీర్ ఈ సినిమాకు డైరెక్షన్ చేస్తున్నట్లు వార్తలు వినిపిస్తున్నాయి.
ఈ మూవీపై భారీ అంచనాలు నెల కొన్నాయి. ఇప్పటికే ఈ సినిమా నుంచి లిరికల్ సాంగ్ విడుదలైంది. అయ్యే పాపం.. అనే సాంగ్ అభిమానులకు ఆకట్టుకుంది. అయితే ఆ తర్వాత గోట్ సినిమా బడ్జెట్ విషయంలో మేకర్స్ కు వివాదం రావడంతో షూటింగ్ నిలిచి పోయిందని వార్తలు వచ్చాయి. తాజాగా, ఈ సినిమా మేకర్స్ సెకండ్ సింగిల్ అప్డేట్ ప్రకటించారు. ఈ సాంగ్ ఆగస్టు 17న విడుదల చేయనున్నట్లు పోస్టర్ రిలీజ్ చేశారు.
Also Read: పీకల్లోతు కష్టాల్లో ఛార్మి.. డబుల్ ఇస్మార్ట్ ఫ్యాన్స్ కు షాక్ తప్పదా ?
ఈ పోస్టర్‌లో డైరెక్టర్ పేరు ప్రకటించకపోవడంతో గతంలో వచ్చిన వార్తలు నిజమేనని సినీ పరిశ్రమలో టాక్ నడుస్తోంది. ఈ సినిమా బడ్జెట్ రూ.12 కోట్లు దాటడంతో షూటింగ్ ఆలస్యం అయిందని, ప్రస్తుతం షూటింగ్ శరవేగంగా జరుగుతుందని తెలుస్తోంది. అయితే ఈ సినిమా త్వరలోనే విడుదల కానుంది. ఈ సినిమా కథ విషయానికొస్తే.. ఇప్పటివరకు విడుదలైన పోస్టర్లను చూస్తే ఓ పల్లెటూరులో ప్రేమ కథలా అనిపిస్తోంది. మర ఈ సినిమాతో సుధీర్ ఎలా విజయం అందుకుంటాడో చూడాలి.
Share
Srisailam dam gates closed: శ్రీశైలం డ్యామ్ గేట్స్ క్లోజ్, వెంటనే వేట మొదలు..
Murders : ఉమ్మడి తూ.గో జిల్లాలో వరుస హత్యలు.. కారణాలివేనా ?
