surfer : ఆస్ట్రేలియన్ సర్ఫర్ లారా ఎన్వర్ అరుదైన రికార్డు సాధించింది. 13.3 మీటర్ల ఎత్తైన రాకాసి అలపై అవలీలగా స్వారీ చేసింది. హవాయి దీవుల్లో ఆమె సాధించిన ఈ ఫీట్ ఎనిమిదేళ్ల నాటి రికార్డులను చెరిపేసింది. బ్రెజిలియన్ సర్ఫర్ ఆండ్రియా మోల్లెర్ 12.8 మీటర్ల మేర ఎగసిన అలను అధిరోహించగలిగింది. తాజాగా లారా ఆ రికార్డును అధిగమించిందని గిన్నిస్ వరల్డ్ రికార్డ్స్ నిర్వాహకులు వెల్లడించారు.
భారీ అలలపై స్వారీ అంటే సర్ఫర్లు సాధారణంగా జెట్-స్కీ సాయం తీసుకుంటారు. అలాంటి సాయం లేకుండానే 13.3 మీటర్ల అలను సర్ఫింగ్ చేసిన తొలి మహిళగా లారా రికార్డుల్లోకి ఎక్కింది. సిడ్నిలోని నారబీన్ సబ్బర్బ్‌లో జరిగిన ఓ కార్యక్రమంలో అరుదైన ఫీట్ సాధించిన లారాకు గిన్నిస్ నిర్వాహకులు సర్టిఫికెట్ అందజేశారు.
ఆమె పెరిగింది, సర్ఫింగ్‌లో మునిగి తేలిందీ నారాబీన్‌లోనే. 11వ ఏట నుంచే ఈ జలక్రీడపై మోజు పెంచుకుంది. పలు జూనియర్ పోటీల్లో విజయాలను వశం చేసుకుంది. అనంతరం వరల్డ్ సర్ప్ లీగ్(WSL) చాంపియన్‌షిప్ టూర్‌లో ఏడేళ్లు పాల్గొంది. ఆపై రాకాసి అలల పని పట్టడంలో నిమగ్నమైంది. అంత పెద్ద అలను రైడ్ చేస్తున్న లారాను వీడియో తీశారు. దాని సాయంతో గిన్నిస్ నిర్వాహకులు అల ఎత్తుతో పాటు ఇతర వివరాలను కచ్చితంగా తెలుసుకోగలిగారు.
Share
Bhagawadgita - Jews : భగవద్గీత ఒక అసహ్యకర, అశ్లీల గ్రంథం : స్లోవేనియా తత్వవేత్త
Supreme Court : ప్రజాప్రతినిధులపై కేసులు.. సుప్రీంకోర్టు కీలక ఆదేశాలు..
