Healthy Eyes: చలికాలంలో మీ ఆరోగ్యానికి అనేక విధాలుగా సవాలుగా ఉంటుంది. చలి వల్ల శ్వాసకోశ ఇన్ఫెక్షన్లే కాకుండా చర్మ సమస్యలు, కీళ్ల నొప్పులు, గుండె సమస్యలు కూడా పెరుగుతాయి. ఈ వాతావరణం మీ కంటి సమస్యలను కూడా కలిగిస్తుంది.
చలికాలంలో కళ్లు పొడిబారడం అనే సమస్య ఎక్కువగా కనిపిస్తుంది. చల్లని, పొడి గాలి వల్ల ఈ సమస్య చాలా సాధారణంగా వస్తుంటుంది. ఇప్పటికే ఈ సమస్య ఉన్నవారు ఈ సీజన్‌లో మరింత జాగ్రత్తగా ఉండాలని సూచిస్తున్నారు డాక్టర్లు.
కళ్ళు సరైన మొత్తంలో కన్నీళ్లను ఉత్పత్తి చేయలేనప్పుడు పొడి కళ్ళ సమస్య ఏర్పడుతుంది. దీని కారణంగా, మీరు కళ్ళు ఎర్రబడటం, చికాకు వంటివి కలుగుతాయి. ఈ సీజన్‌లో కళ్లకు ఎలాంటి జాగ్రత్తలు తీసుకోవాలో ఇప్పుడు తెలుసుకుందాం.
కళ్లు పొడిబారడం వల్ల అనేక రకాల సమస్యలు మొదలవుతాయి. దీని వల్ల కళ్లలో మంట లేదా దురద వంటి సమస్యలు రావడం సర్వసాధారణం. ఇదే కాకుండా రాత్రి డ్రైవింగ్ చేయడం చేసేటప్పుడు కూడా కళ్లు సరిగ్గా కనిపించవు. పొడి గాలిలో లేదా హీటర్ దగ్గర కూర్చోవడం ద్వారా కూడా ఈ సమస్యలు తీవ్రమవుతాయి.
చలికాలంలో కళ్లు పొడిబారడానికి కారణాలు, వాటి నివారణకు చలికాలంలో కళ్లను ఎలా ఆరోగ్యంగా ఉంచుకోవాలో తెలుసుకుందాం.
పొడిబారడం అనే సమస్య ఉన్నవారు కచ్చితంగా సకాలంలో చికిత్స చేయించుకోవాలి. ఈ కంటి సమస్యకు సరైన చికిత్స చేయకపోతే, కంటి ఇన్ఫెక్షన్ ప్రమాదం గణనీయంగా పెరుగుతుంది. కాలక్రమేణా మీ కళ్ల ఉపరితలం దెబ్బతింటుంది మరియు తీవ్రమైన సందర్భాల్లో కంటి వాపు, కార్నియల్ ఉపరితలం అరిగిపోవడం, కార్నియల్ అల్సర్లు మరియు దృష్టి నష్టానికి దారితీయవచ్చు.
పొడి కళ్ళ సమస్య ఉంటే ఏమి చేయాలి ?
కళ్లు పొడిబారడం అనే సమస్య ఉన్నవారు కొన్ని విషయాలపై సీరియస్ గా దృష్టి పెట్టాలి. కంటి చుక్కలను వైద్యుల సలహా మేరకు వాడితే లక్షణాలు తగ్గుతాయి. ఇది కళ్లలో తేమను నిర్వహించడం సులభం చేస్తుంది.
ఇదే కాకుండా, జీవనశైలిలో మార్పు కూడా చాలా ముఖ్యం. పొగ, గాలి , ఎయిర్ కండిషనింగ్ నివారించడానికి ప్రయత్నించండి. కంటి సమస్యలను తగ్గించడానికి స్క్రీన్‌ల నుండి విరామం తీసుకోవడం కూడా చాలా ముఖ్యం. ఫోన్-ల్యాప్‌టాప్ వంటి డిజిటల్ స్క్రీన్‌ల వినియోగాన్ని తగ్గించండి. తగినంత నిద్ర పొందండి. తద్వారా మీ కళ్ళు విశ్రాంతి పొందుతాయి.
కళ్లను ఆరోగ్యంగా ఉంచుకోవడం ఎలా ?
కళ్లు పొడిబారకుండా ఉండాలంటే కొన్ని జాగ్రత్తలు తీసుకోవడం మంచిది.
మీరు పొడి కళ్ళ సమస్యలు కలిగి ఉంటే.. మీ లక్షణాలను మరింత తీవ్రతరం చేసే పరిస్థితులపై శ్రద్ధ వహించండి.
హెయిర్ డ్రైయర్, కార్ హీటర్, ఎయిర్ కండీషనర్ లేదా ఫ్యాన్ నుండి నేరుగా మీ కళ్లలోకి గాలి వీయకుండా చూసుకోండి.
ర్యాప్‌రౌండ్ సన్ గ్లాసెస్ , ఇతర రక్షణ కళ్లజోడు ధరించండి. ఇది పొడి గాలిని నిరోధించడంలో సహాయపడుతుంది.
మీ కళ్ళకు విశ్రాంతి ఇవ్వండి. కళ్లపై ఒత్తిడిని పెంచే ఏదైనా పని చదువుతున్నా లేదా చేస్తుంటే, ఎప్పటికప్పుడు కళ్లకు విశ్రాంతి ఇవ్వండి.
Also Read: కడుపులో మంట, గ్యాస్ సమస్యతో ఇబ్బంది పడుతున్నారా ? వీటితో క్షణాల్లోనే సమస్య దూరం
కంప్యూటర్ , మొబైల్ స్క్రీన్ వాడకాన్ని తగ్గించండి.
ధూమపానం మానుకోండి. ధూమపానం అలవాటు ఈ లక్షణాలను పెంచుతుంది.
మీ కళ్లను బాగా లూబ్రికేట్‌గా ఉంచుకోవడానికి మీ డాక్టర్ సలహా మేరకు కంటి చుక్కలను ఉపయోగించండి.
Share
Horoscope Today December 9th : ఆ రాశి వారికి కీర్తి ప్రతిష్టలు పెరుగడమే కాదు పట్టిందల్లా బంగారంలా ఉంటుంది.
Bigg Boss 8 Telugu : బిగ్ బాస్ 8 లో విష్ణు ప్రియా ఎంత సంపాదించిందో తెలుసా..?
