Protein Diet Without Eggs| కోడి గుడ్లు భారతీయ కుటుంబాల్లో సులభంగా లభించే చౌకైన ప్రోటీన్ ఫుడ్. అయితే, ఇటీవల గుడ్ల ధరలు పెరగడంతో ప్రతిరోజూ వాటిని తీసుకోవడం కొంత ఖర్చుతో కూడుకున్న విషయంగా మారింది. అయినా గుడ్లపైనే ఆధారపడకుండా రోజువారీ ఆహారం ద్వారా ప్రోటీన్ పొందవచ్చు. మన ఇంట్లో సాధారణంగా ఉపయోగించే ఎన్నో ఆహార పదార్థాల్లో కూడా ప్రోటీన్ పుష్కలంగా ఉంటుంది.
కండరాల పెరుగుదలకు, కణజాలం మరమ్మతుకు, శరీరంలోని ముఖ్యమైన పనులకు ప్రోటీన్ సహాయపడుతుంది. రోజువారీ ఆహారంలో తగినంత ప్రోటీన్ ఉండటం సమతుల్య ఆహారంలో ముఖ్యమైన భాగం. ప్రోటీన్ పెంచుకోవడానికి ఖరీదైన పదార్థాలు లేదా క్లిష్టమైన వంటకాలు అవసరం లేదు. భోజనంలో కొన్ని చిన్న మార్పులు చేయడం ద్వారా ప్రోటీన్ తీసుకోవడం కూడా పెంచుకోవచ్చు.
పప్పులు.. మొక్కల నుంచి సులభంగా లభించే ప్రోటీన్ ఫుడ్. పెసరపప్పు, మినపప్పు, కందిపప్పు, శనగపప్పు వంటి పప్పులు తరచుగా తీసుకోవాలి. పప్పు.. అన్నం, రొట్టె లేదా కూరలతో కలిపి తింటే బాగుంటుంది. ఉడికించిన పప్పులను సూప్‌లు, సలాడ్లు, ఇతర కూరల్లో కూడా చేర్చండి. ఇలా పప్పులు తీసుకోవడం వల్ల భోజనం మరింత పోషకంగా, కడుపు నిండేలా ఉంటుంది.
పనీర్ శాకాహారులకు మంచి ప్రోటీన్ వనరుగా ఉపయోగపడుతుంది. కూరలు, ర్యాప్‌లు, సలాడ్లు, శాండ్‌విచ్‌లు, అల్పాహారంలో పనీర్ కలిపి తింటే రుచికరంగా ఉంటుంది. కూరగాయలతో గ్రిల్ చేసిన పనీర్‌ను సులభమైన ప్రోటీన్ ఆహారంగా తీసుకోవచ్చు. పనీర్ భుర్జీ కూడా టేస్టీగా, సులభంగా చేసే స్నాక్ (అల్పాహారం).
బిస్కెట్లు, ప్యాకేజ్డ్ స్నాక్స్‌కు బదులుగా వేయించిన శనగలను ఎంచుకోండి. వీటిలో ప్రోటీన్‌తో పాటు ఫైబర్ కూడా ఉంటుంది. బిజీగా ఉండే సమయంలో వీటిని సులభంగా వెంట తీసుకెళ్లవచ్చు. వేయించిన శనగలను నేరుగా తినవచ్చు లేదా గింజలతో కలిపి తీసుకోవచ్చు.
సలాడ్లు మరియు చాట్‌లలో కూడా వీటిని చేర్చండి.
గుమ్మడి గింజలు, పొద్దుతిరుగుడు గింజలు, నువ్వులు, చియా విత్తనాలు, అవిసె గింజలు ఉపయోగపడతాయి. వీటిని పెరుగు, ఓట్స్, సలాడ్లు, స్మూతీలపై చల్లుకోవచ్చు. కొద్దిగా విత్తనాలు చేర్చినా ఆహారానికి అదనపు పోషక విలువ లభిస్తుంది. వీటిలో ఆరోగ్యకరమైన కొవ్వులు మరియు ఇతర పోషకాలు కూడా ఉంటాయి.
సోయా చంక్స్, టోఫు మొక్కల ఆధారిత ప్రోటీన్‌కు మంచి వనరులు. సోయా చంక్స్.. పులావ్, కూరలు, కబాబ్‌ల వేసి తింటే బాగుంటుంది. టోఫును గ్రిల్ చేసి, వేయించి లేదా సలాడ్లు, ర్యాప్‌లలో చేర్చండి. డైరీ పదార్థాలు తినని వారికి కూడా ఇవి ఉపయోగకరమైన ఆప్షన్లు.
Also Read: పిసినారిగా ఉండాల్సిన అవసరం లేదు.. జీవితాన్ని ఆస్వాదిస్తూ డబ్బు ఆదా చేసే టిప్స్
రోజులో ప్రోటీన్ పెంచుకోవడానికి అల్పాహారం మంచి అవకాశం. సాధారణ అల్పాహారంతో పాటు ఒక కప్పు పెరుగు తీసుకోండి.. పెసర మొలకలను పోహా, చాట్ లేదా శాండ్‌విచ్‌లో చేర్చండి. పెరుగులొ ప్రోటీన్‌తో పాటు ఇతర ముఖ్యమైన పోషకాలు కూడా లభిస్తాయి. మొలకలను పండ్లు, కూరగాయలు లేదా సంపూర్ణ ధాన్యాలతో కలిపి తీసుకోండి.
Also Read: కుటుంబ సభ్యులకు కూడా ఈ 5 విషయాలు చెప్పకూడదు.. జీవితం సంతోషంగా సాగడానికి చాణక్య సూచనలు
రోజులో ప్రతిసారీ భోజనంలో గుడ్లు తినాల్సిన అవసరం లేదు. పప్పులు, పనీర్, శనగలు, విత్తనాలు, సోయా, పెరుగు, మొలకలు.. ఆహారంలో చేర్చండి. ఈ చిన్న మార్పులు మీ రోజువారీ ఆహారంలో గుడ్డు లేకున్నా ప్రొటీన్ పోషకాన్ని అందిస్తాయి.
Share
తెలుగు రాష్ట్రాల్లో రాఖీ పౌర్ణమి సందడి.. ప్రేమానురాగాల దారంతో పుట్టింటి బాట పడుతున్న ఆడబిడ్డలు!
రాత్రికి రాత్రే స్టార్డమ్... ఫుట్బాల్ లెజెండ్ విన్స్ యంగ్ జీవితం ఎలా నాశనం అయ్యిందో కళ్ళకు కట్టిన సినిమా
