Oral Health: వర్షాకాలంలో తరచూ వచ్చే గొంతు నొప్పికి.. ఈ టిప్స్‌తో చెక్ !

Oral Health: వర్షాకాలంలో నోటి ఆరోగ్యంపై ప్రత్యేక శ్రద్ధ పెట్టడం చాలా ముఖ్యం. ఈ సీజన్‌లో తేమ, వాతావరణ మార్పుల కారణంగా బ్యాక్టీరియా , ఇతర సూక్ష్మజీవులు వేగంగా వృద్ధి చెందే అవకాశం ఉంటుంది. దీనివల్ల దంత సమస్యలు, చిగుళ్ల వాపు, నోటిలో పుండ్లు వంటివి ఎక్కువగా వస్తాయి. ఈ సమస్యలను నివారించడానికి కొన్ని సులభమైన చిట్కాలను పాటిస్తే సరిపోతుంది. అవేంటో ఇప్పుడు తెలుసుకుందాం.

వర్షాకాలంలో నోటి ఆరోగ్యాన్ని కాపాడుకోవడానికి 10 చిట్కాలు:
వర్షాకాలం ఆహ్లాదకరంగా ఉన్నప్పటికీ, ఈ సీజన్‌లో నోటి ఆరోగ్యాన్ని కాపాడుకోవడం ఒక సవాలుగా మారుతుంది. వాతావరణంలో తేమ శాతం పెరగడం వల్ల బ్యాక్టీరియా సులభంగా పెరిగి, దంతాలు, చిగుళ్లకు హాని కలిగే అవకాశం కూడా ఎక్కువగా ఉంటుంది.

రోజుకు రెండుసార్లు బ్రష్ చేయండి: ఉదయం లేవగానే , రాత్రి పడుకునే ముందు ఫ్లోరైడ్ టూత్ పేస్ట్‌తో బ్రష్ చేయండి. ఇది నోటిలో ఉండే బ్యాక్టీరియాను తొలగించడంలో సహాయపడుతుంది.

ఫ్లాసింగ్ అలవాటు చేసుకోండి: బ్రష్ చేయడంతో పాటు, రోజుకు ఒకసారి ఫ్లాసింగ్ చేయడం వల్ల పళ్ల మధ్య ఇరుక్కున్న ఆహార పదార్థాలు బయటకు వస్తాయి. ఇది దంతాల సమస్యలను నివారిస్తుంది.

యాంటీబ్యాక్టీరియల్ మౌత్‌వాష్ వాడండి: భోజనం తర్వాత మౌత్ వాష్ వాడటం వల్ల నోటిలో ఉండే బ్యాక్టీరియాను సమర్థవంతంగా తొలగించవచ్చు.

పౌష్టికాహారం తీసుకోండి: వర్షాకాలంలో రోగ నిరోధక శక్తిని పెంచే ఆహారం తీసుకోవాలి. తాజా పండ్లు, కూరగాయలు, విటమిన్ సి అధికంగా ఉండే ఆహారాలు నోటి ఆరోగ్యాన్ని కాపాడతాయి.

శుభ్రమైన నీరు తాగండి: శుభ్రమైన, ఫిల్టర్ చేసిన నీరు మాత్రమే తాగాలి. ఇది నోటిని తేమగా ఉంచి, బ్యాక్టీరియా వృద్ధిని నివారిస్తుంది. అంతే కాకుండా పంటి ఆరోగ్యానికి కూడా ఉపయోగపడుతుంది.

తీపి పదార్థాలు తగ్గించండి: వర్షాకాలంలో చాక్లెట్లు, స్వీట్లు, జంక్ ఫుడ్ తినడం తగ్గించండి. ఇవి దంతాలపై బ్యాక్టీరియా పేరుకుపోవడానికి కారణమవుతాయి.

చిగుళ్లపై శ్రద్ధ పెట్టండి: చిగుళ్లలో వాపు, రక్తస్రావం వంటి లక్షణాలు కనిపిస్తే వెంటనే డాక్టర్‌ని సంప్రదించండి. మృదువైన బ్రష్ వాడటం ద్వారా చిగుళ్లపై ఒత్తిడి పడకుండా చూసుకోవచ్చు. అంతే కాకుండా పంటి సమస్యలను కూడా నివారించవచ్చు.

Also Read: షుగర్ పేషెంట్లు ఎలాంటి ఫుడ్ తినాలో తెలుసా ?

పాత బ్రష్‌ను మార్చండి: ప్రతి మూడు నెలలకు ఒకసారి టూత్ బ్రష్‌ను మార్చాలి. పాత బ్రష్‌లో బ్యాక్టీరియా చేరి నోటి సమస్యలకు కారణం కావచ్చు. అందుకే ఎక్కువ రోజులు ఒకే బ్రష్ వాడకూడదని చెబుతుంటారు.

డాక్టర్‌ను సంప్రదించండి: ఆరు నెలలకు ఒకసారి డెంటిస్ట్‌ని కలవడం అలవాటు చేసుకోండి. ఇది ఏవైనా సమస్యలు ఉంటే ప్రారంభ దశలోనే గుర్తించి చికిత్స తీసుకోవడానికి సహాయపడుతుంది.

పదునైన వస్తువుల వాడకం: పుల్లలు లేదా ఇతర పదునైన వస్తువులతో దంతాలను శుభ్రం చేయడానికి ప్రయత్నించకూడదు.
ఇవి చిగుళ్లకు గాయాలను కలిగిస్తాయి.

ఈ చిట్కాలను పాటించడం ద్వారా మీరు వర్షాకాలంలో నోటి ఆరోగ్యాన్ని సమర్థవంతంగా కాపాడుకోవచ్చు. అంతే కాకుండా దంత సమస్యల నుంచి దూరంగా ఉండవచ్చు.