Israel-Hamas War: దక్షిణ గాజాలో హమాస్‌పై విరుచుకుపడుతున్న ఇజ్రాయిల్‌కు ఎదురుదెబ్బ తగిలింది. ఇజ్రాయిల్‌ సైనిక కాన్వాయ్‌పై హమాస్ దాడి చేసింది. ఈ ఘటనలో 8 మంది సైనికుల మృతి చెందారు. ఈ విషయాన్ని ఇజ్రాయిల్ డిఫెన్స్ ఫోర్సెస్ ధ్రువీకరించింది. రఫాలోని టెల్ సుల్తాన్ పరిసరాల్లో ఆపరేషన్ నిర్వహించి దాదాపు 50 మంది మిలిటెంట్లను మట్టుబెట్టిన ఐడిఎఫ్ దళాలు విశ్రాంతి తీసుకోవడానికి వెళ్తుండగా దాడి జరిగింది.

జనవరి తర్వాత గాజా పోరులో ఇంత మంది సైనికులను ఒక దాడిలో కోల్పోవడం ఇదే తొలిసారి. జనవరిలో హమాస్ దాడిలో ఇజ్రాయిల్‌‌కు చెందిన 21 మంది సైనికులు మృతిచెందారు. తాజాగా మరో 8 మంది మృతి చెందారు. అయితే ఈ దాడి ఎలా జరిగిందన్న విషయంపై ఇజ్రాయిల్ సైన్యం వివరాలు వెల్లడించలేదు. కానీ ఎనిమిది మంది సైనికుల్లో ఒకరి పేరు కెప్టెన్ వసీం మహ్మద్ అనే ఐడీఎఫ్ ప్రకటించింది.

Share

• 
• 
• 
• 
• 
•