Hyderabadi Dum Biryani: హైదరాబాద్ పేరు చెప్పగానే ప్రతి ఒక్కరి నోట్లో నీళ్లు ఊరించేది.. దిల్ను ఖుష్ చేసేది ఒక్కటే.. అదే ఘుమఘుమలాడే హైదరాబాదీ దమ్ బిర్యానీ. ప్రపంచంలో ఎక్కడెక్కడో రకరకాల బిర్యానీలు లభించవచ్చు, కానీ మన పాతబస్తీలో దొరికే అసలైన షాహీ బిర్యానీ రుచే వేరు. బియ్యం గింజ గింజ విడిపోతూ, సుగంధ ద్రవ్యాల సువాసనలతో, నోట్లో వేస్తే కరిగిపోయే మటన్ ముక్కలతో అందించే ఆ పక్కా హైదరాబాదీ ఫ్లేవర్ ఇక్కడే సొంతం. నిజమైన పాతబస్తీ దమ్ బిర్యానీ రుచిని ఆస్వాదించాలనుకునే బిర్యానీ ప్రేమికులు ఖచ్చితంగా వెళ్లాల్సిన 5 ప్రసిద్ధ హోటళ్ల విశేషాలు ఇప్పుడు చూద్దాం.
పాతబస్తీ అనగానే అందరికీ మొదటగా గుర్తుకు వచ్చే పేరు చార్మినార్. దానికి అతి సమీపంలోనే ఉండే షాద్బాజ్ హోటల్ ఉంటుంది. దశాబ్దాలుగా ఇక్కడ లభించే మటన్ దమ్ బిర్యానీకి అభిమానులు ఎక్కువ. ఇక్కడి బిర్యానీలో వాడే సుగంధ ద్రవ్యాలు, బియ్యాన్ని ఉడికించే విధానం చాలా ప్రత్యేకంగా ఉంటుంది. మసాలా కాస్త ఘాటుగా ఉంటూ, ప్రతి గింజకూ ఆ రుచి పట్టడం ఈ హోటల్ ప్రత్యేకత. ఉదయం నుంచి రాత్రి వరకు నిరంతరం బిర్యానీ ప్రియులతో ఈ హోటల్ కిటకిటలాడుతూనే ఉంటుంది. హైదరాబాదీ సంప్రదాయ వంటకాల అసలైన మజా అనుభవించాలంటే షాద్బాజ్ మొదటి వరుసలో నిలుస్తుంది.
చార్మినార్కు కాస్త దూరంలో మదీనా సమీపంలో ఉన్న హోటల్ నయాబ్, పాతబస్తీ వంటకాల శైలికి మారుపేరు. ఇక్కడ లభించే బిర్యానీకి ప్రత్యేకమైన ఫ్యాన్ బేస్ ఉంది. బిర్యానీలోని బియ్యం, నూనె, నెయ్యి, మసాలాల కలయిక ఎంతో సమతుల్యంగా ఉంటుంది. మటన్ ముక్కలు ఎంతో మృదువుగా, దమ్ మీద పక్కాగా ఉడుకుతాయి. బిర్యానీతో పాటు ఇక్కడ ఇచ్చే మిర్చీ కా సాలన్, రైతా కాంబినేషన్ బిర్యానీ రుచిని రెట్టింపు చేస్తుంది. నిజామీ కాలం నాటి రుచులను ఇప్పటికీ కాపాడుకుంటూ వస్తున్న కొన్ని కొన్ని హోటళ్లలో నయాబ్ ఒకటి.
Also Read: ఆ గుడిలో పులిహోర కాదు.. ప్రసాదంగా బంగారమే ఇస్తారు!
పాతబస్తీలో మరొక అత్యంత ప్రజాదరణ పొందిన హోటల్ రమాజీ. ఇక్కడ అందించే బిర్యానీ మిగతా చోట్ల కంటే కాస్త భిన్నమైన పద్ధతిలో ఉంటుంది. అరబిక్, పెర్షియన్ ప్రభావం కనిపిస్తూనే పక్కా హైదరాబాదీ దమ్ శైలిని ఇందులో పాటిస్తారు. ఇక్కడి మటన్ దమ్ బిర్యానీలో నెయ్యి సువాసన, మసాలాల ఘాటు చాలా పర్ఫెక్ట్గా ఉంటాయి. కుటుంబంతో కలసి వెళ్లి ప్రశాంతంగా బిర్యానీ రుచి చూడాలనుకునే వారికి రమాజీ మంచి ఎంపిక. ప్రతి ఒక్కరూ ఒకసారైనా ఇక్కడ బిర్యానీ తిని తీరాల్సిందే.
చార్మినార్ పరిసర ప్రాంతాలలో ఉన్న షా ఘౌస్ హోటల్ కూడా బిర్యానీ ప్రియులకు కల్ట్ ఫేవరెట్. అర్ధరాత్రి వేళల్లో కూడా కడుపునిండా వేడివేడి బిర్యానీ తినాలనుకునే వారికి ఇది సరైన అడ్రస్. ఇక్కడ బిర్యానీ రైస్ చాలా పొడిపొడిగా, అరోమాటిక్గా ఉంటుంది. మసాలా కాస్త ఎక్కువగా ఇష్టపడే వారికి షా ఘౌస్ బిర్యానీ అమృతంలా అనిపిస్తుంది. బోన్ లెస్, నార్మల్ మటన్ బిర్యానీలు రెండూ ఇక్కడ ఎంతో నాణ్యతతో లభిస్తాయి. బిర్యానీ లవర్స్ లిస్టులో షా ఘౌస్ పేరు ఖచ్చితంగా ఉండితీరుతుంది.
మదీనా సెంటర్లో ఉన్న మదీనా హోటల్ కూడా పాతబస్తీ చరిత్రతో ముడిపడి ఉన్న ఒక ప్రముఖ ప్రదేశం. దశాబ్దాల నుంచి తమ సాంప్రదాయ రుచిని మార్చకుండా అలాగే అందిస్తుండటం దీని ప్రత్యేకత. ఇక్కడి బిర్యానీ తింటే పాతకాలపు హైదరాబాదీ గృహాల్లో వండే దమ్ బిర్యానీ రుచి గుర్తుకు వస్తుంది. పెద్దగా ఆర్భాటం లేకుండా, సహజమైన సువాసనలతో లభించే ఇక్కడి బిర్యానీని స్థానికులు ఎంతో ఇష్టంగా తింటారు. మీరు అసలైన పాతబస్తీ బిర్యానీ వాతావరణాన్ని, సంప్రదాయ రుచిని అస్వాధించాలనుకుంటే ఈ ఐదు ప్రదేశాలను ఖచ్చితంగా సందర్శించాలి.
Also Read: 1000 కోట్ల వజ్రాన్ని పేపర్ వెయిట్గా వాడిన నిజాం.. ప్రపంచంలోనే నెం.1 ధనవంతుడు ఎలా అయ్యాడు?
Share
రాంచందర్ రావుకు కౌంటర్ ఇచ్చిన సీఎం రేవంత్ రెడ్డి!
ఐసీసీ కుట్రల వల్లే, వైభవ్ కు మెరుగైన ర్యాంకింగ్స్..తన్వీర్ సంచలన ఆరోపణలు
