Alum Benefits: పటికతో ఇన్ని ప్రయోజనాలా ?

Alum Benefits: పటికలో అనేక ఔషధ గుణాలు ఉంటాయి. అందుకే పటికను వివిధ రకాల ఆరోగ్య సమస్యలను తగ్గించడానికి ఉపయోగిస్తారు. పటికలో యాంటీ ఇన్ఫ్లమేటరీ , యాంటీ-ఆక్సిడెంట్ లక్షణాలు ఉంటాయి. ఇవి గాయాలను నయం చేయడంలో సహాయపడతాయి. పటికను శరీరం యొక్క బాహ్య భాగాలపై మాత్రమే ఉపయోగించవచ్చు.పటికలో ఉండే యాంటీమైక్రోబయల్ లక్షణాలు పళ్లను తెల్లగా మార్చడంలో కూడా ఉపయోగపడతాయి.

పటిక అంటే ఏమిటి ?
పటిక ఒక సహజ ఖనిజం. ఇది నీటిలో సులభంగా కరిగిపోతుంది. పటిక తెలుపు లేదా కొద్దిగా పారదర్శకంగా ఉంటుంది. దీని రుచి చేదుగా, పుల్లగా ఉంటుంది.

పటిక ఆరోగ్యానికి ఎలా మేలు చేస్తుంది ?

పటిక స్ఫటికాల రూపంలో, లేదా పొడి రూపంలో కూడా లభిస్తుంది. ఇది యాంటీపెర్స్పిరెంట్ లక్షణాలను కలిగి ఉంటుంది. అంతే కాకుండా ఇది చెమటను నియంత్రించడంలో సహాయపడుతుంది. పటికను టూత్‌ పేస్ట్‌లో కూడా ఉపయోగిస్తారు. ఎందుకంటే ఇది దంతాలను బలోపేతం చేయడానికి, చెడు తొలగించడానికి, చిగుళ్ల వాపును తగ్గించడానికి సహాయపడుతుంది. ఇది సహజ క్రిమినాశినిగా కూడా పని చేస్తుంది.

పటిక వాడటం వల్ల ఏవైనా దుష్ప్రభావాలు ఉంటాయా ?

పటికను ఉపయోగించడం వల్ల చాలా ప్రయోజనాలు ఉన్నాయి. అలాగే, ఇది కొన్ని రకాల దుష్ప్రభావలను కూడా కలిగిస్తుంది.

సున్నితమైన చర్మం ఉన్నవారు దీనిని వాడటం వల్ల చికాకు, దురద వంటి సమస్యలను ఎదుర్కోవసి రావచ్చు.

పటిక పొడి కళ్ళలోకి పడితే, అది చికాకు కలిగిస్తుంది.

పటిక వాసన కొంత మందికి వల్ల శ్వాస తీసుకోవడంలో ఇబ్బందులు ఏర్పడతాయి.

పటికను మింగడం వల్ల వికారం, వాంతులు , ఇతర జీర్ణ సమస్యలు వచ్చే ప్రమాదం కూడా ఉంటుంది. అంతే కాకుండా జీర్ణ సంబంధిత సమస్యలు ఎదుర్కునే వారు పటిక తినకుండా ఉండటం చాలా మంచిది.

పటికను ప్రతిరోజూ ఉపయోగించవచ్చా?

వారానికి ఒకటి లేదా రెండుసార్లు మాత్రమే చర్మంపై వాడటం మంచిది.

పటిక చర్మానికి సురక్షితమేనా ?
పటిక చర్మానికి సురక్షితమైనది. ఇది చర్మాన్ని బిగుతుగా చేసి మొటిమలు , మచ్చలను తగ్గిస్తుంది. అతిగా వాడటం వల్ల ముఖం పొడిబారడం, చికాకును కలుగుతుంది.

ముఖానికి పటికను ఎలా ఉపయోగించాలి ?

పటికను ముఖంపై అనేక విధాలుగా ఉపయోగించవచ్చు.
పటిక పొడిని నీటిలో లేదా రోజ్ వాటర్‌లో కలిపి మీ ముఖానికి అప్లై చేయవచ్చు.
పటిక , ముల్తానీ మిట్టిని పేస్ట్ లా చేసి మీ ముఖానికి అప్లై చేసుకోవచ్చు.
పటిక, పెరుగు, తేనె కలిపి పేస్ట్ లా తయారు చేసుకుని మీ ముఖానికి అప్లై చేసుకోవచ్చు.
ఒక పటిక ముక్కను రాత్రంతా నీటిలో ఉంచి ఉదయం మీ ముఖంపై రాసుకోవచ్చు.
ముఖానికి పటికను అప్లై చేసిన తర్వాత, ఖచ్చితంగా మాయిశ్చరైజర్ రాయాలని గుర్తుంచుకోండి. దీనివల్ల చర్మం మృదువుగా మారుతుంది.

పంటి నొప్పికి పటిక మంచిదా ?
పటిక దాని యాంటీ బాక్టీరియల్ లక్షణాల కారణంగా నోటి ఆరోగ్యానికి ప్రయోజనకరంగా ఉంటుంది. దీన్ని నీటిలో కరిగించి పుక్కిలించడం వల్ల పంటి నొప్పి నుండి ఉపశమనం లభిస్తుంది. అంతే కాకుండా దంతాలపై ఉన్న మురికి తొలగిపోతుంది. ఇది పయోరియా ప్రమాదాన్ని కూడా తగ్గిస్తుంది.

Also Read: షుగర్ పేషెంట్లకు హార్ట్ ఎటాక్ వచ్చే ప్రమాదం ఎక్కువట, ఎందుకంటే ?

కీళ్ల నొప్పులు, వాపులను తగ్గించడంలో పటిక ప్రభావం ఎంత ?
పటికలోని శోథ నిరోధక లక్షణాలు కీళ్ల నొప్పులను తగ్గించడంలో సహాయపడతాయి. దీంతో పాటు ఇది వాపును కూడా తగ్గిస్తుంది. దీని కోసం బాధాకరమైన లేదా వాపు ఉన్న ప్రాంతాన్ని పటిక నీటితో మసాజ్ చేయాలి.

సర్జరీల తర్వాత పటిక గాయాలను నయం చేస్తుందా ?
పటిక నీరు  సర్జరీ  తర్వాత గాయాలను నయం చేయడంలో సహాయపడుతుంది. కానీ వైద్యుడిని సంప్రదించకుండా అటువంటి గాయాలపై పటికను ఉపయోగించకూడదు.

Share

• 
• 
• 
• 
• 
•