Mirai Movie: ఒక్క సినిమాతో ఎనలేని పాపులారిటీ, క్రేజ్, స్టార్‌డమ్ సంపాదించుకున్న హీరోలు ఎంతోమంది ఉన్నారు. అలాంటి హీరోల లిస్ట్‌లోకి తేజ సజ్జా (Teja Sajja) కూడా యాడ్ అయ్యాడు. చైల్డ్ ఆర్టిస్ట్ నుండి హీరోగా మారిన తర్వాత తేజ సజ్జాకు ‘హనుమాన్’తో బ్లాక్‌బస్టర్ హిట్ దక్కింది. దీంతో ఒక్కసారిగా తను కూడా ప్యాన్ ఇండియా హీరో అయిపోయాడు. తనతో కూడా ప్యాన్ ఇండియా చిత్రాలు తెరకెక్కించవచ్చనే కాన్ఫిడెన్స్ మేకర్స్‌లో కలిగింది. అందుకే ‘హనుమాన్’ తర్వాత అంతకు మించిన భారీ బడ్జెట్ చిత్రంలో ప్రేక్షకుల ముందుకు రావడానికి సిద్ధమయ్యాడు తేజ. అదే ‘మిరాయ్’. తాజాగా ఈ మూవీకి సంబంధించిన ఒక క్రేజీ అప్డేట్ బయటికొచ్చింది.
ఫారిన్‌లో షూటింగ్
‘హనుమాన్’ విడుదలయ్యి బ్లాక్‌బస్టర్ సాధించిన వెంటనే ఆ సందర్భాన్ని క్యాష్ చేసుకోవడం కోసం ‘మిరాయ్’ను అనౌన్స్ చేశాడు తేజ సజ్జా. అనౌన్స్ చేయడం మాత్రమే కాదు.. దానికి సంబంధించిన గ్లింప్స్‌ను కూడా విడుదల చేశాడు. ‘హనుమాన్’లాగానే ‘మిరాయ్’ (Mirai) కూడా ఒక ఇంట్రెస్టింగ్ కథతో తెరకెక్కుతోందని గ్లింప్స్‌తోనే తెలిసేలా చేశారు. దీంతో అప్పుడే ఈ మూవీపై ప్రేక్షకుల్లో అంచనాలు పెరిగిపోయాయి. ప్రస్తుతం బ్రేక్ లేకుండా ఈ సినిమా షూటింగ్ శరవేగంగా సాగుతోంది. దాదాపుగా ‘మిరాయ్’ షూటింగ్ అంతా వేరే దేశాల్లోనే జరుగుతుందని మేకర్స్ ముందుగానే క్లారిటీ ఇచ్చారు. తాజాగా ఈ మూవీ నుండి మరొక అదిరిపోయే అప్డేట్ బయటికొచ్చి ఫ్యాన్స్‌ను ఖుషీ చేస్తోంది.
మామూలు విషయం కాదు
‘మిరాయ్’ సినిమాలో తేజ సజ్జా సరసన నటించడం కోసం ‘అశోక వనంలో అర్జున కళ్యాణం’ ఫేమ్ రితికా నాయక్ నటించనుంది. ఈ విషయాన్ని గ్లింప్స్‌లోనే స్పష్టం చేశారు మేకర్స్. ఇంతలోనే ఈ సినిమాలో ఒక స్పెషల్ సాంగ్ కోసం ప్రభాస్ హీరోయిన్, ‘రాజా సాబ్’ బ్యూటీ నిధి అగర్వాల్‌ను రంగంలోకి దించనున్నారనే వార్త బయటికొచ్చింది. దాదాపుగా ఈ వార్త కన్ఫర్మ్ అని ఇండస్ట్రీలో గుసగుసలు వినిపిస్తున్నాయి. ‘ఇస్మార్ట్ శంకర్’తో ఫేమ్ సంపాదించుకున్న నిధి అగర్వాల్ (Nidhhi Agerwal).. ప్రస్తుతం పవన్ కళ్యాణ్ ‘హరిహర వీరమల్లు’, ప్రభాస్ ‘రాజా సాబ్’తో బిజీగా ఉంది. ఇదే సమయంలో ‘మిరాయ్’తో తేజ సజ్జాతో స్టెప్పులేయడానికి గ్రీన్ సిగ్నల్ ఇచ్చిందంటే మామూలు విషయం కాదని ఫ్యాన్స్ అనుకుంటున్నారు.
అన్ని భాషల్లో విడుదల
‘మిరాయ్’ సినిమాలో మరొక హైలెట్‌గా నిలిచే అంశం మంచు మనోజ్. చాలాకాలంగా సినిమాలకు దూరంగా ఉంటూ పర్సనల్ లైఫ్‌లో బిజీ అయిపోయిన మంచు మనోజ్.. ‘మిరాయ్’లో విలన్‌గా కనిపిస్తూ రీఎంట్రీకి సిద్ధపడ్డాడు. ఇప్పటికే తన క్యారెక్టర్‌కు సంబంధించిన గ్లింప్స్ కూడా బయటికొచ్చింది. అలా ఇప్పటివరకు ‘మిరాయ్’ నుండి బయటికొచ్చిన ప్రతీ అప్డేట్.. ప్రేక్షకుల్లో హైప్‌ను విపరీతంగా పెంచేసింది. టీజీ విశ్వప్రసాద్.. భారీ బడ్జెట్‌తో ఈ సినిమాను నిర్మిస్తున్నారు. తెలుగుతో పాటు హిందీ, మలయాళ, కన్నడ, తమిళ భాషల్లో కూడా ‘మిరాయ్’ విడుదల కానుంది. 2025 ఏప్రిల్ 18న ఈ మూవీ రిలీజ్ డేట్ ఫిక్స్ చేసుకుంది.
Share
TTD - Asaduddin owaisi Issue : తిరుపతి.. మీ జాగీరా? - టీటీడీ చైర్మన్ బీఆర్ నాయుడుపై అసదుద్దీన్ ఫైర్
Indiramma Illu : ఇందిరమ్మ ఇళ్లకో యాప్
