Cracked Heels: పాదాలపై పగుళ్లా ? ఇలా చేస్తే.. ప్రాబ్లమ్ సాల్వ్

Cracked Heels: పాదాలపై పగుళ్ళు రావడం చాలా మందికి సాధారణ సమస్య. ఇవి బాధాకరంగా ఉండటమే కాకుండా.. చూడటానికి కూడా ఇబ్బందిగా ఉంటాయి. సరైన జాగ్రత్తలు తీసుకోకపోతే.. ఈ పగుళ్ళు మరింత ఎక్కువయ్యే ప్రమాదం కూడా ఉంటుంది. వాటిని తగ్గించి, మళ్లీ రాకుండా చూసుకోవడానికి కొన్ని రకాల చిట్కాలు తప్పకుండా పాటించాయి. అవేంటో ఇప్పుడు తెలుసుకుందాం.

1. వెచ్చని నీటిలో పాదాలను నానబెట్టండి:
పగుళ్ళకు చికిత్స చేయడంలో మొదటి, ముఖ్యమైన అడుగు పాదాలను వెచ్చని నీటిలో నానబెట్టడం. ఒక పెద్ద గిన్నెలో వెచ్చని నీటిని తీసుకుని, అందులో కొద్దిగా ఉప్పు, నిమ్మరసం, లేదా ఒక టేబుల్ స్పూన్ తేనె వేసి కలపండి. ఈ నీటిలో మీ పాదాలను 15-20 నిమిషాలు నానబెట్టండి. ఇలా చేయడం వల్ల చర్మం మెత్తగా మారి, శుభ్రం చేయడానికి సులభంగా ఉంటుంది.

2. స్క్రబ్ చేయడం:
పాదాలను నానబెట్టిన తర్వాత, ఒక ప్యూమిస్ స్టోన్ లేదా ఫుట్ స్క్రబ్బర్‌తో మృదువుగా స్క్రబ్ చేయాలి. ఇలా చేయడం వల్ల పాదాల కింద ఉన్న మృత కణాలు తొలగిపోతాయి. మరీ గట్టిగా రుద్దకూడదు, లేకపోతే చర్మం దెబ్బతినే అవకాశం ఉంది. క్రమం తప్పకుండా స్క్రబ్ చేయడం వల్ల పగుళ్ళు రాకుండా నివారించవచ్చు.

3. మాయిశ్చరైజర్ ఉపయోగించండి:
స్క్రబ్ చేసిన తర్వాత.. చర్మాన్ని పొడిగా ఉంచి, మాయిశ్చరైజర్ అప్లై చేయాలి. పెట్రోలియం జెల్లీ, వెన్న, లేదా ప్రత్యేకంగా పాదాల కోసం తయారుచేసిన క్రీమ్స్ వాడటం మంచిది. ఇది చర్మాన్ని తేమగా ఉంచి, పగుళ్ళను తగ్గిస్తుంది. రాత్రి పడుకునే ముందు మాయిశ్చరైజర్ రాసి, సాక్సులు ధరించడం వల్ల మంచి ఫలితం ఉంటుంది.

4. ఆహారంలో మార్పులు:
పాదాల ఆరోగ్యం ఆహారంపై కూడా ఆధారపడి ఉంటుంది. విటమిన్ సి, ఇ, ఒమేగా-3 ఫ్యాటీ యాసిడ్స్ ఎక్కువగా ఉండే ఆహారాలు తీసుకోవాలి. తాజా పండ్లు, కూరగాయలు, చేపలు, నట్స్, సీడ్స్ మీ ఆహారంలో చేర్చుకోండి. అలాగే.. శరీరానికి తగినంత నీరు తాగడం వల్ల కూడా చర్మం తేమగా ఉంటుంది.

Also Read: ధనియాల నీరు తాగితే.. ఈ ఆరోగ్య సమస్యలు దూరం !

5. సరైన చెప్పులు ధరించండి:
ఇరుకైన, గట్టి చెప్పులు ధరించడం వల్ల పాదాలపై ఒత్తిడి పెరిగి, పగుళ్ళు ఏర్పడే అవకాశం ఉంది. అందుకే.. వదులుగా, మృదువుగా ఉండే చెప్పులు, బూట్లు ధరించాలి. ఇంట్లో కూడా చెప్పులు ధరించడం వల్ల దుమ్ము, ధూళి నుంచి పాదాలను కాపాడుకోవచ్చు.

ఈ ఐదు చిట్కాలను పాటిస్తే.. పగుళ్లను తగ్గించుకోవడమే కాకుండా, అవి మళ్లీ రాకుండా నివారించవచ్చు. మీరు తీవ్రమైన పగుళ్ళతో బాధ పడుతున్నట్లయితే, డాక్టర్‌ని సంప్రదించి సలహా తీసుకోవడం ముఖ్యం.

Share

• 
• 
• 
• 
• 
•