Mahesh Babu : మనం చేసే పనులే చాలా సందర్భాల్లో మనం ఏంటో ప్రపంచానికి చెప్పేస్తాయి. ఇప్పుడు మహేష్ చేసిన పనితో ఆయన అభిమానులు చాలా గర్వపడుతున్నారు. ఎందుకో తెలుసా! ఆయన ఓ వైపు ఎంతో బాధలో ఉన్నారు. కానీ.. మూడేళ్ల చిన్నారి ప్రాణం కాపాడటానికి ముందుకు వచ్చారు. ఆంధ్ర హాస్పిటల్స్ వారితో కలిసి మహేష్ బాబు ఫౌండేషన్ గుండె సంబంధిత సమస్యలతో బాధపడుతున్న చిన్నారులకు ఆపరేషన్స్ చేయిస్తున్న సంగతి తెలిసిందే. అందులో భాగంగా అమలాపురంకు చెందిన మూడేళ్ల బాబు గుండె సంబంధిత సమస్యతో హాస్పిటల్లో జాయిన్ చేశారు. టెస్టులు చేసిన డాక్టర్స్ వెంటనే ఆపరేషన్ చేయాలని అన్నారు.
చిన్నారి గుండె ఆపరేషన్కు నాలుగు లక్షల రూపాయలు ఖర్చు అవుతుందని డాక్టర్స్ చెప్పారు. తల్లిదండ్రులు వెంటనే ఆంధ్ర హాస్పిటల్స్ వారి సపోర్ట్తో మహేష్ బాబు ఫౌండేషన్ను సంప్రదించారు. మరో వైపు మహేష్ తండ్రి కృష్ణ హాస్పిటల్స్లో ఉన్నారు. ఆయన హెల్త్ కండీషన్ క్రిటికల్గా ఉందని డాక్టర్స్ చెప్పారు. మరో వైపు మూడేళ్ల చిన్నారికి ఆపరేషన్ చేయించాలని ఫోన్ వచ్చింది. అంత బాధాకర పరిస్థితుల్లోనూ మహేష్.. చిన్నారి గుండె ఆపరేషన్కు కావాల్సిన వసతులను ఏర్పాటు చేసి ఆపరేషన్ విజయవంతం అయ్యేలా చేశారు. ఇప్పుడా చిన్నారి ఆరోగ్యంతో ఉంది. ఆ చిన్న పిల్లాడి తల్లిదండ్రులు మహేష్ బాబుకి ధన్యవాదాలు తెలియజేశారు.
Share
IPL : 15 సీజన్లు.. రూ.6,500 కోట్ల జీతాలు..
Musk : పోతే పొండి.. నో రిస్క్ అంటున్న మస్క్!
