Sandeep Kishan: సందీప్ కిషన్ వెంకటాద్రి ఎక్స్ ప్రెస్, ప్రస్థానం, టైగర్, డి ఫర్ దోపిడీ వంటి సినిమాల ద్వారా హీరోగా ఇండస్ట్రీలో ఎంతో మంచి సక్సెస్ అందుకున్న ఈయన త్వరలోనే సిగ్మా(Sigma) అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు .ఈ సినిమా అక్టోబర్ రెండో తేదీ ప్రేక్షకుల ముందుకు రాబోతోంది. మరి కొన్ని గంటలలో ఈ సినిమా విడుదల కాబోతున్న నేపథ్యంలో సందీప్ కిషన్ (Sandeep Kishan)సోషల్ మీడియా వేదికగా చేసిన పోస్ట్ ప్రస్తుతం వైరల్ అవుతుంది.
ఇటీవల కాలంలో సినిమా ఇండస్ట్రీలో ఒక సినిమాని తొక్కేసే ప్రయత్నాలు చాలా జరుగుతున్న సంగతి తెలిసిందే. సినిమా బాగున్నప్పటికీ బాలేదంటూ నెగిటివ్ రివ్యూలు ఇస్తున్నారని కొంతమంది ఉద్దేశపూర్వకంగానే సినిమాలను తొక్కేస్తున్నారు అంటూ పలువురు ఆవేదన వ్యక్తం చేశారు. అయితే తాజాగా సందీప్ కిషన్ సైతం ఇదే విషయం పట్ల సోషల్ మీడియా వేదికగా సంచలన పోస్ట్ చేశారు. “గత కొన్ని రోజులుగా నన్ను, నా సినిమాను టార్గెట్ చేస్తూ చాలా యాంటీ ట్వీట్లు వస్తున్నాయి.దీని వెనుక ఎవరున్నారు? ఇందుకోసం ఎవరు డబ్బులు చెల్లిస్తున్నారు? అనే విషయాలు నాకు బాగా తెలుసు…
ఒక్క విషయం గుర్తు చేస్తున్నాను.. నాకంటే మీరే ఎక్కువగా కోల్పోతారు …నేరుగా బయటపెడితే అందరూ దొరికిపోతారు మరి.. చూసుకోండి” అంటూ సందీప్ కిషన్ చేసిన ఈ పోస్ట్ ప్రస్తుతం వైరల్ అవుతుంది. మరి ఈయన సినిమాలను టార్గెట్ చేస్తూ డబ్బులు ఇచ్చి మరి తొక్కేస్తున్నటువంటి ఆ వ్యక్తులు ఎవరు? ఎందుకు సందీప్ సినిమాలను టార్గెట్ చేశారు? అంటూ ఈ పోస్ట్ చూసిన అభిమానులు పెద్ద ఎత్తున చర్చలు జరుపుతున్నారు. ఆ వ్యక్తులు ఎవరో తెలియాలి అంటే సందీప్ కిషన్ స్పందించే వరకు ఎదురు చూడాల్సిందే.
I see a lot of targeted anti Tweets coming at me & my film over the last few days lol
I know exactly the people behind this & paying for this as well…
Just reminding you that you have more to lose than me..
Direct ayipithe andaru dorikipitharu mari.. choosukondi :)— Sundeep Kishan (@sundeepkishan) October 1, 2026
ఇక సందీప్ కిషన్ నటిస్తున్న సిగ్మా సినిమా విషయానికి వస్తే.. ప్రముఖ కోలీవుడ్ స్టార్ హీరో, తమిళనాడు ముఖ్యమంత్రి విజయ్(Vijay) కుమారుడు జోసెఫ్ సంజయ్(Sanjay) దర్శకుడిగా సిగ్మా సినిమా ద్వారా ఇండస్ట్రీకి పరిచయం కాబోతున్నారు. ఇక ఈ సినిమాలో సందీప్ కిషన్ కి జోడిగా ఫరియా అబ్దుల్లా(Faria Abdullah) నటించారు. ఈ సినిమా తెలుగు తమిళ భాషలలో ప్రేక్షకుల ముందుకు రాబోతుంది. ఇప్పటివరకు సినిమా నుంచి విడుదల చేసిన అప్డేట్స్ సినిమా పట్ల మంచి అంచనాలను పెంచేసాయి. రేపు విడుదల కాబోతున్న ఈ సినిమాకు ప్రేక్షకుల నుంచి ఎలాంటి ఆదరణ లభిస్తుంది, దర్శకుడిగా సంజయ్ తన మొదటి సినిమాతో సక్సెస్ అయ్యేనా అనే విషయాలు తెలియాల్సి ఉంది.
Also Read: లవ్ స్టోరీ బయటపెట్టిన హైపర్ ఆది..ఆ ఫీలింగ్ మాటల్లో చెప్పలేనంటూ!
Share
సిటీ మెట్రో, ఆర్టీసీ ప్రయాణికులకు గుడ్ న్యూస్.. కామన్ పాస్‌లు ప్రారంభం?
దేశవ్యాప్తంగా అక్టోబర్ 2 నుంచి 8 వరకు భారీ నిరసనలు.. కారణం ఇదే!
