చున్నీ, దుపట్టా అంటే కేవలం సంప్రదాయ దుస్తులతో వేసుకునే వస్త్రం మాత్రమే కాదు. దాన్ని విభిన్న రీతుల్లో స్టైల్ చేస్తే మీ మొత్తం లుక్ను పూర్తిగా మార్చేయవచ్చు. చాలా మంది ప్రతిసారి ఒకే విధంగా చున్నీ వేసుకుంటారు. కానీ కొన్ని సులభమైన స్టైలింగ్ పద్ధతులు పాటిస్తే కొత్త దుస్తులు కొనకుండా కూడా మీ పాత ఎథ్నిక్ దుస్తులకు ట్రెండీ లుక్ తీసుకురావొచ్చు.
రెండు భుజాలపై చున్నీ సమంగా వేసుకుని చివరలను ముందుకు వదలాలి. తర్వాత నడుము చుట్టూ అందమైన ఎథ్నిక్ లేదా మెటల్ బెల్ట్ ధరించాలి. ఇలా చేయడం వల్ల చున్నీ జారిపోకుండా ఉంటుంది. అలాగే సూట్ లేదా లెహంగా మరింత మోడ్రన్ కేప్ స్టైల్లో కనిపిస్తుంది. ఈ స్టైల్.. పెళ్లిళ్లు, పండుగలు వంటి ప్రత్యేక సందర్భాలకు బాగా సరిపోతుంది.
చున్నీని వెడల్పుగా సగానికి మడిచి రెండు మూలలను కట్టాలి. అలా చేస్తే చేతులు పెట్టుకునే చోటు ఏర్పడుతుంది. ఇప్పుడు దాన్ని శ్రగ్ లేదా జాకెట్లా కుర్తీ, క్రాప్ టాప్ లేదా సింపుల్ డ్రెస్పై ధరించవచ్చు. ముఖ్యంగా ప్రింటెడ్ లేదా సిల్క్ చున్నీలతో ఈ స్టైల్ చాలా ఆకర్షణీయంగా కనిపిస్తుంది.
ఈ స్టైల్కు సిల్క్, షిఫాన్ లేదా జార్జెట్ చున్నీలు బాగా సరిపోతాయి. ముందుగా చున్నీ ఒక చివరను భుజంపై పిన్ చేయాలి. మిగిలిన భాగాన్ని నడుము వరకు తీసుకెళ్లి అక్కడ కూడా పిన్ పెట్టాలి. దీంతో ముందు భాగంలో అందమైన మడతలు ఏర్పడి చాలా ఎలిగెంట్ లుక్ వస్తుంది. ఈ స్టైల్ లెహంగా, అనార్కలి సూట్లతో అద్భుతంగా కనిపిస్తుంది.
ఎంబ్రాయిడరీ లేదా హెవీ వర్క్ ఉన్న చున్నీలను ఈ విధంగా స్టైల్ చేస్తే వాటి అందం మరింత హైలైట్ అవుతుంది. చున్నీని మెడ వెనుక నుంచి వేసుకుని రెండు చివరలను ముందుకు వదలాలి. తర్వాత నడుముకు సన్నని బెల్ట్ ధరించాలి. దీంతో అది పొడవైన ఎథ్నిక్ జాకెట్లా కనిపిస్తుంది. సింపుల్ కుర్తీ, పలాజోతో ఈ స్టైల్ చాలా బాగుంటుంది.
చున్నీతో లెహంగా లేదా లాంగ్ స్కర్ట్కు కొత్త లుక్ ఇవ్వవచ్చు. చున్నీ ఒక చివరను నడుములో టక్ చేసి, మిగిలిన భాగాన్ని వెనుక నుంచి తీసుకొచ్చి మరో భుజంపై చీర పల్లూలా పిన్ చేయాలి. దీంతో మీ లెహంగా వెంటనే ఫ్యూజన్ చీర స్టైల్లో కనిపిస్తుంది. ఈ లుక్ ప్రత్యేక వేడుకలకు మంచి ఎంపిక.
Also Read: ఇంట్లోనే ఆరోగ్యకరమైన ప్రోటీన్ పౌడర్ ఇలా తయారు చేసుకోండి.. నో సైడ్ ఎఫెక్ట్స్ రెసిపీ మీ కోసం
చున్నీని సన్నగా మడిచి మెడ చుట్టూ ఒకటి లేదా రెండు సార్లు చుట్టాలి. తర్వాత ముందు చిన్న ముడి వేయవచ్చు లేదా చివరలను వదిలేయవచ్చు. ఈ స్టైల్ సింపుల్ కుర్తీలు, పటియాలా సూట్లతో చాలా స్టైలిష్గా కనిపిస్తుంది. ముఖ్యంగా కాలేజీ విద్యార్థినులు, ఉద్యోగినులకు ఇది సౌకర్యవంతమైన ఎంపిక.
చున్నీ కేవలం సంప్రదాయ పద్ధతిలో మాత్రమే కాకుండా కొత్త స్టైల్స్లో కూడా ధరించవచ్చు. చిన్న మార్పులతోనే మీ ఎథ్నిక్ వార్డ్రోబ్కు కొత్త అందం తీసుకురావచ్చు. సందర్భానికి తగిన విధంగా ఈ స్టైల్స్ను ప్రయత్నిస్తే మీ లుక్ మరింత ప్రత్యేకంగా, ఆకర్షణీయంగా మారుతుంది.
Share
భాగ్యనగరానికి ఏమైంది? కళ్లముందే ఐటీ కంపెనీలు.. చేతిలో డిగ్రీలు.. అయినా దొరకని ఉద్యోగాలు
ఒకే చెట్టు.. 300 ఏళ్లపాటు కలప.. 600 ఏళ్ల నాటి అద్భుత టెక్నాలజీ!
