Couple Outfit Ideas for Durga Puja| దుర్గాపూజ అంటే పండుగ సందడి, అందమైన సంప్రదాయ దుస్తులు, ఫొటోలతో నిండిపోయే రోజులు. ఈ పండుగను పార్ట్‌నర్‌తో కలిసి సెలబ్రేట్ చేసుకుంటే ఆ ఫొటోలు మరింత స్పెషల్‌గా ఉండాలని అనిపిస్తుంది. అందుకోసం ఇద్దరూ ఒకే డిజైన్ లేదా ఒకే రకమైన దుస్తులు వేసుకోవాల్సిన అవసరం లేదు. లైట్ కలర్ మ్యాచింగ్ లేదా ఒకే ప్రింట్ ఎలిమెంట్‌తోనే స్టైలిష్ కపుల్ లుక్ పొందవచ్చు. మీ పార్ట్‌నర్‌తో ఈసారి ట్రై చేయగల కొన్ని అందమైన డ్రెస్ ఐడియాలు ఇవిగో.
దుర్గాపూజ సమయంలో ఎరుపు, తెలుపు కలయిక చాలా అందంగా కనిపిస్తుంది. మీరు ఎరుపు అంచు ఉన్న తెల్ల చీరను ఎంచుకోండి. మీ పార్ట్‌నర్ తెల్ల కుర్తాతో పాటు ఎరుపు స్టోల్ లేదా దుపట్టా వేసుకున్నా బాగుంటుంది. ఇలా ఇద్దరి దుస్తులు ఒకేలా లేకపోయినా, కలిసినప్పుడు కోఆర్డినేటెడ్ లుక్ వస్తుంది. ఎరుపు, తెలుపు ప్రింట్ ఉన్న కుర్తా సెట్‌ను కూడా మీరు ఎంచుకోవచ్చు.
ఒకే డిజైన్ నచ్చకపోతే ఇద్దరూ ఒకే రంగును ఎంచుకోండి. ఉదాహరణకు.. మహిళలు పాస్టెల్ గ్రీన్ చీర లేదా సూట్ ధరించవచ్చు. పురుషులు అదే షేడ్‌లో కుర్తా వేసుకోవచ్చు. రాయల్ బ్లూ, మెరూన్, పీచ్, ఆఫ్-వైట్ రంగులు కూడా పండుగకు చక్కగా సరిపోతాయి. ఈ స్టైల్ సింపుల్‌గా కనిపిస్తూనే ఫొటోల్లో మంచి కలర్ కోఆర్డినేషన్ ఇస్తుంది.
దుర్గాపూజ కోసం పూర్తిగా ట్రెడిషనల్ లుక్‌నే ఎంచుకోవాల్సిన అవసరం లేదు. మీరు చీరతో మోడ్రన్ డిజైన్ బ్లౌజ్, స్టైలిష్ జ్యువెలరీని జత చేయండి. మీ పార్ట్‌నర్ కుర్తాపై నెహ్రూ జాకెట్ వేసుకోండి. జాకెట్ రంగును మీ చీర బోర్డర్ లేదా యాక్సెసరీస్‌తో మ్యాచ్ చేయవచ్చు. చిన్న డీటెయిల్స్‌ను మ్యాచ్ చేయడం వల్ల లుక్ ఓవర్‌గా అనిపించదు.
కొంచెం డిఫరెంట్ కపుల్ లుక్ కావాలంటే మ్యాచింగ్ ప్రింట్స్ ప్రయత్నించండి. మీరు ఫ్లోరల్ ప్రింట్ చీరను ఎంచుకుంటే, పార్ట్‌నర్ అదే తరహా ప్రింట్ ఉన్న కుర్తా ధరించవచ్చు. అచ్చం ఒకే ప్రింట్ కాకుండా దగ్గరగా ఉండే ప్యాటర్న్‌ను కూడా ఎంచుకోండి. ఫ్లోరల్, జ్యామెట్రిక్, ఎథ్నిక్ ప్రింట్స్ పండుగ వాతావరణానికి బాగా సరిపోతాయి. ప్రింట్ హైలైట్ కావాలంటే మిగతా లుక్‌ను సింపుల్‌గా ఉంచండి.
Also Read: గర్ల్‌ఫ్రెండ్ బర్త్‌డే కోసం ఏ గిఫ్ట్ కొనాలా అని టెన్షన్ పడుతున్నారా? 5 బెస్ట్ ఐడియాస్ మీ కోసం
ఎక్కువసేపు విగ్రహాల వద్ద తిరగాలంటే కంఫర్ట్ కూడా చాలా ముఖ్యం. మీరు కాటన్ చీర, సింపుల్ కుర్తీ లేదా లైట్‌వెయిట్ ఎథ్నిక్ సెట్ ధరించండి. మీ పార్ట్‌నర్ కుర్తా పైజామా లేదా కుర్తాతో జీన్స్‌ను ఎంచుకోవచ్చు. ఈ కాంబినేషన్ స్టైలిష్‌గా ఉండటంతో పాటు ఎక్కువసేపు సౌకర్యంగా ఉంటుంది. పండుగ సమయంలో దుస్తులను పదేపదే సర్దుకోవాల్సిన అవసరం కూడా ఉండదు.
Also Read: భార్యభర్తలు ఇద్దరూ ఉద్యోగంలో బిజీ.. దాంపత్య జీవితం సంతోషంగా సాగడానికి టిప్స్
కపుల్ లుక్ అంటే ఇద్దరూ అచ్చం ఒకేలా కనిపించాల్సిన అవసరం లేదు. రంగులు, ప్రింట్స్, బోర్డర్స్, యాక్సెసరీస్ వంటి చిన్న అంశాలను మ్యాచ్ చేస్తే సరిపోతుంది. ఇద్దరి వ్యక్తిగత స్టైల్‌ను అలాగే ఉంచుతూ ఒక కామన్ ఎలిమెంట్‌ను ఎంచుకోండి. అప్పుడు మీ దుర్గాపూజ ఫొటోలు సహజంగా, స్టైలిష్‌గా, ఇన్‌స్టాగ్రామ్‌కు పర్ఫెక్ట్‌గా కనిపిస్తాయి.
Share
ఒరేయ్ వైభవ్ జాగ్రత్త..నీకు వినోద్ కాంబ్లీకి పట్టిన గతే పడుతుంది
సేనాపతి ఈజ్ బ్యాక్.. ‘ఇండియన్ 3’ నుంచి అదిరిపోయే అప్డేట్ !
