Using Phone In Toilet: మీరు కూడా మీ ఫోన్‌ను టాయిలెట్‌కు తీసుకెళ్తారా? టాయిలెట్‌లో కూర్చుని ఎక్కువసేపు రీల్స్ చూస్తూ లేదా స్క్రోలింగ్ చేస్తూ ఉంటారా? అవును అయితే.. జాగ్రత్తగా ఉండండి. ఎందుకంటే ఈ చిన్న అలవాటు మిమ్మల్ని అనేక తీవ్రమైన వ్యాధుల బారిన పడేస్తుంది.
టాయిలెట్‌లో కూర్చుని సోషల్ మీడియాను స్క్రోల్ చేయడం, గేమ్స్ ఆడటం, చాట్ చేయడం లేదా ఇమెయిల్‌లను చెక్ చేయడం ఇప్పుడు సాధారణ అలవాటుగా మారింది. కానీ ఈ కంఫర్ట్ జోన్ మీ ఆరోగ్యానికి ప్రమాద సంకేతంగా ఉంటుందని మీకు తెలుసా? ఒక అధ్యయనం ప్రకారం, డోర్ హ్యాండిల్ కంటే టాయిలెట్‌కు తీసుకెళ్లిన ఫోన్‌లో 10 రెట్లు ఎక్కువ బ్యాక్టీరియా ఉంటుంది. అంటే మీ స్మార్ట్‌ఫోన్ మినీ జెర్మ్ హౌస్‌గా మారే ప్రమాదం ఉంటుంది.
ఒక అధ్యయనం ప్రకారం టాయిలెట్‌లో ఫోన్‌ను ఉపయోగించడం వల్ల హెమోరాయిడ్స్ ప్రమాదం 45% పెరుగుతుందని నిపుణులు హెచ్చరిస్తున్నారు. హెమోరాయిడ్లను పైల్స్ అని కూడా అంటారు. కాబట్టి ఇక నుండయినా ఫోన్‌ను టాయిలెట్‌కు తీసుకెళ్లేటప్పుడు జాగ్రత్తగా ఉండండి.
ప్రమాద కారకాలు:
పైల్స్ సమస్య: టాయిలెట్‌లో ఎక్కువసేపు కూర్చునే అలవాటు వల్ల హెమోరాయిడ్స్ వచ్చే ప్రమాదం పెరుగుతుంది.
అంతే కాకుండా టాయిలెట్‌లో ఎక్కువసేపు కూర్చునే అలవాటు వల్ల పురీషనాళం దిగువ భాగంలో అధిక ఒత్తిడి ఏర్పడుతుంది. దీనివల్ల సిరల్లో వాపు వస్తుంది. ఇదే క్రమంగా హెమోరాయిడ్స్‌కు కారణమవుతుంది.
నిపుణులు ఏమంటున్నారు?
ఒక పరిశోధన కోసం.. 125 మంది వయస్సు పైబడిన వారి టాయిలెట్ సంబంధిత అలవాట్లను పరిశీలించారు. పాల్గొన్న వారిలో మూడింట రెండు వంతుల మంది టాయిలెట్‌పై కూర్చొని తమ స్మార్ట్‌ఫోన్‌లలో స్క్రోల్ చేస్తూనే ఉన్నారని తెలిపారు. టాయిలెట్ ఉపయోగిస్తున్నప్పుడు ఫోన్‌లకు అతుక్కుపోయే వారికి హెమోరాయిడ్స్ వచ్చే అవకాశం ఎక్కువగా ఉందని నిపుణులు కనుగొన్నారు.
టాయిలెట్‌లో ఫోన్లు వాడటం హానికరం:
మొబైల్ ఫోన్లలో రీల్స్ చూసే అలవాటు వల్ల చాలా మంది టాయిలెట్ సీటుపై సగటున 10 నిమిషాలు గడుపుతున్నారని వైద్యులు అంటున్నారు. టాయిలెట్ సీట్లపై కూడా వ్యాధికారకాలు ఎక్కువగా ఉంటాయి, కాబట్టి శరీరంలోని సున్నితమైన జననేంద్రియ భాగాలలో ఇన్ఫెక్షన్ వచ్చే ప్రమాదం కూడా ఎక్కువగా ఉంటుంది.
Also Read: ముఖంపై నల్ల మచ్చలా ? ఇలా చేస్తే.. ప్రాబ్లమ్ సాల్వ్
దీంతో పాటు.. నిశ్చల జీవనశైలి, ఆహారపు అలవాట్లు మీ ప్రమాదాలను రెట్టింపు చేస్తాయి. తక్కువ నీరు త్రాగడం, ఎక్కువ జంక్ ఫుడ్ తీసుకోవడం, టాయిలెట్‌లో ఎక్కువసేపు కూర్చోవడం వంటి అలవాట్లు కలిసి అటువంటి వ్యాధుల ప్రమాదాన్ని అనేక రెట్లు పెంచుతాయి.
అంటు వ్యాధుల ప్రమాదం:
టాయిలెట్ సీటుపై లక్షలాది వైరస్‌లు, బ్యాక్టీరియా ఉంటాయి. అంతే కాకుండా బకెట్-మగ్ వంటి వస్తువులు కూడా అక్కడ ఉంటాయి. మీరు వీటిని ఉపయోగించిన తర్వాత ఫోన్‌ను తాకినప్పుడు, బ్యాక్టీరియా మీ చేతుల ద్వారా ఫోన్‌కు అంటుకుంటుంది. మీ స్మార్ట్‌ఫోన్ మలంలో ఉండే బ్యాక్టీరియాతో కలుషితమయ్యే ప్రమాదం కూడా ఉంది.
ఒక అధ్యయనంలో.. పరిశోధకులు ఫోన్‌లో E. coli, ఇతర సూక్ష్మజీవుల ఉనికిని గుర్తించారు. అంతే కాకుండా టాయిలెట్ సీటుపై కంటే స్మార్ట్‌ఫోన్ స్క్రీన్‌పై ఎక్కువ బ్యాక్టీరియా ఉండవచ్చని కనుగొన్నారు.
Share
Canada vs Scotland: క్రికెట్ అరుదైన సంఘ‌ట‌న...తొలి రెండు బంతుల‌కే ఓపెన‌ర్లు ఔట్..148 ఏళ్ల తర్వాత
Warangal Rains: వరంగల్‌లో కుమ్మేస్తున్న భారీ వర్షం.. నీటిలో చిక్కుకున్న ఆర్టీసీ బస్సులు
