Hyper Aadi: పవన్ కీలక నిర్ణయం.. హైపర్ ఆదికి ఎమ్మెల్సీ పదవి.. ?

Hyper Aadi: హైపర్ ఆది గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. జబర్దస్త్ ద్వారా కెరీర్ ప్రారంభించి స్టార్ కమెడియన్ గా తనకంటూ ఒక ప్రత్యేకమైన గుర్తింపు తెచ్చుకున్నాడు. ఇక జబర్దస్త్ లోనే కాకుండా సినిమాలో పంచ్ డైలాగ్స్ రాసి మరింత పేరు తెచ్చుకున్నాడు. ఇక ఇవన్నీ పక్కన పెడితే.. పవన్ కళ్యాణ్ కు హైపర్ ఆది ఎంత పెద్ద ఫ్యానో అందరికి తెల్సిన విషయమే. ఇంకా చెప్పాలంటే భక్తుడు అని చెప్పాలి.

మెగా ఫ్యామిలీకి హైపర్ ఆది భక్తుడు లాంటివాడు. పదేళ్ల క్రితం జనసేన పార్టీ స్థాపించినప్పటి నుంచి పవన్ కు సపోర్ట్ గా హైపర్ ఆది నిలబడుతూనే వచ్చాడు. ప్రచారాల్లో వైసీపీ ని ఏకిపారేసిన తీరు అభిమానులను ఎంతో ఆకట్టుకున్నాయి. పవన్ కళ్యాణ్ గురించి ఆది ఇచ్చిన స్పీచ్ లు ప్రజల్లోకి బలంగా నాటుకుపోయాయి. హైపర్ ఆదిని చూసి మిగతావారు కూడా పవన్ కు సపోర్ట్ గా వచ్చారు.

ఇక ఈసారి ఎన్నికల్లో హైపర్ ఆది చేసిన ప్రచారం మాములుగా లేదు. జబర్దస్త్ కమెడియన్స్ తో కలిసి ఆయన పిఠాపురం మొత్తం తిరిగి.. ప్రతి ఇంటి తలుపు తట్టి.. పవన్ ను గెలిపించమని కోరాడు. జనసేన విజయంలో హైపర్ ఆది కీలక పాత్ర పోషించాడు అని చెప్పడంలో ఎటువంటి అతిశయోక్తి కాదు. ఇక ఆ కష్టాన్ని గుర్తించిన పవన్.. హైపర్ ఆదికి ఒక కీలక పదవిని కట్టబెట్టనున్నట్లు సమాచారం అందుతుంది. త్వరలోనే హైపర్ ఆది జనసేన పార్టీ కండువా కప్పుకోబోతున్నాడట.

ఇక పార్టీలోకి వచ్చాకా పవన్.. ఆదిని ఎమ్మెల్సీగా చేయనున్నారని అంటున్నారు. మరి ఇందులో నిజమెంత అనేది తెలియాల్సి ఉంది. ఒకవేళ ఇదే కనుక నిజమైతే ఆది జాక్ పాట్ కొట్టినట్టే అని చెప్పాలి. మరి ఈ విషయమై ఆది ఎలా స్పందిస్తాడో చూడాలి.