Kitchen Tips: వచ్చేది ఎలుకంత.. పోయేది ఏనుగంతా అనుకుంటూ చాలామంది తమ ఖర్చులను చూసి బావురుమంటుంటారు. వీటిలో అధిక శాతం ప్లానింగ్ లేకుండా పోయేవే. ముఖ్యంగా ఇంటి ఖర్చుల్లో ఎక్కువ శాతం కిచెన్ కే ఖర్చు అవుతుంది.రోజు వెజిటేబుల్స్ అని, పాలని, నూనెలని, గ్యాస్ అని ఏదో ఒకటి ఖర్చు అవుతూనే ఉంటుంది. నిజానికి ఇది చాలా చిన్నగా కనిపించినా నెలాఖరికి వచ్చేసరికి ఇదే చాంతాడంత లిస్ట్ కనిపిస్తుంది.
అయితే మన రోజువారి జీవితంలో కొన్ని కొన్ని మార్పులు, చిన్న చిన్న అలవాట్లు చేసుకుంటే ఈ లీకేజీని ఈజీగా అరికట్టవచ్చు.మరి కిచెన్ లీకేజీని అరికట్టే ఆ టిప్స్ ఏంటో ఇప్పుడు చూద్దాం.
మన ఇళ్లల్లో ఎక్కువ శాతం మొదటగా “ఈరోజు ఏం వండాలి?” అనే ప్రశ్నతోనే తెల్లారుతుంది.ఇక అప్పుడు ఇంట్లో గనక ఏం లేకపోతే వెంటనే బయటికి వెళ్లి కనిపించిన ప్రతీదీ పట్టుకొని వచ్చేస్తాం. వాటిలో చాలావరకు అవసరం లేనివి ఉంటాయి.
అలా కాకుండా ఒక ప్లాన్ ప్రకారం ఒక ఆదివారం రోజే వచ్చే వారానికి సరిపడా ఏ కూర, ఏం టిఫిన్ ఎలా చేయాలి అన్నది ఆలోచించుకుంటే బయట మనం చేసే షాపింగ్ చాలా సులభం అవుతుంది.
మనలో ఉన్న మరో బలహీనత ఏంటంటే డిస్కౌంట్. ఎక్కడైనా డిస్కౌంట్లు కనిపిస్తే చాలు అవసరం ఉన్నవి, లేనివి అన్ని కొనేసి బ్యాగులో పడేస్తాం.అలా కాకుండా షాపింగ్ కి వెళ్లే ముందే ఒక లిస్ట్ ప్రిపేర్ చేసుకోండి. ఏం అవసరం, ఏం అవసరం లేదు అన్నది ఒక క్లారిటీ వస్తుంది.
దానివల్ల లిస్ట్ లో ఉన్నవి మాత్రమే కొంటే చాలావరకు లీకేజీని అరికట్టినట్టే.
ఇక బియ్యం, పప్పులు, నూనె, ఉప్పు, చక్కెర, మసాలా పొడులు ఇలాంటివి నెలకు ఒకసారి కొనడం మంచిది.దీనివల్ల ఖర్చు కలసి వస్తుంది మరియు అస్తమానం షాపింగ్ చేసే పని ఉండదు.
ఇక చాలామందికున్న మరో బలహీనత ఏంటంటే ఒకటి కొంటే ఒకటి ఫ్రీ అన్న బోర్డు చూస్తే చాలు అవసరం లేకపోయినా వాటిని కొనేసి సగం రేట్ కి వచ్చిందని మురిసిపోతుంటాం. 50% డిస్కౌంట్ కి కొట్టేసామని సంబరపడిపోతుంటాం.
కానీ మీరు గుర్తుంచుకోవాల్సిన విషయం ఏమిటంటే అసలు మీకు అవసరం లేని వస్తువు కోసం మీరు మీ డబ్బులు వేస్ట్ చేశారని తెలీదు.ఇక వాటిని వాడక ముందే అవి పాడై పోతే మాత్రం మీరు సేవ్ చేయాలనుకున్న డబ్బే వేస్టేజ్ కిందికి వెళ్లిపోతుంది.అందుకే ఏం అవసరమో అదే కొంటే మన పర్సు భద్రంగా ఉంటుంది.
కూరగాయలని ఒకేసారి కొనడం కంటే రెండు రోజులకోసారి సరిపడా కొనడం ఉత్తమం.ఎందుకంటే అస్తమానం ఎవరు తిరుగుతారని ఒకేసారి కొంటే మాత్రం రెండు రోజుల తర్వాత మిగతా కూరగాయలను చెత్తబుట్టలో పాడేయాల్సిందే.
ఇక చాలా మంది రాత్రి మిగిలిన అన్నం, కూరల్ని చెత్తబుట్టలో పడేస్తుంటారు.చెడిపోతే ఓకే. కానీ బాగుంటే వాటిని ఎంచక్కా ఫ్రైడ్ రైస్, లెమన్ రైస్, కర్డ్ రైస్ వంటి రెసిపీలు చేసుకొని టేస్టీగా తినొచ్చు.ఇక మిగిలిన కూరతో పరాటా, శాండ్విచ్ లేదా రోల్స్ చేసుకోవచ్చు కూడా.ఇలా చేస్తే ఫుడ్ వేస్ట్ కాదు మరియు డబ్బు కూడా సేవ్ అవుతుంది.
ఇక చాలామంది మేము ప్రతిదీ బ్రాండెడ్ వాడతాం అంటూ హెచ్చులకు పోతుంటారు.అలా చేస్తే మీ పర్సులకే చిల్లు పెట్టుకున్నట్టు.ఎందుకంటే చాలా మంచి లోకల్ బ్రాండ్లు కూడా తక్కువ రేట్లకి మార్కెట్లో దొరుకుతుంటాయి. సరిగ్గా చూసి పట్టుకోవడమే.ఒకసారి కొనేముందు వాటి ధర, క్వాలిటీని చెక్ చేసుకుంటే సరి.
ఇక చాలామంది ఫ్రిజ్లో పెట్టిన చాలా వస్తువులు మర్చిపోతారు.అలా కాకుండా ఫ్రిజ్ ని సరిగ్గా వాడాల్సిన తీరులో వాడితే చాలా డబ్బుని సేవ్ చేసినట్టే.ఇక ఫ్రిడ్జ్ ని శుభ్రం చేసి వస్తువులను జాగ్రత్తగా పెడితే నీట్ గా ఉండి అందులో పెట్టిన ఫుడ్డు చెడిపోకుండా ఉంటుంది.
ఇక చాలామంది బద్ధకంతోనో, చేయాలన్న ఓపిక లేదనుకుంటూ బయట ఫుడ్ ని విపరీతంగా ఆర్డర్లు పెడుతుంటారు.దానివల్ల మీ పాకెట్ లీకేజీ దారుణంగా జరిగిపోతుంది.అలా కాకుండా కాస్త బద్ధకంగా ఫీల్ అవ్వకుండా ఇంట్లో ఉన్న వస్తువులతోనే చేసుకుంటే అటు టేస్టీకి టేస్టీ, ఇటు హెల్తీకి హెల్తీ.
ఇక చాలామంది చేసే మరో తప్పు ఏంటంటే గ్యాస్ వెలిగించాక చేయాల్సిన ఫుడ్ కోసం అన్ని వస్తువులను వెతుకుతుంటారు.అలా కాకుండా రెసిపీకి ఏమి కావాలో అవన్నీ ముందుగానే సిద్ధం చేసుకుని అందుబాటులో పెట్టుకుంటే గ్యాస్ చాలా ఆదా అవుతుంది.
ఇక అన్నింటికన్నా మించి మీరు కిచెన్ కోసం ఎంత ఖర్చు పెడుతున్నారో ఒక లెక్క రాసుకోవడం ఉత్తమం.ఎందుకంటే జరుగుతున్న లీకేజీలు ఇలా తెలిసి మరోసారి ఆ లీకేజీలు జరగకుండా జాగ్రత్త పడతాం.
సో అందరూ గుర్తుంచుకోవాల్సిన విషయం ఏమిటంటే కిచెన్ బడ్జెట్ కంట్రోల్ అంటే తక్కువ తినడం, అసలు తినకుండా ఉండటం కాదు. కాస్త తెలివిగా అవసరమైనవి మాత్రమే కొనుక్కోవడం.
ALSO READ:వర్షాల్లో పిల్లలను స్కూల్కు పంపుతున్నారా?.. ఈ జాగ్రత్తలు అస్సలు మర్చిపోవద్దు!
మరి ఇలాంటి చిన్న చిన్న టిప్స్ పాటించి మీ కిచెన్ బడ్జెట్ ని కంట్రోల్ లో పెట్టుకుంటారు కదా!
Share
రాబోయే ఎమ్మెల్సీ ఎన్నికల కోసం.. కాంగ్రెస్ వేసిన ట్రిపుల్ సర్వే స్కెచ్ వర్కౌట్ అయ్యేనా..!
పాకిస్తాన్ క్రికెటర్లు గాడిదల్లాంటివాళ్లు...అభిషేక్ గురించి మాట్లాడే హక్కే లేదు
