ప్రతి ఇంట్లో ఒకటి లేదా రెండు పాత జీన్స్లు తప్పకుండా ఉంటాయి. అవి పాతబడటం లేదా సరైన సైజు కాకపోవడం వల్ల అల్మారాలోనే పడి ఉంటాయి. చాలామంది వాటిని పనికిరావని భావించి పారేస్తారు. కానీ కొద్దిగా క్రియేటివ్గా ఆలోచిస్తే అదే పాత జీన్స్తో ఇంటిని అందంగా అలంకరించే వస్తువులగా తయారు చేయవచ్చు.
జీన్స్ తయార చేసే డెనిమ్ వస్త్రం చాలా బలంగా, మన్నికగా ఉంటుంది. అందుకే దాంతో తయారైన వస్తువులు ఎక్కువకాలం ఉపయోగపడతాయి. తక్కువ ఖర్చుతో ఇంటికి కొత్త లుక్ ఇవ్వాలనుకుంటే ఈ సులభమైన ఐడియాలను ప్రయత్నించండి.
పాత జీన్స్తో అందమైన కుషన్ కవర్లు తయారు చేయవచ్చు. ఇవి లివింగ్ రూమ్ లేదా బెడ్రూమ్కు మొడరన్ లుక్ ఇస్తాయి. ముందుగా కుషన్ సైజుకి సరిపోయేలా జీన్స్ వస్త్రాన్ని కత్తిరించండి. తర్వాత అంచులను కుట్టి కవర్ తయారు చేయండి. వేర్వేరు రంగుల డెనిమ్ ముక్కలను కలిపి ప్యాచ్వర్క్ డిజైన్ కూడా చేయవచ్చు. ఇవి సోఫా లేదా మంచంపై ఎంతో ఆకర్షణీయంగా కనిపిస్తాయి.
ఇంట్లో ఉండే చిన్న మొక్కల కుండీలకు డెనిమ్ కవర్లు వేస్తే అవి మరింత అందంగా కనిపిస్తాయి. ముందుగా కుండి పరిమాణాన్ని కొలిచి, దానికి సరిపోయేలా జీన్స్ వస్త్రాన్ని కత్తిరించండి. దాన్ని కుండికి చుట్టి బిగించండి. కావాలంటే బటన్లు లేదా చిన్న డెకరేషన్ వస్తువులతో మరింత అందంగా తీర్చిదిద్దవచ్చు. దీంతో సాధారణ కుండీలు కూడా ప్రత్యేకంగా కనిపిస్తాయి.
డైనింగ్ టేబుల్ లేదా సెంటర్ టేబుల్ అందాన్ని పెంచడానికి డెనిమ్ టేబుల్ రన్నర్ మంచి ఎంపిక. జీన్స్లోని పొడవైన భాగాలను సన్నని పట్టీలుగా కత్తిరించి వాటిని కలిపి కుట్టండి. దీన్ని టేబుల్పై పరచితే ఇంటికి ప్రత్యేకమైన రస్టిక్ లుక్ వస్తుంది. అతిథులు కూడా ఈ ప్రత్యేక డెకరేషన్గా మెచ్చుకుంటారు.
చిన్న వస్తువులను భద్రపరచడానికి జీన్స్ జేబులు బాగా ఉపయోగపడతాయి. పాత జీన్స్ పాకెట్లను కత్తిరించి ఒక బలమైన వస్త్రంపై కుట్టండి. తర్వాత దాన్ని గోడకు వేలాడదీయండి. ఇందులో తాళం చెవులు, మొబైల్, పెన్నులు, ఛార్జర్లు లేదా చిన్న నోట్బుక్లను సులభంగా పెట్టుకోవచ్చు. దీంతో ఇంట్లో వస్తువులు చక్కగా సర్దుకోవచ్చు.
Also Read: కేవలం 20 నిమిషాల్లో రాత్రి డిన్నర్ రెడీ.. రుచి, పోషకాలతో 5 హెల్తీ రెసిపీలు
ఇంటి ప్రధాన ద్వారాన్ని అందంగా అలంకరించడానికి డెనిమ్ డోర్ హ్యాంగింగ్ తయారు చేయండి. జీన్స్ వస్త్రాన్ని గుండ్రం, నక్షత్రం లేదా గుండె ఆకారాల్లో కత్తిరించి దారానికి కట్టండి. తర్వాత చెక్క పూసలు, రంగురంగుల బటన్లు లేదా రిబ్బన్లతో అలంకరించండి. ఇది ఇంటి ప్రవేశ ద్వారానికి అందమైన, వెల్కమ్ రూపానిస్తుంది.
పాత జీన్స్ను పారేయడం కంటే వాటిని కొత్తగా ఉపయోగించడం మంచి ఆలోచన. ఇలా చేయడం వల్ల ఇంటి డెకరేషన్కు ప్రత్యేకమైన శైలి వస్తుంది. అదే సమయంలో పాత బట్టలను తిరిగి ఉపయోగించడం ద్వారా వ్యర్థాలను కూడా తగ్గించవచ్చు. కొద్దిగా సృజనాత్మకతతో మీ పాత జీన్స్ను ఎన్నో సంవత్సరాలు ఉపయోగపడే అందమైన హోమ్ డెకర్ వస్తువులుగా మార్చుకోవచ్చు.
Share
Solar Mandal: దేశానికే ఆదర్శంగా సీఎం రేవంత్ నియోజకవర్గం..!
గర్భవతి మహిళలు పారాసిటమాల్ తీసుకుంటే పిల్లలకు ఆటిజం, బుద్ధిమాంద్యం.. నిజమేనా?
