ఇంట్లో వాడే.. నూనె మీ గుండెను దెబ్బతీస్తోందా?

Cooking Oil Truths: ఆరోగ్యంగా ఉండాలని, గుండె సమస్యలు రాకూడదని చాలా మంది విపరీతమైన ధరలు పెట్టి ‘ఎక్స్‌ట్రా వర్జిన్ ఆలివ్ ఆయిల్’ లేదా ‘హెల్దీ రిఫైన్డ్ ఆయిల్స్’ కొంటారు. అయితే మార్కెట్‌లో లభించే ఆలివ్ ఆయిళ్లలో దాదాపు 70 శాతానికి పైగా నకిలీవి లేదా కల్తీ చేసినవేనని అంతర్జాతీయ నివేదికలు చెబుతున్న సంచలన నిజం మీకు తెలుసా? మనం రోజువారీ వంటల్లో వాడే నూనె నిజంగా మనల్ని ఆరోగ్యంగా ఉంచుతుందా లేక నెమ్మదిగా రోగాల బారిన పడేస్తుందా? కుకింగ్ ఆయిల్స్ వెనుక ఉన్న నగ్న సత్యాలు, నిజమైన నూనెను ఎలా గుర్తించాలో ఇప్పుడు తెలుసుకుందాం.

ఫేక్ ఆలివ్ ఆయిల్ నెట్‌వర్క్:

ఎక్స్‌ట్రా వర్జిన్ ఆలివ్ ఆయిల్ అనగానే చాలా మంది కళ్ళు మూసుకుని కొనేస్తుంటారు. అయితే నాణ్యత లేని ఆలివ్ ఆయిల్‌లో సోయాబీన్, పామాయిల్, లేదా సన్‌ఫ్లవర్ ఆయిల్‌లను కలిపి, ఆకుపచ్చ రంగు, కృత్రిమ సువాసనలు జోడించి ‘ప్యూర్ ఆలివ్ ఆయిల్’ పేరుతో అమ్ముతున్నారు.

ఇంట్లోనే ప్యూర్ ఆలివ్ ఆయిల్‌ను గుర్తించే చిన్న ట్రిక్:

మీరు కొన్న ఆలివ్ ఆయిల్ బాటిల్‌ను ఒక రోజంతా ఫ్రిజ్‌లో (ఫ్రీజర్‌లో కాదు) ఉంచండి. అది నిజమైన ఎక్స్‌ట్రా వర్జిన్ ఆలివ్ ఆయిల్ అయితే గడ్డకట్టుకుపోతుంది లేదా చిక్కగా మారుతుంది. ఒకవేళ అది ద్రవ రూపంలోనే ఉంటే అందులో కల్తీ నూనెలు కలిసి ఉన్నాయని అర్థం.

రిఫైన్డ్ ఆయిల్స్:

ఇక మన ఇళ్లలో వాడే సాధారణ రిఫైన్డ్ ఆయిల్స్ (సన్‌ఫ్లవర్, సోయాబీన్, కాటన్ సీడ్) తయారీలో కెమికల్స్, బ్లీచింగ్ ఏజెంట్లు, విపరీతమైన వేడిని ఉపయోగిస్తారు. ఈ ప్రక్రియలో నూనెలో ఉండే పోషకాలన్నీ నశించిపోతాయి. వీటిని నిత్యం వాడటం వల్ల శరీరంలో చెడు కొలెస్ట్రాల్, ట్రైగ్లిజరైడ్స్ పెరిగి గుండె రక్తనాళాల్లో అవరోధాలు ఏర్పడతాయి.

బెస్ట్ ఆల్టర్నేటివ్:

మన పూర్వీకులు వాడిన గానుగ నూనెలు (కట్టె గానుగ ఆడించిన నూనెలు) ఆరోగ్యానికి బెస్ట్. ఎలాంటి రసాయనాలు, విపరీతమైన వేడి ఉపయోగించకుండా విత్తనాల నుంచి నూనె తీయడం వల్ల అందులోని సహజ సిద్ధమైన పోషకాలు, యాంటీఆక్సిడెంట్లు అలాగే ఉంటాయి. వేరుశనగ గానుగ నూనె, నువ్వుల నూనె, కొబ్బరి నూనెలు మన వంటకాలకు పర్‌ఫెక్ట్‌గా సరిపోతాయి.

‘రిఫైన్డ్’ లేదా ఫేక్ ‘ఆలివ్ ఆయిల్’ అనే అట్రాక్టివ్ లేబుల్స్ చూసి మోసపోకండి. ప్రాసెస్ చేసిన నూనెలకు దూరంగా ఉండి, స్థానికంగా లభించే శుద్ధమైన గానుగ నూనెలను వాడటం అలవాటు చేసుకోండి. సరైన నూనెను ఎంచుకోవడం ద్వారా మీ కుటుంబాన్ని గుండె జబ్బులు, బీపీ, ఊబకాయం నుంచి కాపాడుకోవచ్చు.