No visa for Malaysia : వీసా లేకుండానే మలేషియాకు.. భారతీయులకు గుడ్ న్యూస్

No visa for Malaysia : మలేషియా ప్రభుత్వం తమ దేశంలో పర్యాటక రంగాన్ని, పెట్టుబడులను ప్రొత్సహించేందుకు కీలక నిర్ణయం తీసుకుంది. విదేశియులు ముఖ్యంగా.. భారత్‌, చైనా నుంచి తమ దేశానికి వచ్చే పర్యాటకులకు వీసా లేకుండానే రావడానికి అనుమతి ఇచ్చింది. మలేషియా ప్రధాన మంత్రి అన్వర్‌ ఇబ్రహీం ఈ విషయాన్ని ఆదివారం ఓ సమావేశంలో వెల్లడించారు.

మలేషియా ఆర్థికంగా మరింత అభివృద్ధి సాధించాలంటే పర్యాటక రంగ అభివృద్ధి చెందాల్సిన అవసరం ఉందని ప్రధాని అన్వర్‌ ఇబ్రహీం తెలిపారు. ఇందుకోసం ముందుగా భారత్, చైనా‌ పౌరులకు తమ దేశంలో పర్యటించేందుకు వీసా అవసరం లేకుండానే అనుమతులు ఇస్తున్నామని పేర్కొన్నారు.

డిసెంబర్‌ 1, 2023 నుంచి భారత్, చైనా పౌరులకు ఈ సదుపాయం ఉంటుందని స్పష్టం చేశారు. అయితే ఈ అనుమతి కేవలం 30 రోజులపాటు ఉంటుంది. రెండు దేశాల నుంచి వచ్చే పెట్టుబడిదారులు, పర్యాటకులను ప్రోత్సహించేందుకు వీసా అనుమతులు సులభతరం చేస్తామని గత నెలలోనే మలేషియా ప్రధాని ప్రకటించారు.

మలేషియా లాగే ఇటీవలే థాయిలాండ్‌, శ్రీలంక ప్రభుత్వాలు భారతీయులకు తమ దేశం రావడానికి వీసా అవసరం లేదని చెప్పాయి.

Join WhatsApp Channel

Share

• 
• 
• 
• 
• 
•