Skin care : చలికాలంలో మన పెదాలు బాగా పగులుతుంటాయి. పొడిబారిపోయి అందవిహీనంగా కనిపిస్తాయి. మన ఇంట్లో దొరికే కొన్ని వస్తువులతో పెదాలను మెరిపించుకోవచ్చు. అవేంటో ఇప్పుడు తెలుసుకుందాం. కొబ్బరినూనెలో కొంత సముద్రపు ఉప్పు కలిపి పెదాలకు పూసుకోవాలి. ఆ తర్వాత చల్లని నీళ్లతో కడిగేసేయాలి. రోజుకు రెండుసార్లు ఇలా చేస్తే పెదాల పగుళ్లను అరికట్టవచ్చు. రెండు చెంచాల సముద్రపు ఉప్పుతో సమానంగా బ్రౌన్‌ షుగర్‌, చెంచా కొబ్బరినూనె, రెండు చెంచాల ముడి చక్కెర కలిపి చర్మానికి రాసుకోవాలి. ఒక గంట తర్వాత చల్లని నీటితో కడుక్కుంటే చర్మం మీద ఉన్న డెడ్‌స్కిన్‌ పోతుంది. పొడి చర్మానికి ఇది చక్కటి పరిష్కారం. అంతేకాకుండా చర్మం మృదువుగా అవుతుంది. మన నోటిలోని సూక్ష్మక్రిములను తొలగించుకోవడంతో పాటు చిగుళ్లను బలోపేతం చేయడానికి గోరువెచ్చని నీటిలో వంటసోడా, సముద్రపు ఉప్పు కలిపి మౌత్‌వాష్‌గా ఉపయోగించుకోవచ్చు. అలాగే చిగుళ్ల నుంచి వచ్చే రక్తస్రావాన్ని కూడా అరికట్టవచ్చు. సముద్రపు ఉప్పును కొబ్బరినూనెతో కలిపి దాన్ని ముఖానికి రాస్తే చర్మాన్ని లోతుగా శుభ్రం చేస్తుంది. చర్మంపై పగుళ్లు, మొటిమలను నివారించేందుకు చెంచా ఉప్పులో తగినంత తేనె కలిపి ముఖానికి రాయాలి. ఆ తర్వాత గోరువెచ్చని నీటితో కడుక్కోవాలి. వారానికి మూడుసార్లు ఇలా చేస్తే మంచి ఫలితం ఉంటుంది.
Share
Dec 1st Changes: డిసెంబర్ 1 నుంచి మారేవి ఇవే.. తప్పక తెలుసుకోవాల్సిందే..
TRS: మళ్లీ జగన్, వైఎస్సార్ టార్గెట్!.. షర్మిల కేసులో సెంటిమెంట్ రాజేస్తున్నారా?
