Kitchen Mistakes Health Issues| వర్షాకాలంలో చినుకులు కురవగానే వాతావరణం చల్లగా మారిపోతుంది. వేసవి వేడి నుంచి ఉపశమనం కలిగిస్తుంది. అయితే ఈ సీజన్లో తేమ ఎక్కువగా ఉండటంతో బ్యాక్టీరియా, ఫంగస్, బూజు వేగంగా పెరుగుతాయి. వంటగదిలో చేసే చిన్న చిన్న నిర్లక్ష్యాలు కూడా ఫుడ్ పాయిజనింగ్, కడుపు ఇన్ఫెక్షన్లకు కారణమవుతాయి. అందుకే ఈ సీజన్లో కిచెన్ పరిశుభ్రతపై ప్రత్యేక శ్రద్ధ అవసరం.
చాలామంది వండిన ఆహారాన్ని గంటల తరబడి బయటే ఉంచుతారు. తేమ ఎక్కువగా ఉండే వాతావరణంలో ఆహారంలో బ్యాక్టీరియా వేగంగా పెరుగుతుంది. మిగిలిన ఆహారాన్ని రెండు గంటల్లోపు ఫ్రిజ్లో పెట్టాలి. తిరిగి తినే ముందు బాగా వేడి చేసి తీసుకోవాలి.
తడి టవల్స్లో బ్యాక్టీరియా, ఫంగస్ సులభంగా పెరుగుతాయి. అదే టవల్ను పదేపదే ఉపయోగిస్తే పాత్రలు, వంటగది ఉపరితలాలపై క్రిములు వ్యాపించే ప్రమాదం ఉంటుంది. కాబట్టి టవల్స్ తరచూ ఉతికి పూర్తిగా ఆరిన తర్వాత మాత్రమే ఉపయోగించాలి.
ఫ్రిజ్లో చిందిన ఆహారం లేదా పాడైన పదార్థాలు బ్యాక్టీరియా పెరగడానికి కారణమవుతాయి. వారానికి ఒకసారి ఫ్రిజ్ శుభ్రం చేయాలి. ఎక్స్పైరీ ఫుడ్ (గడువు ముగిసిన) ఆహారాన్ని వెంటనే తొలగించాలి.
బియ్యం, పప్పులు, పిండి, మసాలా దినుసులు వర్షాకాలంలో తేమను సులభంగా పీల్చుకుంటాయి. అందుకే వీటిలో బూజు లేదా పురుగులు పట్టే అవకాశం ఉంటుంది. వీటిని గాలి చొరబడని టైట్ డబ్బాల్లో నిల్వ చేసి పొడి ప్రదేశంలో ఉంచాలి.
వర్షాకాలంలో పండ్లు, కూరగాయలపై మట్టి, క్రిములు, పరాన్నజీవులు ఉండే అవకాశం ఉంటుంది. వాటిని శుభ్రమైన నీటితో బాగా కడిగి ఉపయోగించాలి. వీలైతే పండ్ల తొక్క తీసి తినడం మంచిది.
పచ్చి మాంసం, కూరగాయలు ఒకే కటింగ్ బోర్డ్పై కట్ చేయడం మంచిది కాదు. ఇలా చేస్తే క్రాస్ కంటామినేషన్ జరిగి హానికరమైన బ్యాక్టీరియా వ్యాపించవచ్చు. వేర్వేరు ఆహారాలకు వేర్వేరు కటింగ్ బోర్డులు ఉపయోగించడం మంచిది.
వంటగది సింక్ ఎప్పుడూ తడిగా ఉంటుంది. ఇది బ్యాక్టీరియా పెరిగేందుకు అనుకూలమైన ప్రదేశం. కాబట్టి సింక్, డ్రెయిన్ తరచూ శుభ్రం చేయాలి. వీలైనంత వరకు పొడిగా ఉంచేందుకు ప్రయత్నించాలి.
ఆహార వ్యర్థాలు ఎక్కువసేపు ఉంటే పురుగులు, ఈగలు వస్తాయి. దుర్వాసనతో పాటు బ్యాక్టీరియా కూడా పెరుగుతుంది. చెత్త బుట్టను ప్రతిరోజూ ఖాళీ చేసి శుభ్రం చేయాలి. మూత ఉన్న డస్ట్బిన్ ఉపయోగించడం మంచిది.
Also Read: చాణక్య నీతి.. ఈ 5 తప్పుల వల్లే ఇంట్లో సుఖ సంతోషాలు ఉండవు
వర్షాకాలంలో తాగునీరు కలుషితమయ్యే అవకాశం ఎక్కువగా ఉంటుంది. ఎప్పుడూ మరిగించిన, ఫిల్టర్ చేసిన లేదా శుద్ధి చేసిన నీటినే తాగాలి. వంట చేసేటప్పుడు కూడా పరిశుభ్రమైన నీటినే ఉపయోగించాలి.
Also Read: మళ్లీ మళ్లీ తప్పులు చేసే వారిని ఎప్పుడు క్షమించాలి? ఎప్పుడు శిక్షించాలి? చాణక్యుడి సూచనలివే
కిచెన్ పరిశుభ్రంగా ఉంటే వ్యాధులు ముందస్తుగా నివారించవచ్చు. ఆహారాన్ని సరిగ్గా నిల్వ చేయడం, పరిశుభ్రత పాటించడం, సురక్షితమైన నీటిని ఉపయోగించడం వంటి అలవాట్లు కుటుంబ ఆరోగ్యాన్ని కాపాడుతాయి. వర్షాకాలంలో ఈ చిన్న మార్పులు పెద్ద ఆరోగ్య సమస్యలను దూరం చేస్తాయి.
Share
జూలైలో అత్యధికంగా అమ్ముడైన టాప్ 10 కార్లు ఇవే.. మళ్లీ నెం.1గా అదే మోడల్!
ఫరీదాబాద్లో ఘోరం.. లేడీ టీచర్ను 30 సెకన్లలో 25 సార్లు పొడిచి చంపేశాడు!
