Fruits Tips: ఈ టిప్స్ తెలిస్తే చాలు.. ఫ్రూట్స్ ఈజీగా కొనేయొచ్చు!

Fruits Tips: మనలో చాలా మందికి మార్కెట్‌లో మంచి పండ్లు, కూరగాయలను ఎంచుకోవడం అంతగా తెలియదు. కంటికి బాగున్నవి, చేతికి అందినవి తీసుకొస్తాం లేదా అమ్మేవారు ఇచ్చినవి ఇంటికి తెచ్చేస్తాం. అయితే, కొన్ని టిప్స్ తెలిస్తే చాలు. మీరు నాణ్యమైన పండ్లు, కూరగాయలను సులభంగా ఎంపిక చేయవచ్చని ఆరోగ్య నిపుణులు చెబుతున్నారు. అయితే, కొన్ని టిప్స్ తెలిస్తే చాలు మీరు నాణ్యమైన పండ్లు, కూరగాయలను సులభంగా ఎంపిక చేయవచ్చు. ఈ ఆర్టికల్ చదివిన తర్వాత మీకు స్పష్టమైన అవగాహన వస్తుంది.

దానిమ్మ:
దానిమ్మ ఎంచుకునేటప్పుడు దాని తొక్కు నిగనిగలాడుతూ, ఆకర్షణీయంగా కనిపించాలి. అంతేకాదు, పండు పైభాగంలో ఉండే క్రోన్ (పుష్పం ఆకారంలో ఉండే భాగం) స్వల్పంగా విచ్చుకుని, పొడిగా ఉండాలి. ఇది పండు పక్వానికి వచ్చినట్టు సూచిస్తుంది. పట్టుకున్నప్పుడు బరువుగా, గట్టిగా అనిపిస్తే, అది రసవంతంగా, తాజాగా ఉన్నదని అర్థం. తేలికగా లేదా మెత్తగా ఉంటే అవి పాతవి కావచ్చు, కాబట్టి వాటిని నివారించండి.

నారింజ:
నారింజ పండు ఎంచుకునేటప్పుడు దాని పొట్టు స్వల్పంగా ఉబ్బినట్టు, కాండం దగ్గర కొద్దిగా లోపలికి పొడుచుకుని ఉండాలి. ఇలాంటి నారింజలు సిట్రస్ రుచితో, రసంతో నిండి ఉంటాయి, తినడానికి ఆనందాన్నిస్తాయి. పరిమాణంతో పోలిస్తే బరువుగా ఉండే నారింజను ఎంచుకోవడం మంచిది—ఇది లోపల రసం ఎక్కువగా ఉన్నదని సంకేతం. ఒకవేళ ఫ్లాట్‌గా, తేలికగా అనిపిస్తే, సిట్రస్ తక్కువగా ఉండొచ్చు లేదా పండు పాతదై ఉండొచ్చు, కాబట్టి అలాంటివి తీసుకోవద్దు.

ఖర్బూజా:
ఖర్బూజా ఎంపికలో దాని బొడ్డు దగ్గర గోధుమ రంగు మచ్చలు కనిపించాలి, అలాగే ఆ భాగం స్వల్పంగా లోపలికి కుంగినట్టు ఉండాలి. పట్టుకున్నప్పుడు మెత్తగా అనిపించాలి. అలాగే గట్టిగా కూడా ఉండాలి.ఇది దాని నాణ్యతను సూచిస్తుంది. దగ్గరగా వాసన చూస్తే తీపి వాసన వస్తే, అది పక్వానికి వచ్చినట్టు, తినడానికి సిద్ధంగా ఉన్నట్టు అర్థం. వాసన లేకపోతే లేదా చేదుగా అనిపిస్తే, అది ఇంకా మగ్గలేదని గుర్తుంచుకోండి.

బొప్పాయి:
బొప్పాయి ఎంచుకునేటప్పుడు లేత పసుపు రంగులో, అక్కడక్కడ స్వల్ప ఆకుపచ్చ మచ్చలతో ఉన్నవి తీసుకోవాలి. ఇవి తినడానికి సరైన సమయంలో ఉంటాయి. పూర్తిగా పచ్చగా ఉన్నవి ఇంకా పక్వానికి రాలేదు, కాబట్టి వాటిని తీసుకోకపోవడమే ఉత్తమం. ఎందుకంటే అవి రుచిలో చేదుగా ఉండొచ్చు. పట్టుకున్నప్పుడు స్వల్పంగా మెత్తగా, కానీ గట్టిగా కూడా అనిపించాలి. అలా ఉండే పండు తాజాగా ఉందని అర్థం.