Gunfire : అమెరికాలో మరోసారి కాల్పులు కలకలం రేపాయి. వర్జీనియాలోని వాల్‌మార్ట్‌ స్టోర్‌లో దుండగుడు కాల్పులకు తెగబడ్డాడు. ఆ తర్వాత తనను తాను కాల్చుకుని ఆత్మహత్య చేసుకున్నాడు. ఈ దుర్ఘటనలో 14 మంది ప్రాణాలు కోల్పోయినట్లు తెలుస్తోంది. చాలామంది గాయపడ్డారు. క్షతగాత్రులను ఆస్పత్రులకు తరలించి చికిత్స అందిస్తున్నారు. నిందితుడిని అదే స్టోర్‌లో పనిచేస్తున్న మేనేజర్‌గా గుర్తించారు.
అమెరికా కాలమానం ప్రకారం.. మంగళవారం రాత్రి స్టోర్‌ మేనేజర్‌ బ్రేక్‌ రూమ్ లోకి చొరబడి అక్కడున్నవారిపై విచక్షణారహితంగా కాల్పులు జరిపినట్లు పోలీసులు తెలిపారు. దాదాపు 40 నిమిషాల పాటు కాల్పులు జరిపినట్లు తేల్చారు. పోలీసులు ఘటనాస్థలికి చేరుకునేసరికి నిందితుడు ఆత్మహత్య చేసుకున్నాడు.
అగ్రరాజ్యం అమెరికాలో వరసగా కాల్పుల ఘటనలు జరగడం తీవ్ర ఆందోళన కలిగిస్తున్నాయి. గత కొన్నేళ్లుగా ఇలాంటి ఘటనలు తరచూ జరగుతున్నాయి.