Honey Benefits For Skin: తేనెలోని ప్రత్యేక గుణాల వల్ల ఆయుర్వేదంలో దీనికి ప్రత్యేక స్థానం ఉంది. తేనె ఆరోగ్యానికి మాత్రమే కాదు, చర్మాన్ని ఆరోగ్యంగా ఉంచడంలో కూడా సహాయపడుతుంది. తేనెను చర్మంపై అప్లై చేయడం వల్ల చర్మం మృదువుగా మారి తేమను పెంచుతుంది. ఇందులో యాంటీ ఆక్సిడెంట్, యాంటీ బాక్టీరియల్ , యాంటీ ఫంగల్ లక్షణాలు ఉన్నాయి. ఇవి చర్మాన్ని ఆరోగ్యంగా , మెరిసేలా చేయడంలో సహాయపడతాయి.
చలికాలంలో చర్మాన్ని ఆరోగ్యంగా ఉంచుకోవాలంటే తేనెను 3 రకాలుగా ఉపయోగించవచ్చు. తేనెను చర్మంపై అప్లై చేయడం వల్ల మొటిమలు, నల్లటి వలయాలు వంటి సమస్యల నుంచి కూడా ఉపశమనం లభిస్తుంది.
ముఖానికి తేనె అప్లై చేయడం వల్ల కలిగే ప్రయోజనాలు:
మొటిమలను తగ్గుతాయి: తేనెలో ఉండే యాంటీబ్యాక్టీరియల్ లక్షణాలు మొటిమలకు కారణమయ్యే బ్యాక్టీరియాను చంపడంలో సహాయపడతాయి.
చర్మాన్ని తేమగా చేస్తుంది: తేనె అనేది చర్మాన్ని హైడ్రేట్‌గా ఉంచే సహజమైన మాయిశ్చరైజర్.
చర్మాన్ని మృదువుగా చేస్తుంది: తేనె చర్మంలోని మృతకణాలను తొలగించి, మృదువుగా , మెరిసేలా చేస్తుంది.
ముడతలను తగ్గిస్తుంది: తేనెలో యాంటీఆక్సిడెంట్లు ఉంటాయి. ఇవి వృద్ధాప్య ప్రభావాల నుండి చర్మాన్ని రక్షిస్తాయి.
చర్మ ఛాయను మెరుగుపరుస్తుంది: తేనెలో ఉండే హైడ్రోజన్ పెరాక్సైడ్ చర్మాన్ని తెల్లగా మార్చడంలో సహాయపడుతుంది.
తేనె ఫేస్ మాస్క్ ఎలా ఉపయోగించాలి ?
ఒక చెంచా తేనెను పెరుగు లేదా నిమ్మరసంతో కలిపి ముఖానికి అప్లై చేయాలి. 15-20 నిమిషాల తర్వాత గోరువెచ్చని నీటితో కడగాలి.
మాయిశ్చరైజర్: రాత్రి పడుకునే ముందు కొంత తేనెను ముఖం , మెడపై రాయండి. ఉదయాన్నే గోరువెచ్చని నీటితో కడగాలి.
స్క్రబ్: చక్కెర లేదా కాఫీ పౌడర్‌లో తేనె కలిపి స్క్రబ్‌ను తయారు చేయండి. వారానికి ఒకటి లేదా రెండు సార్లు ఈ స్క్రబ్‌తో మీ ముఖాన్ని మసాజ్ చేయండి.
లిప్ బామ్: పగిలిన పెదాలను నయం చేయడానికి పెదవులపై తేనెను అప్లై చేయండి.
కళ్ల కింద నల్లటి వలయాలు: తేనెను కళ్ల కింద రాసుకుంటే నల్లటి వలయాలు తగ్గుతాయి.
తేనెతో ఫేస్ మాస్క్:
కావలసినవి:
తేనె- 1 టీ స్పూన్
పెరుగు- 1 టీ స్పూన్
శనగపిండి- 1 టీ స్పూన్
తయారీ విధానం: పైన చెప్పిన మోతాదుల్లో తేనె, శనగపిండి, పెరుగులను ఒక బౌల్ లో తీసుకుని మిక్స్ చేయాలి. ఆ తర్వాత ఈ మిశ్రమాన్ని ముఖానికి పట్టించి 15 నిమిషాల తర్వాత వాష్ చేయాలి. ఇలా చేయడం వల్ల మీ ముఖంపై ఉన్న జిడ్డు తొలగిపోతుంది. అంతే కాకుండా తక్కువ సమయంలోనే గ్లోయింగ్ స్కిన్ మీ సొంతం అవుతుంది.
Also Read: నిద్రపోయే ముందు ఈ టిప్స్ పాటిస్తే.. గ్లోయింగ్ స్కిన్
జాగ్రత్తలు:
తేనెను అప్లై చేయడానికి ముందు, ప్యాచ్ టెస్ట్ చేయండి.
మీకు తేనె అంటే అలెర్జీ ఉంటే, దానిని ఉపయోగించకండి.
మీ చర్మం సున్నితంగా ఉంటే, తేనెను కొన్ని ఇతర సహజ నూనెలతో కలపండి.
గమనిక: వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘బిగ్ టీవీ’ బాధ్యత వహించదని గమనించగలరు.
Share
Mufasa: The Lion King Movie Review : ముఫాసా: ది లయన్ కింగ్ మూవీ రివ్యూ
Mohan Bhagwat RSS : ఇతర మతాల దైవాలను అవమానించడం సరికాదు.. మసీదు వివాదాలు ఇక చాలు.. ఆర్ఎస్ఎస్
