“Kanulenduko” Song Released from Sudheer Babu’s ‘Harom Hara’: టాలీవుడ్ యంగ్ హీరో సుధీర్ బాబు ప్రస్తుతం మంచి హిట్ కోసం తహతహలాడుతున్నాడు. వరుస పెట్టి సినిమాలతో ప్రేక్షకులను అలరిస్తున్నా పెద్దగా ఫలితం దక్కడం లేదు. ఎప్పుడో ‘ప్రేమ కథా చిత్రం’ తో మంచి హిట్ అందుకున్నాడు. ఆ తర్వాత వరుస సినిమాలతో వచ్చినా ఎటువంటి ప్రయోజనమూ లేకపోయింది. అయినా సుధీర్ బాబు ఎక్కడా సహనం కోల్పోలేదు.
ఇందులో భాగంగానే గతేడాది రెండు సినిమాలతో ప్రేక్షకులను పలకరించాడు. హంట్, మామా మాశ్చింద్ర అనే సినిమాలతో వచ్చాడు. ఎన్నో అంచనాలతో ప్రేక్షకుల ముందుకు వచ్చిన ఈ సినిమాలు ఆడియన్స్‌ను నిరాశ పరిచాయి. ముఖ్యంగా హంట్ మూవీ కోసం సుధీర్ బాబు చాలా కష్టపడ్డాడు. అయినా ఎలాంటి ప్రయోజనం లేకపోయింది. ఇక మామా మాశ్చింద్ర కోసం మరింతగా శ్రమించినా ప్లాప్‌గానే మిగిలింది.
ఇక ఈ సారి ఎలాగైనా బ్లాక్ బస్టర్ హిట్ కొట్టాలనే లక్ష్యంగా పెట్టుకున్నాడు. ఇందులో భాగంగానే ఇప్పుడు ‘హరోం హర’ మూవీ చేస్తున్నాడు. ఇది సుధీర్ బాబు కెరీర్‌లో 18వ మూవీగా తెరకెక్కుతుంది. ఈ చిత్రానికి ‘సెహరి’ ఫేం జ్ఞానసాగర్ ద్వారకా దర్శకత్వం వహిస్తున్నాడు. ఇక ఇప్పటికే ఈ మూవీ నుంచి విడుదలైన పోస్టర్స్, గ్లింప్స్, సాంగ్, టీజర్ సినిమాపై భారీ అంచనాలను పెంచేశాయి.
Also Read: ‘హరోం హర’ టీజర్.. అంచనాలు పెంచేస్తున్న సుధీర్ బాబు.
వీటితో ప్రేక్షకుల్లో మంచి ఆసక్తి పెరిగింది. ఈ నేపథ్యంలో ఈ మూవీ నుంచి మేకర్స్ క్రేజీ అప్డేట్‌ను అందించారు. ఇందులో భాగంగా నిన్న ఈ మూవీ లోని కనులెందుకో అంటూ సాగే సెకండ్ సాంగ్ ప్రోమోను రిలీజ్ చేశారు. అయితే ఇప్పుడు ఈ సాంగ్ లిరికల్ వీడియో రిలీజ్ అయింది. వెంగి సుధాకర్ ఈ సాంగ్‌ను రాశారు. చేతన్ భరద్వాజ్ కంపోజిషన్‌లో నిఖిత శ్రీవల్లి పాడారు.
శ్రీ సుబ్రహ్మణ్యేశ్వర సినిమాస్ బ్యానర్‌పై సుమంత్ నాయుడు ఈ చిత్రాన్ని నిర్మిస్తున్నాడు. ఈ చిత్రం 1989 బ్యాక్ డ్రాప్‌లో చిత్తూరులోని కుప్పం నేపథ్యంలో సాగే స్టోరీగా తెరకెక్కుతుంది. ఈ చిత్రానికి చేతన్ భరద్వాజ్ సంగీతం, బ్యాక్‌గ్రౌండ్ స్కోర్ అందిస్తున్నారు. ఇక అన్ని పనులు పూర్తి చేసుకుని ఈ సినిమా తెలుగు, హిందీ, తమిళం, మలయాళం, కన్నడ భాషల్లో త్వరలో రిలీజ్ కానుంది.
Share
Realme Narzo 70 5G : రేపే రియల్ మీ ఎర్లీ బర్డ్ సేల్.. 2 గంటలు మాత్రమే!
Mangoes: తినే ముందు మామిడి పండ్లను నీటిలో నానబెట్టండి.. లేదంటే ప్రమాదంలో పడతారు !
