Illegal arms: అమెరికా భద్రతా వ్యవస్థను దిగ్భ్రాంతికి గురిచేస్తూ ఒక సంచలన ఆయుధ సరఫరా వ్యవహారం వెలుగులోకి వచ్చింది. దశాబ్దం కాలంగా అమెరికాలో స్థిరపడి, ఎవరికీ అనుమానం రాకుండా జీవిస్తున్న షమీమ్ మాఫీ అనే మహిళను అమెరికా పోలీసులు అరెస్ట్ చేశారు. సాధారణ వలసదారుగా అమెరికాలో అడుగుపెట్టిన ఈమె, తెర వెనుక ఇరాన్ ప్రభుత్వంతో లోతైన సంబంధాలను కలిగి ఉండి, అంతర్జాతీయ ఆంక్షలను ధిక్కరిస్తూ అక్రమ ఆయుధ సరఫరాకు పాల్పడుతోందని దర్యాప్తు సంస్థలు గుర్తించాయి. ఈ అరెస్ట్ అమెరికాలో కలకలం రేపడమే కాకుండా, విదేశీ ఆయుధ మాఫియా నెట్ వర్క్‌ల కార్యకలాపాలపై తీవ్ర చర్చకు దారితీసింది.
2013లో వలస.. ఆపై ఆయుధాల దళారిగా!
2013లో ఇరాన్ నుండి అమెరికాకు వలస వచ్చిన షమీమ్ మాఫీ, బయట ప్రపంచానికి ఒక సాధారణ గృహిణిలా లేదా సామాన్య ఉద్యోగిలా కనిపించినప్పటికీ, ఆ ముసుగులో ఆమె చేస్తున్న పనులు మాత్రం దేశ భద్రతకే ముప్పుగా మారాయి. ఇరాన్ అధికారులతో నేరుగా సంప్రదింపులు జరుపుతూ, అటు అమెరికాలోని టెక్నాలజీని, ఇటు ఇరాన్ అవసరాలను అనుసంధానించే ‘కీలక మధ్యవర్తి’గా ఆమె చక్రం తిప్పింది. రక్షణ రంగ ఒప్పందాలను కుదుర్చుకోవడంలో ఆమె వ్యవహరించిన తీరు ఆశ్చర్యపరిచేలా ఉందని, ఇరాన్ ప్రభుత్వంతో ఆమెకున్న అనుబంధం అత్యంత ప్రమాదకరమైనదని దర్యాప్తు అధికారులు వెల్లడించారు.
70 మిలియన్ డాలర్ల ‘మొహజెర్-6’ డ్రోన్ డీల్!
ఈ కేసులో అత్యంత షాకింగ్ అంశం ఏమిటంటే.. ప్రపంచదేశాలు ఆంక్షలు విధించినా లెక్కచేయకుండా, ఇరాన్‌కు ‘మొహజెర్-6’ డ్రోన్లను సరఫరా చేసేందుకు ఏకంగా 70 మిలియన్ డాలర్ల భారీ ఒప్పందాన్ని ఆమె కుదుర్చుకోవడం. అమెరికా చట్టాలను, అంతర్జాతీయ నిబంధనలను బేఖాతరు చేస్తూ, అమెరికా భూభాగం నుంచే అక్రమ ఆయుధ రవాణాకు ఆమె వేసిన పథకం, నిఘా వర్గాల కళ్లుగప్పలేకపోయింది. అత్యాధునిక డ్రోన్ టెక్నాలజీని ఇరాన్‌కు చేరవేయడం వెనుక ఉన్న ఆమె రాజకీయ, ఆర్థిక కోణాలు ఇప్పుడు అమెరికా దర్యాప్తు సంస్థలకు ప్రధాన సవాలుగా మారాయి.
గతంలో సూడాన్‌కూ ఆయుధాల సరఫరా!
షమీమ్ మాఫీ చరిత్ర కేవలం ఇరాన్‌తోనే ముగియలేదు. గతంలో ఆమె సూడాన్‌కు ఏకంగా 55 వేల బాంబ్ ఫ్యూజ్‌లను (Bomb Fuses) అక్రమంగా సరఫరా చేసినట్లు ఆధారాలు సేకరించారు. ఆయుధాల రవాణాలో ఆమెకు ఉన్న ఈ అనుభవం, ఆమె వెనుక ఒక పెద్ద అంతర్జాతీయ నెట్ వర్క్ ఉందనే అనుమానాలను బలపరుస్తోంది. ఒక సాధారణ మహిళ, దేశాల మధ్య ఆయుధ బదలాయింపులో ఇంతటి కీలక పాత్ర ఎలా పోషించగలిగింది? ఆమెకు సహకరించిన శక్తులు ఎవరు? అనే కోణంలో దర్యాప్తు వేగవంతం చేశారు.
Also Read: ఇరాన్-అమెరికా మధ్య మరోసారి చర్చలు.. ఇస్లామాబాద్ వేదికగా, కొనసాగుతున్న ఉత్కంఠ, ప్రకటన చేయని ఇరాన్
నిరాకరిస్తున్న షమీమ్.. ముగుస్తున్న ఉచ్చు!
తనపై వచ్చిన ఆరోపణలను షమీమ్ మాఫీ తీవ్రంగా ఖండిస్తున్నారు. తాను ఏ దేశానికి, ఏ ప్రభుత్వానికి మధ్యవర్తిగా వ్యవహరించలేదని, తనపై జరుగుతున్నవి నిరాధారమైన ఆరోపణలని ఆమె బుకాయిస్తున్నారు. అయితే, ఆమెకు వ్యతిరేకంగా ఉన్న పక్కా ఆధారాలు, డిజిటల్ కమ్యూనికేషన్ రికార్డులు ఆమె వాదనను బలహీనపరుస్తున్నాయి. ప్రస్తుతం ఆమె అదుపులో ఉండగా, ఆమె నెట్ వర్క్‌లో ఇంకా ఎంతమంది ఉన్నారు? ప్రపంచవ్యాప్తంగా ఆమె చేపట్టిన ఇతర ఆయుధ ఒప్పందాలు ఏమిటి? అనే ప్రశ్నలకు సమాధానాలు రాబట్టే పనిలో అమెరికా భద్రతా దళాలు నిమగ్నమయ్యాయి.
అమెరికాలో అక్రమ ఆయుధ నెట్ వర్క్ గుట్టురట్టు
ఇరాన్‌కు అక్రమంగా ఆయుధాలు సరఫరా చేస్తున్న మహిళ
షమీమ్ మాఫీ అనే మహిళను అరెస్ట్ చేసిన పోలీసులు
2013లో ఇరాన్ నుంచి అమెరికాకు వలస వెళ్లిన షమీమ్ మాఫి
మధ్యవర్తిగా ఉంటూ ఇరాన్ ప్రభుత్వంతో రక్షణ ఒప్పందాలు
మొహజెర్ – 6 డ్రోన్ సరఫరాకు 70… pic.twitter.com/klCFePHuRt
— BIG TV Breaking News (@bigtvtelugu) April 20, 2026
Share
Congress : బీఆర్ఎస్‌కు కౌంటర్‌గా కాంగ్రెస్ సభ.. రేవంత్ టార్గెట్ ఆయనేనా?
India Korea: భారత్‌లో దక్షిణ కొరియా అధ్యక్షుడు.. మోదీతో అత్యవసర భేటి.. 8 ఏళ్ల తర్వాత ఎందుకీ ఆకస్మిక పర్యటన!
