Skin darkening despite sunscreen| ఎండలోకి వెళ్లే ముందు సన్‌స్క్రీన్ రాసుకోవడం చాలామందికి రోజువారీ అలవాటు. అయినప్పటికీ కొందరి ముఖం క్రమంగా నల్లబడుతుంది. మరికొందరికి ముఖంపై నల్లటి మచ్చలు కూడా కనిపిస్తాయి. దీంతో సన్‌స్క్రీన్ వాడటం వల్ల ప్రయోజనం లేదేమోనని అనుమానం కలుగుతుంది. అయితే, మీరు వాడే సన్‌స్క్రీన్ కంటే దాన్ని అప్లై చేసే విధానంలోనే పొరపాట్లు ఉండవచ్చు. కొన్ని చర్మ సమస్యలు కూడా రంగు మారడానికి కారణమవుతాయి. మరి సన్‌స్క్రీన్ వాడుతున్నా చర్మం ఎందుకు నల్లబడుతుంది? ఎలాంటి జాగ్రత్తలు తీసుకోవాలి?
ముఖానికి కొద్దిగా సన్‌స్క్రీన్ రాసి సరిపెట్టుకోవడం చాలామంది చేసే పొరపాటు. ఇలా చేస్తే ప్యాక్‌పై పేర్కొన్న SPF లెవెల్ రక్షణ పూర్తిగా అందకపోవచ్చు. ముఖంతో పాటు చెవులు, మెడకు కూడా సన్‌స్క్రీన్ రాయాలి. చేతులు, కాళ్లు ఎండకు గురయ్యేలా ఉంటే వాటికి కూడా అప్లై చేయాలి. తగినంత పరిమాణంలో రాయడం వల్ల సరైన ప్రొటెక్షన్ లభిస్తుంది.
ఇంట్లో నుంచి బయటకు వెళ్లిన తర్వాత సన్‌స్క్రీన్ రాయడం వల్ల అప్పటికే చర్మం ఎండకు గురయ్యే అవకాశం ఉంటుంది. అందుకే బయటకు వెళ్లడానికి 15 నిమిషాల ముందే సన్‌స్క్రీన్ రాయాలని అమెరికన్ అకాడమీ ఆఫ్ డెర్మటాలజీ సూచిస్తుంది. ఉదయం తయారయ్యే సమయంలోనే దీన్ని మీ దినచర్యలో భాగం చేసుకోండి.
ఉదయం ఒక్కసారి సన్‌స్క్రీన్ రాస్తే రోజంతా రక్షణ ఉంటుందని అనుకోవద్దు. చెమట, నీరు, ముఖాన్ని తుడుచుకోవడం వల్ల దాని పొర తొలగిపోవచ్చు. బయట ఉన్నప్పుడు ప్రతి రెండు గంటలకు మళ్లీ సన్‌స్క్రీన్ రాయాలి. ఈత కొట్టిన తర్వాత లేదా ఎక్కువగా చెమట పట్టినప్పుడు కూడా తిరిగి అప్లై చేయాలి.
SPF 30 లేదా SPF 50 ఉందని మాత్రమే చూసి సన్‌స్క్రీన్ కొనకండి. SPF 30 లేదా అంతకంటే ఎక్కువ ఉండటంతో పాటు, UVA, UVB కిరణాల నుంచి రక్షణ ఇచ్చే బ్రాడ్ స్పెక్ట్రమ్ సన్‌స్క్రీన్ ఎంచుకోండి. నీటిని తట్టుకునే లక్షణం కూడా ఉంటే ఉపయోగకరంగా ఉంటుంది. ప్యాక్‌పై ఉన్న సూచనలను తప్పకుండా చదవండి.
సన్‌స్క్రీన్ ఒక్కటే అన్ని రకాల సూర్యరశ్మి ప్రభావాలను పూర్తిగా అడ్డుకోలేదు. వీలైనంత వరకు మధ్యాహ్నం తీవ్రమైన ఎండకు దూరంగా ఉండండి. నీడలో ఉండటంతో పాటు, చేతుల పూర్తిగా కప్పే విధంగా దుస్తులు, వెడల్పాటి అంచుల టోపీ, UV ప్రొటెక్షన్ ఉన్న కళ్లద్దాలు ధరించండి. మేఘాలు ఉన్న రోజుల్లో కూడా సన్‌స్క్రీన్ వాడటం మానకండి.
మెలాస్మా లేదా నల్లటి మచ్చలు ఉన్నవారికి ఐరన్ ఆక్సైడ్స్ కలిగిన టింటెడ్ సన్‌స్క్రీన్ ఉపయోగపడవచ్చు. ఇది కనిపించే కాంతి వల్ల మచ్చలు మరింత ముదరకుండా సహాయపడుతుంది. అయితే, ప్రతి ఒక్కరికీ ఇది అవసరం లేదు.
Also Read: రిలేషన్‌లో ప్రేమ, నమ్మకం పెరగాలంటే మీ భాగస్వామిని రోజూ ఈ 5 ప్రశ్నలు అడగండి
హార్మోన్ల మార్పులు, మొటిమల తర్వాత ఏర్పడే మచ్చలు, మెలాస్మా వంటి సమస్యలు కూడా చర్మం రంగు మారడానికి కారణమవుతాయి. సరైన సన్‌స్క్రీన్ వాడుతున్నా సమస్య కొనసాగితే చర్మ వైద్యుడిని సంప్రదించండి. కొత్త మచ్చలు ఏర్పడినా, పాత మచ్చల పరిమాణం లేదా రంగు మారినా వైద్య సలహా తీసుకోండి.
Also Read: వయసు 21 ఏళ్లు.. ఒక్క నెలలో రూ.2.6 కోట్లు సంపాదన.. యువకుడి బిజినెస్ ఐడియా అదుర్స్
సరైన సన్‌స్క్రీన్ ఎంచుకోవడం, తగినంత పరిమాణంలో రాయడం, అవసరమైనప్పుడు మళ్లీ అప్లై చేయడం ముఖ్యం. చర్మం నల్లబడటానికి అసలు కారణం తెలుసుకోకుండా సొంతంగా చర్మం తెల్లబడే క్రీములు వాడకండి.
Share
పెళ్లి వద్దు.. పిల్లలు ముద్దు.. నరేష్ ఊహించని కామెంట్!
బీసీల ఎదుగుదల జగన్కు ఇష్టం లేదు: మంత్రి బీసీ జనార్ధన్ రెడ్డి
