Trump : ట్రంప్‌తో మామూలుగా ఉండదు..! సొంత డబ్బా కొట్టుకోవడంలో ఆయన్ని మించినోడు ఎవరూ ఉండరేమో..! ఇండియా-పాక్ మధ్య యుద్ధాన్ని తానే ఆపానని చెప్పుకుంటున్న ట్రంప్.. చివరికి కోర్టులోనూ అదే సోది కంటిన్యూ చేశాడు. టారిఫ్‌ వార్‌పై విచారణ సమయంలో పాక్-భారత్ ఇష్యూను ప్రస్తావించి బొక్కబోర్లా పడ్డారు.
టారిఫ్‌లు ఆపితే.. మళ్లీ వార్
టారిఫ్‌ వార్‌పై అమెరికా ట్రేడ్ కోర్టులో విచారణ జరిగింది. మొదట ట్రంప్ అడ్మినిస్ట్రేషన్‌ వాదనలు వినిపించింది. అధ్యక్షుడి టారిఫ్‌ అధికారాలను సమర్థించాలని కోర్టును అభ్యర్థించింది. టారిఫ్‌ అధికారాలను నిలిపివేస్తే.. చైనాతో వాణిజ్య సంధిని మార్చేస్తుందని.. భారత్-పాక్ మధ్య మళ్లీ ఘర్షణలను పెంచుతుందని వాదించింది. టారిఫ్‌ అధికారం వల్లే ఇటీవల ఇండియా, పాకిస్తాన్ మధ్య కాల్పుల విరమణ ఒప్పందాన్ని ట్రంప్ కుదిర్చారని వివరించింది.
కోర్టులో ట్రంప్‌కు షాక్
టారిఫ్‌ వార్‌పై ప్రస్తుతం అనేక దేశాలతో చర్చలు జరుగుతున్నాయని కోర్టు దృష్టికి తీసుకెళ్లింది ట్రంప్ టీమ్. ఈ ట్రేడ్ డీల్స్‌ను ఖరారు చేసేందుకు జులై 7 వరకు గడువు ఉందని, అప్పటివరకు సున్నితమైన అంశంగా పరిగణించాలని రిక్వెస్ట్ చేసింది. అయితే ట్రంప్ అడ్మిస్ట్రేషన్‌ చేసిన అన్ని వాదనలను రిజెక్ట్ చేసింది కోర్టు.
ఆ అధికారం కాంగ్రెస్‌కే..
అంతర్జాతీయ అత్యవసర ఆర్థిక అధికారాల చట్టం కింద అధ్యక్షుడికి.. యూఎస్ కాంగ్రెస్‌ అపరిమిత అధికారాలను ఇవ్వలేదని తేల్చి చెప్పింది కోర్టు. ఇతర దేశాలతో వాణిజ్యాన్ని నియంత్రించే అధికారం కాంగ్రెస్‌కు మాత్రమే ఉందని తెల్పింది. దీన్ని అధ్యక్షుడి విచక్షణాధికారాలతో అధిగమించలేరని స్పష్టం చేసింది. ఇది రాజ్యాంగ వ్యవస్థలను బలహీన పరచడమే అవుతుందని తెల్పింది కోర్టు.
ట్రంప్ టారిఫ్‌లకు కోర్టు బ్రేక్
లిబరేషన్‌ డే పేరుతో.. ప్రపంచ దేశాలపై ట్రంప్ విధించిన టారిఫ్‌లకు కోర్టు బ్రేక్ వేసింది. ఎమర్జెన్సీ సమయంలో మాత్రమే విదేశాలపై ప్రెసిడెంట్‌కు ఆర్థిక ఆంక్షలు విధించే అధికారం ఉంటుందని తేల్చి చెప్పింది. ఇటీవల ట్రంప్ ప్రకటించిన టారిఫ్‌లను నిలిపి వేస్తూ యూఎస్ ట్రేడ్ కోర్టు తీర్పు ఇచ్చింది. అంతర్జాతీయ వాణిజ్యాన్ని నియంత్రించే అధికారం కేవలం కాంగ్రెస్‌కే ఉందని స్పష్టం చేసింది. విశేష అధికారాలతో టారిఫ్‌లు విధించడం సరికాదని.. అది రాజ్యాంగ విరుద్ధమే అవుతుందని కోర్టు తీర్పు వెలువరించింది. దీనిపై ట్రంప్ సర్కారు వెంటనే అప్పీల్‌ దాఖలు చేసింది.
Share
Allu Arjun Gaddar Award : గద్దర్ అవార్డ్‌పై బన్నీ రియాక్షన్ ఇదే... సీఎం రేవంత్‌కు స్పెషల్ నోట్!
Narivetta Trailer: తెలుగులోకి టోవినో థామస్ వివాదాస్పద మలయాళ చిత్రం ‘నరివెట్ట’.. రిలీజ్ ఎప్పుడంటే?
