Salaar:ఇవాళ్టికీ ఇండియన్ మూవీ హయ్యస్ట్ కలెక్షన్లు బాహుబలి2 మీదే ఉన్నాయి. కేజీయఫ్ ఫస్ట్ పార్టుతో పోలిస్తే సెకండ్ పార్టు నాలుగు రెట్లు ఎక్కువ కలెక్ట్ చేసి ఉండొచ్చు. కానీ బాహుబలి2ని మాత్రం దాటలేకపోయింది. అందుకే ఈ విషయం మీద గట్టిగా ఫోకస్ చేశారు హోంబలే ఫిలిమ్స్. ఈ సంస్థ నిర్మించిన గత చిత్రాలు కేజీయఫ్2కన్నా, కాంతారకన్నా ఎక్కువ బడ్జెట్ని సలార్కి కేటాయించారట. ఆ మాట కొస్తే ఇండియన్ హిస్టరీలో అత్యంత ఎక్కువ బడ్జెట్తో తెరకెక్కిస్తున్నారట. జనవరితో సలార్ షూటింగ్ పూర్తవుతుంది. 80 శాతం షూటింగ్ ఇప్పటికే పూర్తయింది. కానీ క్లైమాక్స్ మాత్రమే మిగిలి ఉంది. దాన్ని జనవరిలో తెరకెక్కిస్తారు.
సెప్టెంబర్లో ఈ సినిమాను విడుదల చేయడానికి సన్నాహాలు చేస్తున్నారు. అంటే దాదాపు ఆరు నెలలకు పైగా పోస్ట్ ప్రొడక్షన్స్ కి టైమ్ తీసుకుంటున్నారు.
ప్రభాస్ ఫిగర్ కరెక్షన్ కోసమే ఇంత టైమ్ తీసుకుంటున్నారనే చర్చ కూడా జరుగుతోంది. సలార్లో ప్రభాస్ తండ్రీకొడుకులుగా కనిపిస్తారని టాక్. యంగ్ లుక్ కోసం ఫిగర్ కరెక్షన్కి విజువల్ ఎఫెక్ట్స్ కి టైమ్ పడుతుందనే మాటలు వినిపిస్తున్నాయి. దాంతో పాటు ఎక్కువ భాగం గ్రీన్ మ్యాట్లో తీసేసి ఉంటారని, దానికి దుమ్మూ ధూళీ, యాంబియన్స్ జోడించడానికి అంత సమయం పడుతుందని కూడా అంటున్నారు జనాలు. నెక్స్ట్ ఇయర్ మోస్ట్ ఎవెయిటెడ్ మూవీస్లో ప్రభాస్ సలార్ ఉంది. అందులోనూ ప్రశాంత్ నీల్ సినిమా కోసం ప్యాన్ ఇండియా రేంజ్లో ఫ్యాన్స్ వెయిటింగ్లో ఉన్నారు. ఈ సినిమా తర్వాత ప్రశాంత్నీల్ కోసం స్టార్ హీరోలు కూడా క్యూలో ఉన్నారు. అదీ సంగతి.
Share
G2: పాన్ ఇండియా లెవల్లో అడివి శేష్ కొత్త ప్రాజెక్ట్
Unstoppable with NBKS2: అన్స్టాపబుల్పై కోర్టుకెక్కిన ఆహా.. ఢిల్లీ హైకోర్టు ఆర్డర్స్
