Samoa Earthquake: సమోవాలో భారీ భూకంపం.. పరుగులు పెట్టిన జనం

Samoa Earthquake: పసిఫిక్ ప్రాంతంలో ఉన్న సమోవా ద్వీప సమీపంలో.. శుక్రవారం తెల్లవారుజామున భారీ భూకంపం సంభవించింది. ఈ భూకంపం తీవ్రత రిక్టర్ స్కేలు పై 6.6 గా నమోదైనట్లు యునైటెడ్ స్టేట్స్ జియోలాజికల్ సర్వే (USGS) అధికారులు వెల్లడించారు.

భూకంప కేంద్రం – సమోవా వాయువ్యానికి 400 కిలోమీటర్ల దూరంలో
సమోవా వాయువ్య దిశలో 400 కిలో మీటర్ల దూరంలో.. 314 కిలో మీటర్ల భూకంప కేంద్రం ఉందని ప్రకటించారు.

ప్రజల పరుగులు.. భయాందోళనలు
భూప్రకంపనలు చోటుచేసుకోవడంతో.. భయంతో ప్రజలు ఇళ్ల నుంచి బయటకు పరుగులు తీశారు. భూకంప తీవ్రత తక్కువ ప్రాంతాల్లో కూడా వాహనాలు ఊగిపోవడం, వస్తువులు కింద పడిపోవడం వంటి ఘటనలు నమోదయ్యాయి.

సునామీ హెచ్చరికలు లేవు
అయితే, ఈ భూకంపం వల్ల సునామీ ఉద్భవించే ప్రమాదం లేదని.. అధికారులు స్పష్టం చేశారు. భూకంప కేంద్రం సముద్రపు లోతుల్లో ఉన్నప్పటికీ, తక్కువ ప్రభావం కలిగే ఉండటం వల్ల.. పెద్ద ఎత్తున అలల పెరుగుదల కనిపించలేదని వాతావరణ నిపుణులు పేర్కొన్నారు. అయితే, సముద్రతీర ప్రాంతాల ప్రజలు.. అప్రమత్తంగా ఉండాలని సూచించారు.

తీవ్ర ఆస్తి నష్టం

ప్రస్తుతం అందుతున్న సమాచారం ప్రకారం, భారీగా ఆస్తినష్టం జరిగినట్లు.. ప్రాథమిక అంచనాలు ఉన్నాయి. కొన్ని భవనాల్లో గోడలు చీలినట్టు, కొన్నిచోట్ల ఫర్నిచర్, ఎలక్ట్రానిక్ పరికరాలు ధ్వంసమైనట్టు.. స్థానిక మీడియా తెలిపింది. అయితే ప్రాణనష్టం జరగలేదన్న విషయంపై.. అధికారిక స్పష్టత ఇంకా రాలేదు.

Also Read: బంగాళాఖాతంలో బలపడిన అల్పపీడనం.. మరో రెండు రోజులు కోస్తాంధ్రలో భారీ వర్షాలు

రెస్క్యూ బృందాలు రంగంలోకి
భూకంపం ప్రభావిత ప్రాంతాల్లో.. స్థానిక ప్రభుత్వ యంత్రాంగంతో పాటు రెస్క్యూ టీమ్‌లు, వైద్య సిబ్బంది రంగంలోకి దిగారు. అత్యవసర వైద్య సాయంతో పాటు.. తాత్కాలిక నివాసాల ఏర్పాట్లు ప్రారంభించారు. విద్యుత్, నీటి సరఫరాల్లో అంతరాయాలు ఏర్పడిన కొన్ని ప్రాంతాల్లో.. పునరుద్ధరణ కార్యక్రమాలు మొదలయ్యాయి.