Bharateeyudu 2: అసలు ఏ ముహూర్తాన శంకర్- కమల్ హాసన్ కలిసి భారతీయుడు 2 మొదలుపెట్టారో కానీ, అప్పటినుంచి ఈ సినిమా వివాదాల మధ్యనే నడుస్తూ వస్తుంది. మొదట్లో శంకర్ కు- లైకాకు మధ్య గొడవ.. కొన్ని రోజులు షూటింగ్ ఆగిపోయింది. అంతా సెట్ అయ్యి షూటింగ్ స్టార్ట్ చేస్తే సెట్ లో ప్రమాదం.. ఇంకొన్ని రోజులు ఆగింది. ఆ తరువాత శంకర్ .. గేమ్ ఛేంజర్ అనౌన్స్ చేసి.. మరికొంత లేట్ చేశాడు.
ఇక ఎట్టకేలకు షూటింగ్ ఫినిష్ అయ్యింది అనుకుంటే.. రిలీజ్ డేట్ వాయిదా. అలా అన్ని అడ్డంకులను దాటుకొని జూలై 12వ తేదీన థియేటర్లలో రిలీజ్ అయ్యింది భారతీయుడు 2. పోనీ ఇన్ని దాటుకున్నా.. హిట్ టాక్ వస్తే కొద్దిగా అయినా రిలాక్స్ గా ఉండేది. కానీ, మొదటి నుంచే ఈ సినిమా మిక్స్డ్ టాక్ ను అందుకొని కలక్షన్స్ కూడా రాబట్టలేకపోయింది.
లెంత్ ఎక్కువ అయ్యిందని.. ట్రిమ్ చేసినా కూడా ప్రేక్షకులు సినిమాను ఆదరించలేదు. ఎన్నో అంచనాలను పెట్టుకొని థియేటర్ కు వెళ్లిన ప్రేక్షకులకు నిరాశనే మిగిలింది. సరే థియేటర్ లో కాకపోతే ఓటీటీలో అయినా మంచి హిట్ టాక్ వస్తుందేమో అని ఎంతోమని భారతీయుడు 2 ఓటీటీ కోసం ఎదురుచూస్తున్నారు. ఇక ఈ ఎదురుచూపులు అలాగే ఉండబోతున్నాయని తెలుస్తోంది.
ఇండియన్ 2 డిజిటల్ హక్కులను నెట్ ఫ్లిక్స్ సొంతం చేసుకున్న విషయం తెల్సిందే. భారీ ధరకు కొనుగోలు చేసిన నెట్ ఫ్లిక్స్.. రేపో మాపో ఇండియన్ 2 ను స్ట్రీమింగ్ కు రెడీ చేస్తుందేమో అనుకుంటే.. లైకాతో మళ్లీ చర్చలకు దిగిందని టాక్ నడుస్తోంది. మొదట ఇండియన్ 2 ఓటీటీ హక్కులను నెట్ ఫ్లిక్స్ రూ. 120 కోట్లకు కొనుగోలు చేసినట్లు టాక్.
అయితే ఇప్పుడు మాత్రం సినిమా ప్లాప్ అయ్యింది అని.. అందులో సగమే ఇస్తామని నెట్ ఫ్లిక్స్ మేకర్స్.. లైకాతో చర్చలు సాగిస్తున్నారట. ఇక ఇద్దరి మధ్య తారాస్థాయిలో చర్చలు జరుగుతున్న నేపథ్యంలో ఇప్పుడప్పుడే భారతీయుడు 2 ఓటీటీ బాట పట్టేది లేదని అంటున్నారు. మరి ఇందులో నిజమెంత అనేది తెలియాల్సి ఉంది.
Share
DSPs transferred: ఏపీలో భారీగా డీఎస్పీలు బదిలీ.. ఎంతమంది ట్రాన్స్ఫర్ అయ్యారో తెలిస్తే షాకవుతారు!
Samantha: సమంత ఇక మొదలు పెట్టిందిరోయ్.. స్టార్ట్ చేయండి
