Big Stories

Shock to Manjummel Boys: ‘మంజుమ్మల్ బాయ్స్’ మూవీ యూనిట్‌కు షాక్.. ప్రముఖ మ్యూజిక్ డైరెక్టర్ నోటీసులు

Music Director Ilayaraja Sent Notice to Manjummel Boys Movie Unit: మలయాళ మూవీ ‘మంజుమ్మల్ బాయ్స్’. ఇప్పుడు ఎక్కడ చూసినా, ఎక్కడ విన్నా ఈ సినిమా పేరే వినిపిస్తోంది. ట్విట్టర్, ఇన్‌స్టాగ్రామ్, షేర్ చాట్ వంటి సోషల్ మీడియా ఫ్లాట్ ఫార్మ్‌లలో ఈ మూవీకి సంబంధించిన వీడియోలే వైరల్ అవుతున్నాయి. అంతేకాదు ఈ మూవీ రిలీజ్ తర్వాత గుణ కేవ్స్‌ను చూసేందుకు వెళ్లినవారి సంఖ్య ఎక్కువైంది. అయితే మరి అక్కడికి వెళ్లి సైలెంట్‌గా ఉంటారా అంటే అదీ లేకపోలేదు.. ‘సుభాసు.. సుభాసు’ అంటూ అరుపులు కేకలతో వీడియోలు చేస్తూ పోస్టులు పెడుతున్నారు. అంతటి క్రేజ్ ఏర్పడింది ఈ మూవీపై.

- Advertisement -

ఈ ఏడాది విడుదలైన అన్ని మలయాళ మూవీల్లోకెళ్ల అత్యంత భారీ హిట్‌ను సొంతం చేసుకుంది మంజుమ్మల్ బాయ్స్. నిజ జీవిత సంఘటనల ఆధారంగా ప్రేక్షకుల ముందుకు వచ్చిన ఈ సినిమా ఎవరూ ఊహించని బ్లాక్ బస్టర్ హిట్‌ను అందుకుంది. ఒక చిన్న సినిమాగా.. దీన్ని ఎవరు చూస్తారులే అనేంత సాధారణ మూవీగా రిలీజ్ అయింది. ఇక రిలీజ్ అయ్యాక మూవీకి వచ్చిన రెస్పాన్స్‌తో థియేటర్ దద్దరిల్లిపోయింది.

- Advertisement -

బాక్సాఫీసు వద్ద కలెక్షన్లు మామూలుగా రాలేదు. అందరినీ ఆశ్చర్యపరచే విధంగా రూ.200 కోట్లకు పైగా వసూళ్లు రాబట్టి నిర్మాతల పంట పండించింది. ఇక మలయాళ సినీ ఇండస్ట్రీని షేక్ చేసిన ఈ సినిమా.. తెలుగు కూడా రిలీజ్.. తెలుగు ప్రేక్షకుల నుంచి కూడా సూపర్ డూపర్ రెస్పాన్స్ రాబట్టింది. తెలుగులో కూడా మంచి కలెక్షన్లను అందుకున్న ఈ సినిమా ఇటీవలే ఓటీటీలో స్ట్రీమింగ్‌కు వచ్చింది.

Also Read: మరో వివాదంలో మలయాళ హిట్ సినిమా.. చీటింగ్ కేసు నమోదు!

ఓటీటీలో కూడా ఈ మూవీని ఎంతో మంది ప్రేక్షకులు వీక్షించారు. ఓటీటీలో కూడా బ్లాక్ బస్టర్ రెస్పాన్స్‌తో అదరగొట్టేసింది. ఇలా థియేటర్, ఓటీటీలో తనదైన శైలిలో అద్భుతమైన టాక్‌తో దూసుకుపోతున్న ఈ మూవీ యూనిట్‌కి తాజాగా ఊహించని షాక్ తగిలింది. ఓ ప్రముఖ మ్యూజిక్ డైరెక్టర్ ఈ సినిమా చిత్రబృందానికి నోటీసులు పంపించారు.

ఇంతకీ ఏమైంది.. ఆ మ్యూజిక్ డైరెక్టర్ ఎవరు.. ఎందుకు నోటీసులు పంపించారు అనే విషయానికొస్తే.. ఈ మూవీకి ముందు గతంలో కమల్ హాసన్ హీరోగా ‘గుణ’ పేరుతో ఓ మూవీ వచ్చింది. ఈ మూవీలో కన్మణి అన్బోడు పాటను ప్రముఖ మ్యూజిక్ డైరెక్టర్ ఇళయారాజా కంపోజ్ చేశాడు. అయితే ఇప్పుడు ఆ పాటను మంజుమ్మల్ బాయ్స్ మూవీలో తమ అనుమతి లేకుండా వాడుకున్నందుకు మూవీ నిర్మాణ సంస్థకు ఇళయారాజా తరపు లాయర్ నోటీసులు పంపించారు.

Also Read: Actress Kavitha: పెళ్లి తరువాత ఆ కండీషన్ పెట్టా.. పిల్లలు పుట్టి చనిపోవడం.. ఎమోషనల్ అయిన కవిత

తాను కంపోజ్ చేసిన పాటను తమ అనుమతి లేకుండా మంజుమ్మల్ బాయ్స్ మూవీలో వాడుకున్నందుకు ఈ నోటీసులు పంపించారు. ఈ మేరకు కాపీరైట్ చట్టం ప్రకారం.. ఈ సాంగ్‌కు సంబంధించిన హక్కులు ఇళయారాజాకు చెందినవని.. తమ సినిమాలో ఈ సాంగ్‌ను ఉపయోగించాలంటే ఆ హక్కులు పొందిన వ్యక్తికి కొంత మొత్తాన్ని చెల్లించాలని ఆ నోటీసులో తెలిపారు. అలా కాదంటే కాపీరైట్ ఉల్లంఘించినట్లు భావించి చట్టపరంగా క్రిమినల్ చర్యలు తీసుకుంటామని హెచ్చరించారు. దీంతో చాలా మంది రకరకాలు స్పందిస్తున్నారు.

- Advertisement -

ఇవి కూడా చదవండి

Latest News