Summer Skin Care Routine: సమ్మర్‌లో తప్పకుండా పాటించాల్సిన టిప్స్ !

Summer Skin Care Routine: వేసవి కాలం వచ్చేసింది. ఈ సీజన్‌ చర్మానికి చాలా హానికరం కావచ్చు. ఎండలు చర్మాన్ని దెబ్బతీస్తాయి. ఇలాంటి సమయంలోనే సహజమైన వస్తువులతో చర్మాన్ని ఎప్పటికప్పుడు డీటాక్స్ చేయాల్సిన అవసరం ఉంటుంది. వేసవిలో మీ చర్మం మెరుస్తూ ఉండాలంటే, మీరు మీ స్కిన్ కేర్‌ టిప్స్ తప్పకుండా ఫాలో అవ్వాలి.

చర్మంపై యాసిడ్ మాంటిల్ అనే సన్నని రక్షణ పొర ఉంటుంది. ఈ పొర లాక్టిక్, అమైనో ఆమ్లాలతో తయారవుతుంది. ఇది కొవ్వు ఆమ్లాలతో సులభంగా కలిసిపోతాయి. అంతే కాకుండా చర్మంపై రసాయనాలతో తయారు చేసిన వివిధ రకాల స్కిన్ కేర్ ప్రొడక్ట్స్ రుద్దడం వల్ల ఈ పొర యొక్క రంధ్రాలు మూసుకుపోయి చర్మ సమస్యలు వస్తాయి. అందుకే చర్మానికి మంచి క్లెన్సింగ్, టోనింగ్ , మాయిశ్చరైజింగ్ అవసరం. ఇంట్లో ఉండే కొన్ని రకాల పదార్థాలు సమ్మర్‌లో చర్మాన్ని మెరిసేలా చేయడంలో ఉపయోగపడతాయి.

1. టమోటా మాస్క్ అప్లై చేయండి:
వేసవిలో చర్మానికి టమోటా చాలా మేలు చేస్తుంది. ఇందులో లైకోపీన్ అనే శక్తివంతమైన యాంటీఆక్సిడెంట్ ఉంటుంది. దీనివల్ల చర్మానికి కొత్త మెరుపు వస్తుంది. అంతే కాకుండా సన్ టాన్ కూడా తొలగిపోతుంది. దీని కోసం, టమోటా పేస్ట్ తయారు చేసి, చర్మంపై మాస్క్ లాగా అప్లై చేయండి. అది ఆరిన తర్వాత సాధారణ నీటితో శుభ్రం చేసుకోండి.

2. ఇంట్లోనే సహజమైన స్క్రబ్ :
వేసవి కాలంలో చర్మాన్ని ఎక్స్‌ఫోలియేట్ చేయడం చాలా ముఖ్యం. ఇందు కోసం మీరు ఇంట్లోనే సహజంగా స్క్రబ్ తయారు చేసుకోవచ్చు. చక్కెర , నిమ్మరసంతో తయారు చేసిన స్క్రబ్ చర్మానికి చాలా మేలు చేస్తుంది. చక్కెరలో గ్లైకోలిక్ ఆమ్లం ఉంటుంది. ఇది చర్మ కణాలలోకి వెళ్లి వాటిని తాజాగా మారుస్తుంది. మీరు రెండు టీస్పూన్ల చక్కెర , 2 టేబుల్ స్పూన్ల నిమ్మకాయల తీసుకోండి. ఈ రెండింటినీ కలిపి స్క్రబ్ లా చేసి చర్మంపై అప్లై చేయండి.

3. జోజోబా నూనె ఉత్తమమైనది :
వేసవిలో చర్మానికి లోపలి నుండి హైడ్రేషన్ అవసరం. ఇది దానిని తాజాగా ఉంచుతుంది. అంతే కాకుండా వివిధ రకాల నష్టాల నుండి రక్షిస్తుంది. దీనికి జోజోబా నూనె ఉత్తమమైనది. ఇది చర్మ రంధ్రాలను మూసుకుపోకుండా చర్మాన్ని తేమగా చేస్తుంది. ఇది బ్యాక్టీరియా ఏర్పడటాన్ని నిరోధిస్తుంది. అంతే కాకుండా మొటిమలు , బ్లాక్ హెడ్స్ సమస్యను తొలగిస్తుంది. చర్మాన్ని హైడ్రేట్ చేయడానికి తగినంత నీరు తీసుకోవడం కూడా చాలా ముఖ్యం.

4. పండిన అరటిపండు:
మీ చర్మాన్ని జిడ్డుగా చేయకుండా మాయిశ్చరైజ్ చేయాలనుకుంటే.. మీకు పండిన అరటిపండు ఉపయోగపడుతుంది. వేసవిలో మీ చర్మాన్ని జిడ్డుగా మార్చకుండా మాయిశ్చరైజ్ చేయాలనుకుంటే పండిన అరటిపండు మీకు ఉపయోగపడుతుంది. దీని వల్ల చర్మానికి పూర్తి పోషణ లభిస్తుంది. పండిన అరటిపండును మెత్తగా చేసి మీ చర్మంపై మసాజ్ చేయండి. తర్వాత దానిని ఆరనివ్వండి . అనంతరం నీటితో శుభ్రం చేసుకోండి. ఇలా చేయడం వల్ల మీ చర్మం సహజమైన మెరుపును పొందుతుంది.

5. బొప్పాయి ఒక శక్తివంతమైన క్లెన్సర్:
బొప్పాయి ఒక శక్తివంతమైన క్లెన్సర్ అని చాలా కొద్ది మందికి మాత్రమే తెలుసు. ఇది చర్మానికి మ్యాజిక్ లాగా పనిచేస్తుంది. దీని ఎంజైములు చర్మంపై మలినాలను తొలగిస్తాయి. బొప్పాయి ముక్కను తీసుకుని, మెత్తగా చేసి, మీ ముఖం మీద ఫేస్ మాస్క్ లాగా అప్లై చేయండి. ఆరిన తర్వాత సాధారణ నీటితో శుభ్రం చేసుకోండి.

Also Read: మునగ కాయ తింటే.. ఇన్ని లాభాలా ?

6. కలబంద:
వేసవిలో మీ చర్మానికి అలోవెరా చాలా బాగా ఉపయోగపడుతుంది. ఇది చర్మాన్ని పోషించే అనేక సమ్మేళనాలను కలిగి ఉంటుంది. తాజా జెల్‌‌తో చర్మాన్ని మసాజ్ చేయండి. తర్వాత 10 నిమిషాలు ఆరనివ్వండి. అనంతరం చల్లటి నీటితో ముఖాన్ని వాష్ చేయండి. ఇలా క్రమం తప్పకుండా చేయడం వల్ల మీ చర్మం మెరుస్తుంది. అంతే కాకుండా మొటిమల వంటి సమస్యలకు దూరంగా ఉంటారు.