Kantara A Legend Chapter-1: కన్నడ ఇండస్ట్రీని ప్రపంచానికి పరిచయం చేసిన సినిమాల్లో కెజిఎఫ్ తరువాత కాంతార అనే చెప్పాలి. కన్నడ స్టార్ హీరో రిషబ్ శెట్టి హీరోగా నటించి దర్శకత్వం వహించిన ఈ సినిమాను హోంబాలే ఫిలిమ్స్ ఎంతో ప్రతిష్టాత్మకంగా నిర్మించింది. ఎలాంటి అంచనాలు లేకుండా 2022 లో కాంతార రిలీజ్ అయ్యి భారీ విజయాన్ని అందుకుంది.
రిషబ్ శెట్టిని ఒక్కసారిగా స్టార్ హీరో తో పాటు స్టార్ డైరెక్టర్ ను చేసింది. ఈ సినిమా తరువాత కాంతార సీక్వెల్ వస్తుంది అనుకుంటే.. కాంతార ప్రీక్వెల్ రానున్నట్లు రిషబ్ శెట్టి ప్రకటించి ఇంకా అంచనాలను పెంచేశాడు. కేవలం రూ. 16 కోట్లతో నిర్మించిన ఈ సినిమా దాదాపు రూ. 450 కోట్లను వసూలు చేసి ఇండస్ట్రీని షేక్ చేసింది.
Horror Series In OTT : వామ్మో.. గజ గజ వణికించే హారర్ సీన్స్.. రాత్రి చూస్తే ఇక అంతే..
ఇక ఇప్పుడు కాంతార ప్రీక్వెల్ కూడా అంతకుమించి వసూలు చేస్తుందని పోస్టర్స్ ను బట్టే అర్ధమవుతుంది. తాజాగా కాంతార ఏ లెజెండ్ చాప్టర్ 1 రిలీజ్ డేట్ ను మేకర్స్ ప్రకటిస్తూ ఒక వీడియోను రిలీజ్ చేశారు. అక్టోబర్ 2, 2025 న ఈ చాప్టర్ 1 ను రిలీజ్ చేయనున్నట్లు ప్రకటిస్తూ రిషబ్ శెట్టి లుక్ ను రివీల్ చేశారు.
” వెలుగు.. వెలుగులో కంటికి అంతా కనిపిస్తుంది. కానీ, అది వెలుగు కాదు, దర్శనం. ముందు జరిగింది.. తరువాత జరగబోయేది అంతా చూపిస్తుంది ఆ వెలుగు. కనపడుతుందా.. ?” అంటూ వెనుక నుంచి వాయిస్ ఓవర్ వస్తుండగా.. రిషబ్ అలానే పైకి చూస్తూ కనిపించాడు. ఇక చివర్లో ఆ వెలుగుగా రిషబ్ భయంకరమైన రూపాన్ని చూపించారు.
Nayan Vs Dhanush: మాట వినని నయన్.. ధనుష్ మరోసారి స్ట్రాంగ్ వార్నింగ్.. ?
రక్తంతో తడుస్తున్న దేహం, ముఖం నిండా రక్తం, ఆ కళ్ళల్లో వెలుగు.. ఒకచేత్తో త్రిశూలం.. మరోచేత్తో పట్టుకొని ఎంతో భయంకరంగా కనిపించాడు. ఇక దీన్ని మరింత ఎలివేట్ చేసేలా అంజనీష్ మ్యూజిక్ అదిరిపోయింది. ప్రస్తుతం ఈ వీడియో నెట్టింట వైరల్ గా మారింది.
Share
Rana Daggubati: పోస్టర్స్ మీద నెంబర్స్ టైం పాస్ కి వేస్తాం
Lady Aghori: కారులో లేడీ అఘోరీ తాంత్రిక పూజలు? ఆగ్రహంతో అద్దాలు బద్దలు కొట్టిన ప్రజలు?
