World Population : నూతన సంవత్సరంలో అడుగుపెట్టే సమయానికి మన ప్రపంచ జనాభా మరో మైలురాయిని దాటనుంది. కొత్త ఏడాది నాటికి ఇది 800 కోట్లను దాటనుందని అమెరికా జనాభా లెక్కల సంస్థ వెల్లడించింది. ఈ సంస్థ వెల్లడించిన లెక్కల ప్రకారం.. 2023లో ప్రపంచ జనాభా 7.5 కోట్ల మేర పెరిగింది. ఈ సంఖ్య.. 2024 జనవరి 1 నాటికి 800 కోట్ల మార్కుని అధిగమిస్తుందని సంస్థ తెలిపింది.
2023లో ప్రపంచవ్యాప్తంగా జనాభా వృద్ధిరేటు 1 శాతంలోపే ఉందని తెలిపింది. 2024 ప్రారంభంలో ప్రపంచవ్యాప్తంగా ప్రతి సెకనుకు సగటున 4.3 జననాలు, రెండు మరణాలు సంభవిస్తాయని అమెరికా సెన్సస్ బ్యూరో అంచనా వేసింది. 2023లో అమెరికా జనాభా వృద్ధిరేటు 0.53 శాతంగా ఉందని, ప్రపంచ వృద్ధిరేటుతో పోలిస్తే ఇది సగమేనని పేర్కొంది.
ఈ ఏడాది అమెరికాలో 17.5 లక్షల జననాలు నమోదయ్యాయని తెలిపింది. 2024 జనవరి 1 నాటికి ఈ దేశ జనాభా 33.58 కోట్లకు చేరుకుంటుందని సెన్సస్ బ్యూరో అంచనా వేసింది. ప్రస్తుత వేగమే ఈ దశాబ్దం చివరి వరకూ కొనసాగితే.. అమెరికా చరిత్రలో అత్యంత నెమ్మదిగా పెరిగిన జనాభా దశాబ్దంగా నిలవనుందని పేర్కొంది.
2024 ప్రారంభంలో అమెరికాలో ప్రతి 9 సెకన్లకు ఒక జననం, ప్రతి 9.5 సెకన్లకు ఒక మరణం సంభవించే అవకాశం ఉందని, వలసల కారణంగానే అమెరికా జనాభా తగ్గకుండా, నిలకడగా ఉంటోందని తెలిపింది. వలసల వల్ల ప్రతి 28.3 సెకన్లకు ఒక వ్యక్తి జనాభాకు జత కలుస్తున్నారని ఈ సంస్థ గణాంకాలు చెబుతున్నాయి.
Share
PM Modi : దేశ కీర్తిని పెంచారు.. భారత అథ్లెట్లపై మోడీ ప్రశంసలు..
Jr NTR: ఎన్టీఆర్ న్యూ ఇయర్ కానుక అదిరింది.. ఫ్యాన్స్ ఫుల్ ఖుషీ..!
