High Blood Pressure: హైబీపీ ముందుగానే.. గుర్తించేదెలా ?

High Blood Pressure: అధిక రక్తపోటు, లేదా హైపర్‌టెన్షన్.. చాలా మందిలో కనిపించే ఒక సాధారణ ఆరోగ్య సమస్య. దీనిని ‘సైలెంట్ కిల్లర్’ అని కూడా అంటారు. ఎందుకంటే చాలా సందర్భాల్లో దీనికి స్పష్టమైన లక్షణాలు కనిపించవు. అందుకే చాలామందికి ఈ సమస్య ఉన్నట్లు ఆలస్యంగా తెలుస్తుంది. సాధారణంగా.. రక్తపోటు తీవ్రంగా పెరిగినప్పుడు కొన్ని లక్షణాలు కనిపిస్తాయి. ఈ లక్షణాలు ఒక వ్యక్తి నుంచి మరొకరికి మారుతూ ఉంటాయి. 10 ప్రధాన లక్షణాలను తెలుసుకోవడం వల్ల మీరు ఈ సమస్యను ముందే గుర్తించి చికిత్స తీసుకోవచ్చు.

1. తీవ్రమైన తలనొప్పి: అధిక రక్తపోటు ఉన్నప్పుడు, సాధారణంగా ఉదయం పూట లేదా చాలా ఒత్తిడిలో ఉన్నప్పుడు తలలో వెనుక భాగంలో తీవ్రమైన తలనొప్పి వస్తుంది.

2. ఛాతీలో నొప్పి లేదా అసౌకర్యం: గుండెకు రక్తాన్ని సరఫరా చేసే ధమనులు దెబ్బతిన్నప్పుడు ఛాతీలో నొప్పి లేదా అసౌకర్యం కలుగుతాయి. ఇది గుండెపోటుకు ఒక సంకేతం కూడా కావచ్చు.

3. శ్వాస తీసుకోవడంలో ఇబ్బంది: చిన్నపాటి పని చేసినా లేదా మెట్లు ఎక్కినా శ్వాస ఆడకపోవడం లేదా ఆయాసం రావడం అధిక రక్తపోటుకు ఒక ముఖ్యమైన లక్షణం.

4. కళ్ళు తిరగడం లేదా తల తిరగడం: ఒక్కసారిగా లేచి నిలబడినప్పుడు లేదా ఏదైనా పనిచేస్తున్నప్పుడు తల తిరిగినట్లు లేదా కళ్ళు తిరిగినట్లు అనిపించవచ్చు.

5. దృష్టిలో మార్పులు: కళ్ళు మసకబారడం, చూపు మసకగా కనిపించడం లేదా దృష్టిలో మార్పులు రావడం వంటివి అధిక రక్తపోటు వల్ల జరగుతాయి. ఇది కంటిలోని రక్తనాళాలను కూడా ప్రభావితం చేస్తుంది

6. అలసట, నీరసం: సరిగా నిద్రపోయినా.. ఏమీ చేయకుండా ఉన్నా నిరంతరం అలసటగా లేదా నీరసంగా అనిపిస్తుంది.

7. గుండె దడ: గుండె సాధారణం కంటే వేగంగా కొట్టుకుంటున్నట్లు లేదా గుండెలో దడ ఉన్నట్లు అనిపిస్తుంది.

8. ముక్కు నుంచి రక్తం కారడం : ఇది ఒక సాధారణ లక్షణం కానప్పటికీ.. రక్తపోటు తీవ్రంగా పెరిగినప్పుడు ముక్కు నుంచి రక్తం రావచ్చు.

Also Read: గోళ్లపై ఫంగస్.. ఈ ఇన్ఫెక్షన్‌కు కారణాలేంటి ?

9. మూత్రంలో రక్తం: కిడ్నీలు దెబ్బతిన్నప్పుడు మూత్రంలో రక్తం కనిపించడం, లేదా మూత్ర విసర్జనలో సమస్యలు రావడం జరగుతుంది.

10. చర్మానికి ఫ్లషింగ్ : ముఖం, మెడ లేదా ఛాతీపై ఉన్న చర్మం ఎర్రగా మారడం. ఇది రక్తనాళాలు వ్యాకోచించడం వల్ల జరుగుతుంది.

ఈ లక్షణాలను గుర్తించినప్పుడు వెంటనే డాక్టర్‌ని సంప్రదించి రక్తపోటును పరీక్షించుకోవడం చాలా ముఖ్యం. ఎందుకంటే అధిక రక్తపోటును నిర్లక్ష్యం చేస్తే గుండె జబ్బులు, కిడ్నీ సమస్యలు, స్ట్రోక్ వంటి తీవ్రమైన ఆరోగ్య సమస్యలు వచ్చే ప్రమాదం ఉంది. తరచుగా బీపీ చెక్ చేసుకుంటూ ఉండటం, ఆరోగ్యకరమైన జీవనశైలిని పాటించడం ఈ సమస్యను అదుపులో ఉంచడానికి సహాయపడతాయి.

Join WhatsApp Channel

Share

• 
• 
• 
• 
• 
•