Chewing Gum For Cancer| క్యాన్సర్ను నివారించేందుకు శాస్త్రవేత్తలు కొత్త మార్గాలను అన్వేషిస్తున్నారు. ఈ క్రమంలో పెన్సిల్వేనియా యూనివర్సిటీ పరిశోధకులు ప్రత్యేకమైన బయోఇంజినీర్డ్ చూయింగ్ గమ్ను రూపొందించారు. ఈ గమ్ నోటిలో ఉండే కొన్ని హానికర వైరస్లు, బ్యాక్టీరియాపై పనిచేస్తుంది. ల్యాబ్ టెస్టుల్లో ఆశాజనక ఫలితాలు కనిపించాయి. అయితే ఇవి ఇంకా పరిశోధన దశలోనే ఉందని శాస్త్రవేత్తలు తెలిపారు.
తల, మెడ క్యాన్సర్ ప్రపంచవ్యాప్తంగా ఎక్కువగా కనిపించే క్యాన్సర్లలో ఒకటి. ఇది నోరు, గొంతు, స్వరపేటిక, ముక్కు, చుట్టుపక్కల భాగాలను ప్రభావితం చేస్తుంది. పొగాకు, మద్యం సేవించడం ప్రధాన కారణాలుగా భావిస్తారు. అలాగే హ్యూమన్ పాపిలోమా వైరస్ (హెపివి వైరస్ HPV) కూడా ఈ క్యాన్సర్కు కారణమవుతుంది. అందుకే ఈ ప్రమాదాన్ని తగ్గించే మార్గాలపై పరిశోధనలు కొనసాగుతున్నాయి.
ఈ ప్రత్యేక గమ్లో సహజ యాంటీవైరల్, యాంటీబ్యాక్టీరియల్ పదార్థాలు ఉన్నాయి. దీన్ని ల్యాబ్ల్యాబ్ బీన్స్ సహాయంతో తయారు చేశారు. ఈ పదార్థాలు నోటిలోని హానికర సూక్ష్మజీవులపై నేరుగా ప్రభావం చూపుతాయి. శరీరంలోని ఇతర భాగాలను ప్రభావితం చేయకుండా పనిచేసేలా దీన్ని రూపొందించారు.
పరిశోధకులు లాలాజలం, నోరు శుభ్రపరిచే ద్రావణ శాంపిల్స్పై ఈ గమ్ను పరీక్షించారు. ఈ శాంపిల్స్.. తల, మెడ క్యాన్సర్ ఉన్న రోగుల నుంచి సేకరించారు. పరీక్షల్లో నోటిలో ఉండే లాలాజలంలో HPV లెవెల్స్ 93 శాతం వరకు తగ్గాయి. నోరు శుభ్రపరిచే ద్రావణంలో వైరస్ లెవెల్స్ సుమారు 80 శాతం తగ్గాయి. అలాగే రెండు హానికర బ్యాక్టీరియాలు కూడా దాదాపు పూర్తిగా తగ్గినట్లు గుర్తించారు.
పోర్ఫిరోమోనాస్ జింజివాలిస్, ఫ్యూసోబ్యాక్టీరియం న్యూక్లియాటమ్ అనే రెండు బ్యాక్టీరియాలపై పరిశోధకులు దృష్టి పెట్టారు. ఈ బ్యాక్టీరియా అధికంగా ఉండటం వల్ల క్యాన్సర్ తీవ్రత పెరిగే అవకాశం ఉందని గత అధ్యయనాలు సూచించాయి. వీటి లెవెల్స్ తగ్గితే క్యాన్సర్కు సంబంధించిన ఒక ముఖ్యమైన ప్రమాద కారకం కూడా తగ్గే అవకాశం ఉంది.
హెపివి అనేది దగ్గరి శారీరక సంపర్కం ద్వారా వ్యాపించే వైరస్. చాలా సందర్భాల్లో ఇది సహజంగానే తగ్గిపోతుంది. అయితే కొన్ని రకాల వైరస్లు శరీరంలో ఎక్కువకాలం ఉంటాయి. అలాంటి వైరస్లు గొంతు సహా కొన్ని క్యాన్సర్ల ప్రమాదాన్ని పెంచవచ్చు. అందుకే హెపివి నియంత్రణ చాలా ముఖ్యం.
ఈ గమ్ నమిలే సమయంలో రెండు ముఖ్యమైన పదార్థాలు విడుదల అవుతాయి. FRIL అనే సహజ యాంటీవైరల్ ప్రోటీన్ హెపివీ వైరస్ను తగ్గించడంలో సహాయపడుతుంది. ప్రోటెగ్రిన్ అనే యాంటీమైక్రోబియల్ పెప్టైడ్ హానికర బ్యాక్టీరియాను నాశనం చేస్తుంది. ఈ పదార్థాలు లాలాజలం ద్వారా నోటి అంతటా వ్యాపించి పనిచేస్తాయి.
ఈ పరిశోధనలో మరో మంచి విషయం బయటపడింది. ఈ గమ్ నోటిలోని ప్రయోజనకర బ్యాక్టీరియాను ఎక్కువగా ప్రభావితం చేయలేదు. ఆరోగ్యకరమైన బ్యాక్టీరియా జీర్ణక్రియకు, ఇన్ఫెక్షన్ల నుంచి రక్షణకు ఉపయోగపడుతుంది. సాధారణ యాంటీబయాటిక్స్ మంచి, చెడు బ్యాక్టీరియా రెండింటినీ నాశనం చేస్తాయి. కానీ ఈ గమ్ ప్రధానంగా హానికర సూక్ష్మజీవులనే లక్ష్యంగా చేసుకుంది.
ప్రస్తుతం అలాంటి నిర్ధారణ లేదు. ఈ అధ్యయనం క్యాన్సర్ను నివారిస్తుందని నిరూపించలేదు. హానికర వైరస్లు, బ్యాక్టీరియా స్థాయిలను మాత్రమే తగ్గించగలదని చూపించింది. ఇది నిజంగా క్యాన్సర్ ప్రమాదాన్ని తగ్గిస్తుందో లేదో తెలుసుకోవడానికి మరిన్ని క్లినికల్ పరీక్షలు అవసరం.
Also Read: ప్రోటీన్ కోసం ఖరీదైన సప్లిమెంట్లు తప్పనిసరి కావు.. ఇదిగో తక్కువ ఖర్చులో పవర్ఫుల్ ఇండియన్ ఫుడ్స్
హెపివి టీకా, క్రమం తప్పని వైద్య పరీక్షలు, ఆరోగ్యకరమైన జీవనశైలి ఇప్పటికీ అత్యంత ముఖ్యమైనవే. ఈ చూయింగ్ గమ్ భవిష్యత్తులో అదనపు రక్షణ సాధనంగా ఉపయోగపడే అవకాశం ఉంది. అయితే ఇది వైద్య చికిత్సకు లేదా నిపుణుల సలహాకు ప్రత్యామ్నాయం కాదని గుర్తుంచుకోవాలి.
Share
ఏపీ మంత్రిపై ఎన్నారై మహిళ ఫిర్యాదు.. కూటమి ప్రభుత్వం చర్యలు తీసుకుంటుందా?
రణ్బీర్ కంటే ముందే రాముడిగా సల్మాన్.. కానీ చివరికి జరిగింది ఇదే!
