Korean Glass Skin: కొరియన్ గ్లాస్ స్కిన్ అంటే అద్దంలా మెరిసే, మచ్చలు లేని చర్మం అని అందరికీ తెలుసు. ఇది కేవలం ఒక రోజులో సాధించేది కాదు.. దీనికి నిరంతర సంరక్షణ, సరైన పద్ధతులు అవసరం. ఇంట్లోనే కొరియన్ గ్లాస్ స్కిన్ పొందడానికి కొన్ని రకాల టిప్స్ పాటించాలి. అవేంటో ఇప్పుడు తెలుసుకుందాం.
1. డబుల్ క్లెన్సింగ్ :
కొరియన్ స్కిన్ కేర్‌లో ఇది అత్యంత ముఖ్యమైన దశ. ముందుగా ఆయిల్-బేస్డ్ క్లెన్సర్ ఉపయోగించి మేకప్, సన్ స్క్రీన్, ఇతర నూనె ఆధారిత మలినాలను తొలగించాలి. తర్వాత.. వాటర్-బేస్డ్ క్లెన్సర్ ఉపయోగించి మిగిలిన దుమ్ము, చెమట మలినాలను పూర్తిగా శుభ్రం చేయాలి. ఇది చర్మాన్ని లోతుగా శుభ్రం చేసి, తరువాత వేసే ఉత్పత్తులు బాగా పని చేసేలా చేస్తుంది.
2. ఎక్స్‌ఫోలియేషన్ :
మృత కణాలను తొలగించడం చర్మాన్ని కాంతి వంతంగా ఉంచడానికి సహాయ పడుతుంది. వారానికి ఒకటి లేదా రెండు సార్లు సున్నితమైన ఎక్స్‌ఫోలియేటింగ్ స్క్రబ్‌ను వాడాలి. ఇది చర్మంపై పేరుకుపోయిన మురికిని, మృత కణాలను తొలగించి, రంధ్రాలను శుభ్రంగా ఉంచుతుంది.
3. టోనర్ వాడకం :
క్లెన్సింగ్ తరువాత.. చర్మం pH స్థాయిని సమతుల్యం చేయడానికి, చర్మంపై పొరలను టైట్ చేయడానికి టోనర్ వాడాలి. ఇది చర్మానికి తేమను అందించి.. తర్వాత వేసే ఉత్పత్తులు బాగా శోషించుకునేలా చేస్తుంది. దూదితో కాకుండా చేతులతో చర్మంపై సున్నితంగా అప్లై చేయడం మంచిది.
4. ఎస్సెన్స్ అండ్ సీరమ్ :
ఎస్సెన్స్ అనేది టోనర్, సీరమ్‌కు మధ్యలో ఉండే ఒక ముఖ్యమైన ఉత్పత్తి. ఇది తేలికగా ఉండి.. చర్మానికి అదనపు తేమను అందిస్తుంది. తరువాత.. మీ చర్మ సమస్యలకు (మచ్చలు, ముడతలు, డ్రైనెస్) అనుగుణంగా సీరమ్ లేదా యాంపోల్ ఎంచుకోవాలి. హైఅల్యూరోనిక్ యాసిడ్ లేదా విటమిన్ సి సీరమ్‌లు చర్మాన్ని కాంతి వంతంగా ఉంచుతాయి.
5. మాయిశ్చరైజర్ :
చర్మం తేమగా ఉండడం గ్లాస్ స్కిన్‌కు అత్యంత అవసరం. మీ చర్మ రకానికి సరిపోయే తేలికైన, జిడ్డు లేని మాయిశ్చరైజర్ వాడాలి. ఇది చర్మాన్ని రోజంతా హైడ్రేటెడ్‌గా ఉంచి, చర్మ పొరను రక్షిస్తుంది.
Also Read: 2 వారాల పాటు చియా సీడ్స్ తింటే.. శరీరంలో జరిగే మార్పులివే !
6. సన్ స్క్రీన్ :
సూర్యుడి హానికరమైన కిరణాల నుంచి చర్మాన్ని రక్షించడం చాలా ముఖ్యం. సూర్యరశ్మి తక్కువగా ఉన్న రోజుల్లో కూడా SPF 30 లేదా అంతకంటే ఎక్కువ ఉన్న సన్ స్క్రీన్ తప్పనిసరిగా వాడాలి. ఇది మచ్చలు, టానింగ్ , ముందస్తుగా వచ్చే వృద్ధాప్య లక్షణాలను నివారిస్తుంది.
7. షీట్ మాస్క్ :
వారానికి ఒకటి లేదా రెండుసార్లు షీట్ మాస్క్ వాడడం వల్ల చర్మానికి అదనపు పోషణ లభిస్తుంది. ఇది చర్మాన్ని లోతుగా హైడ్రేట్ చేసి.. గ్లాస్ స్కిన్ లాంటి మెరుపును ఇస్తుంది.
ఈ 7 దశలను క్రమం తప్పకుండా పాటిస్తే.. మీరు ఆరోగ్యకరమైన, మృదువైన, కాంతి వంతమైన కొరియన్ గ్లాస్ స్కిన్‌ను ఇంట్లోనే పొందవచ్చు. ఈ పద్ధతులు చర్మాన్ని శుభ్రంగా.. పోషణతో నిండినట్లు ఉంచి, దాని సహజ సౌందర్యాన్ని పెంచుతాయి.
Share
Jeffrey Manchester: బొమ్మల షాపులో దొంగ మకాం.. ఆరు నెలలు అక్కడే తిష్ట వేసినా కనిపెట్టలేకపోయిన సిబ్బంది!
RBI-KYC Rules: సెప్టెంబర్ 30 లోపు కెవైసి పూర్తి చేయకపోతే ఖాతా ఫ్రీజ్.. ఆర్‌బిఐ హెచ్చరిక
