Mahesh Babu’s ‘Guntur Kaaram’ released on 9th February in Netflix: టాలీవుడ్ సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో తెరకెక్కిన మూవీ ‘గుంటూరు కారం’. ఇందులో శ్రీలీల, మీనాక్షి చౌదరి హీరోయిన్లుగా నటించారు. మహేష్ – త్రివిక్రమ్ కాంబినేషన్‌లో తెరకెక్కిన మూడో సినిమా కావడంతో ఈ మూవీపై భారీ అంచనాలు ఏర్పడ్డాయి. మూవీ అనౌన్స్‌మెంట్ వచ్చినప్పటి నుంచి అంచనాలు పెరిగిపోయాయి.
దీంతో ఈ మూవీ నుంచి ఎలాంటి అప్డేట్ వచ్చినా.. ఇట్టే వైరల్ అయిపోయేది. సంక్రాంతి సందర్భంగా జనవరి 12న ఈ మూవీ విడుదలైంది. ఫస్ట్ డే నుంచే ఈ సినిమా మిక్స్‌డ్ టాక్ తెచ్చుకుంది.
మాటల మాంత్రికుడు త్రివిక్రమ్.. ఒకే తరహాలో సినిమాలు తీస్తున్నారని నెటిజన్లు విమర్శలు కూడా చేశారు. కేవలం ఫ్యామిలీ ఆడియన్స్‌ను మాత్రమే ఈ సినిమా థియేటర్లలో ఆకట్టుకుంది. ఇక ఎన్ని విమర్శలు చేసినా.. బాక్సాఫీసు వద్ద కలెక్షన్లు మాత్రం ఓ రేంజ్‌లో వచ్చాయి.
ముఖ్యంగా ఈ మూవీకి మహేష్ బాబు డ్యాన్స్ హైలైట్‌గా నిలిచింది. ఎన్నో ఏళ్లుగా స్క్రీన్‌పై మహేష్ బాబు ఈ రేంజ్‌లో డ్యాన్స్ చేయలేదని అభిమానులు సంతోషించారు. అంతేకాకుండా ఇందులో మహేష్‌తో శ్రీలీల కూడా ఓ రేంజ్‌లో దుమ్ము దులిపేసింది.
READ MORE: Guntur Kaaram: ‘గుంటూరు కారం’లో మార్పులు.. ఈ సీన్లనే యాడ్ చేస్తున్నారంట..?
ఇక ఈ మూవీ థియేటర్లలో రిలీజైన సమయంలోనే ‘హనుమాన్’ కూడా రిలీజై మంచి టాక్ అందుకుంది. దీంతో గుంటూరు కారం మూవీ పై ఆసక్తి తగ్గుతూ వచ్చింది. దీంతో ఈ చిత్రాన్ని ఓటీటీలో వీక్షించేందుకు ఆడియన్స్ పడిగాపులు కాస్తున్నారు. ఈ తరుణంలో వారికో గుడ్‌న్యూస్ అందింది. థియేటర్లలో మిక్స్‌డ్ టాక్ అందుకున్న ఈ సినిమా నెలరోజులలోపే ఓటీటీలో స్ట్రీమింగ్ ప్రారంభించుకుంది.
ఈ మూవీ కోసం ఎదురుచూసిన ఫ్యామిలీ ఆడియన్స్ ఇప్పుడు ఓటీటీలో చూసేయొచ్చు. ప్రముఖ ఓటీటీ ప్లాట్ ఫార్మ్ నెట్‌ఫ్లిక్స్‌లో ‘గుంటూరు కారం’ మూవీ ఫిబ్రవరి 8 అర్థరాత్రి నుంచి స్ట్రీమింగ్‌కు వచ్చింది. ఈ విషయంపై నెట్‌ఫ్లిక్స్ కూడా సోషల్ మీడియాలో స్పెషల్‌గా చెప్పుకొచ్చింది.
‘రాయల్ సత్యంలాగా బ్లాక్ అండ్ వైట్ కాదు.. రౌడీ రమణలాగా సినిమా స్కోప్, 70 ఎమ్ఎమ్’ అంటూ రమణ గురించి స్పెషల్‌గా చెప్పుకొచ్చింది. ఇక ఈ మూవీ ఓటీటీలో తెలుగు, తమిళ, మలయాళం, కన్నడ, హిందీ భాషల్లో కూడా స్ట్రీమ్ అవుతుందని ఈ మేరకు ప్రకటించింది.
READ MORE: Guntur kaaram: ‘గుంటూరు కారం’ కోసం మహేష్ బాబు రెమ్యూనరేషన్ ఎంతంటే.?
అయితే జనవరి 12 రిలీజ్ అయిన ఈ మూవీ నెల రోజులలోపే ఓటీటీలో స్ట్రీమ్ అవడంపై కొందరు విమర్శలు చేస్తున్నారు. కానీ, మరికొందరు మాత్రం సినిమాకు మిక్స్‌డ్ టాక్ రావడంతోనే ఇంత త్వరగా స్ట్రీమింగ్‌కు వచ్చిందని.. లేకపోతే ఇంకా కొన్ని రోజులు ఆగిన తర్వాతే ఓటీటీలోకి వచ్చేదని చర్చించుకుంటున్నారు.
Share
Car Driving Viral Video: దేవుడా! ఇదేం డ్రైవింగ్ రా బాబు..! పడితే కారుతో సహా పచ్చడే..!
CM Revanth Reddy: పీవీకి భారతరత్న ప్రకటించడాన్ని స్వాగతిస్తున్నా.. సీఎం రేవంత్ రెడ్డి ట్వీట్
