Rakhi Purnima: రాఖీ పౌర్ణమి రాగానే.. ప్రతి ఇంటిలో స్పెషల్ వెస్టివల్ వైబ్‌ వస్తోంది. ఆడబిడ్డలు కొండంత వెలుగును మూటగట్టుకొని నవ్వుతూ పుట్టింట్లో అడుగుపెడతారు. తమ ఇంటి ఆడపడుచుల రాక కోసం ప్రతి ఇంటి గడప ఆనందంతో ఎదురుచూస్తోంది. పెళ్లై అత్తారింటికి వెళ్లిపోయిన ఆడబిడ్డ కోసం తల్లి ఎదురుచూస్తుంది. తండ్రి దారివైపు చూస్తున్నాడు. ఆడబిడ్డ ఇంట్లోకి అడుగుపెట్టగానే ఆ ఇళ్లు సందడిగా మారిపోతుంది. రాఖీ కట్టే ఆ ఒక్క క్షణంలో.. చిన్ననాటి అనుబంధం మళ్లీ కళ్లముందు కదలాడుతుంది.
మార్కెట్లు రంగురంగుల రాఖీలు కొత్త కొత్త డిజైన్లతో మెరిసిపోతుంటే.. స్వీట్ షాపులు ఘుమఘుమలతో నోరూరిస్తున్నాయి. చిన్నప్పటి నుంచి తమను ఆటపట్టించిన అన్నయ్యకి, తమను గారాబంగా చూసుకున్న తమ్ముడి చేతికి ఏ రాఖీ కడితే బాగుంటుందోనంటూ.. అక్కాచెల్లెళ్లు రాఖీలు కొనుగోలు చేస్తున్నారు. అన్నయ్యకు రాఖీ కట్టి.. నుదుట తిలకం పెట్టి.. తీపి తినిపించి.. జీవితాంతం తోడుగా ఉండాలంటూ ఆశీర్వదించే ఆ క్షణం కోసం ప్రతి ఫ్యామిలీ సిద్ధమవుతోంది.
Also read: ప్రజాధనానికి పెట్టిన గుండు.. NCLT తీర్పుపై కాంగ్రెస్ సీనియర్ నేత జైరామ్ రమేష్ ఫైర్!
ఎంత దూరంలో ఉన్నా.. రక్షాబంధన్ నాటికి పుట్టిల్లు చేరాల్సిందే. చేతిలో ప్రేమానురాగాల రాఖీలు పట్టుకుని ఆడబిడ్డలు పుట్టింటి బాట పడుతున్నారు. దీంతో బస్టాండ్లు, రైల్వే స్టేషన్లు ప్రయాణికులతో నిండిపోయాయి. ప్రయాణం ఎంత కష్టమైనా.. తోడబుట్టినవారిని చూసే ఆత్రుత ముందు ఆ అలసట అంతా పటాపంచలైపోతోంది. రాఖీ.. ఓ చిన్న దారం కావచ్చు.. కానీ దాని వెనుక దాగున్న అప్యాయత మాత్రం జీవితాంతం విడిపోని ప్రేమామృత తీరం. అందుకే తెలుగు రాష్ట్రాల్లోని ప్రతి ఇంట్లో రాఖీ మహా సంబురాన్ని తెస్తోంది.
Also read: ఢిల్లీలో మళ్లీ మొదలైన డీలిమిటేషన్ రగడ.. బీజేపీ నెక్స్ట్ ప్లాన్ ఇదేనా..?
Share
WTC టైటిల్ గెల‌వాలంటే, గంభీర్ తో పాటు గిల్ గెంటేయాల్సిందే
భారీగా పెరిగిన కోడిగుడ్ల ధరలు.. ఎగ్స్ లేకుండా ప్రొటీన్ ఫుడ్స్ ఇవిగో
