చాలామందికి రోజూ ఉదయాన్నే వేడి వేడి టీ తాగే అలవాటు ఉంటుంది. మంచి రుచికరమైన టీ మనసుకు ఉల్లాసాన్ని కలిగిస్తుంది. కానీ టీ ఆకులు ఎక్కువగా వేయడం లేదా ఎక్కువసేపు మరిగించడం వల్ల టీ చేదుగా మారుతుంది. అలాంటి సమయంలో ఆ టీ అంతా పారేయాల్సిన అవసరం లేదు. ఇంట్లోనే లభించే కొన్ని సులభమైన పదార్థాలతో దాని రుచిని తిరిగి మెరుగుపరచవచ్చు.
టీ ఎక్కువ చేదుగా అనిపిస్తే వేడి పాలను వేరుగా మరిగించి అందులో కలపండి. ఇలా చేయడం వల్ల టీలోని ఘాటు చేదు రుచి తగ్గుతుంది. అలాగే టీ రంగు కూడా కొంచెం లేతగా మారి చూడటానికి ఆకర్షణీయంగా ఉంటుంది. ముఖ్యంగా మిల్క్ టీకి ఈ చిట్కా బాగా ఉపయోగపడుతుంది.
ఉడికించిన పాలపై ఏర్పడే తాజా మీగడ కూడా చేదు టీని రుచిగా మార్చడంలో సహాయపడుతుంది. కొద్దిగా మీగడ తీసుకుని ముందుగా కొంత టీతో బాగా కలిపి, తర్వాత మొత్తం టీలో వేయాలి. దీనివల్ల టీ మరింత మృదువుగా, చిక్కగా మారి తాగడానికి ఎంతో బాగుంటుంది.
టీ ఎక్కువసేపు మరిగి చేదుగా మారినప్పుడు ఒకటి లేదా రెండు ఇలాయిచీ (యాలుకలు) ముక్కలు నలిపి చివర్లో వేయండి. వెంటనే మంట ఆపి పాత్రను కొన్ని సెకన్లు మూతపెట్టండి. ఇలాయిచీ సువాసన టీలో కలిసిపోయి చేదు రుచిని తగ్గించి మంచి ఫ్లేవర్ వస్తుంది.
టీ ఆకులు అవసరానికి మించి వేయడం, నీరు, పాలు, టీ పొడి అన్నీ సరైన నిష్పత్తిలో పాటించకపోవడం వల్ల టీ రుచి చెడిపోతుంది. సరైన మోతాదులో పదార్థాలను ఉపయోగిస్తే మంచి రుచి వస్తుంది.
టీని పదేపదే లేదా ఎక్కువసేపు మరిగిస్తే దాని రుచి బలంగా మారి చేదుగా అనిపిస్తుంది. అందువల్ల అవసరమైనంత మాత్రమే మరిగించడం మంచిది.
టీ తయారైన తర్వాత ఆకులను ఎక్కువసేపు అలాగే ఉంచితే అవి మరింత బలమైన ఫ్లేవర్ విడుదల చేస్తాయి. దీంతో టీ క్రమంగా చేదుగా మారుతుంది. కాబట్టి తయారైన వెంటనే టీని వడకట్టడం అలవాటు చేసుకోవాలి.
టీ ఆకులను సరైన మోతాదులో ఉపయోగించండి. ఎక్కువసేపు మరిగించకుండా జాగ్రత్తపడండి. తయారైన వెంటనే వడకట్టి, పాలు, నీటి నిష్పత్తిని సమతుల్యంగా ఉంచండి. ఇలా చేస్తే ప్రతిసారీ రుచికరమైన, సువాసనభరితమైన టీని ఆస్వాదించవచ్చు.
టీ చేదుగా మారిందని వెంటనే పారేయాల్సిన అవసరం లేదు. వేడి పాలు, తాజా మీగడ లేదా ఇలాయిచీ వంటి సులభమైన చిట్కాలతో దాని రుచిని మళ్లీ సరిచేయవచ్చు. ఈ చిన్న చిన్న జాగ్రత్తలు పాటిస్తే ప్రతిరోజూ రచికరమైన టీ ఆస్వాదించవచ్చు.
Share
Tirupati Sabha: జగన్ ‘జెన్ జీ’ వ్యాఖ్యలు.. ఆపై లోకేష్ స్ట్రాంగ్ కౌంటర్, రప్పా రప్పా అంటూ చూస్తూ ఊరుకోం
అమెజాన్, ఫ్లిప్కార్ట్లలో.. హాట్ కేకుల్లా అమ్ముడవుతున్న ప్రీమియం ఫ్రిజ్లు!
