Walking For Heart Health: వాకింగ్‌తో గుండె జబ్బులకు చెక్.. పరిశోధనలో షాకింగ్ నిజాలు !

Walking For Heart Health: వాకింగ్ అనేది మన రోజువారీ జీవితంలో సులభంగా భాగం చేసుకోగలిగే ఒక అద్భుతమైన వ్యాయామం. ప్రత్యేకమైన పరికరాలు అవసరం లేదు, ఖర్చు లేదు, ఎప్పుడైనా, ఎక్కడైనా వాకింగ్ చేయవచ్చు. కేవలం శరీరాన్ని దృఢంగా ఉంచడమే కాకుండా.. ముఖ్యంగా మన గుండె ఆరోగ్యానికి వాకింగ్ చాలా చాలా అవసరం. డైలీ వాకింగ్ చేస్తే గుండె సంబంధిత సమస్యలు రాకుండా ఉంటాయా ? ఇందుకు సంబంధించిన పూర్తి వివరాలను ఇప్పుడు తెలుసుకుందాం.

గుండె ఆరోగ్యానికి వాకింగ్   ప్రయోజనాలు:

1. గుండె కండరాన్ని బలోపేతం చేస్తుంది:
నడవడం అనేది ఒక రకమైన ఏరోబిక్ వ్యాయామం. చురుకుగా నడవడం వల్ల గుండె వేగంగా కొట్టుకుంటుంది. ఫలితంగా శరీరంలోని అన్ని భాగాలకు రక్తాన్ని మరింత సమర్థవంతంగా పంప్ చేయగలుగుతుంది. క్రమం తప్పకుండా నడవడం వల్ల గుండె కండరాల బలపడతాయి. ఇది గుండె జబ్బుల ప్రమాదాన్ని తగ్గిస్తుంది.

2. రక్తపోటును నియంత్రిస్తుంది:
అధిక రక్తపోటు (హైపర్‌టెన్షన్) గుండె జబ్బులకు ఒక ముఖ్య కారణం. రోజూ నడవడం రక్త నాళాల స్థితిస్థాపకతను మెరుగుపరుస్తుంది. అంతే కాకుండా ఇది రక్త ప్రవాహాన్ని సజావుగా ఉండేలా చేస్తుంది. దీని ఫలితంగా రక్తపోటు అదుపులో ఉంటుంది.

3. కొలెస్ట్రాల్ స్థాయిలను మెరుగుపరుస్తుంది:
నడక చెడు కొలెస్ట్రాల్ స్థాయిలను తగ్గించడానికి, మంచి కొలెస్ట్రాల్ స్థాయిలను పెంచడానికి సహాయపడుతుంది. ఇది ధమనులలో కొవ్వు పేరుకుపోకుండా నిరోధిస్తుంది. అంతే కాకుండా ఇది గుండెపోటు, స్ట్రోక్ (పక్షవాతం) ప్రమాదాన్ని తగ్గిస్తుంది.

4. ఆరోగ్యకరమైన బరువును నిర్వహిస్తుంది:
అధిక బరువు లేదా ఊబకాయం గుండెపై అదనపు భారాన్ని పెంచుతుంది. క్రమం తప్పకుండా నడవడం వల్ల కేలరీలు కరిగి, బరువు అదుపులో ఉంటుంది. ఆరోగ్యకరమైన బరువును నిర్వహించడం గుండె జబ్బుల ప్రమాదాన్ని గణనీయంగా తగ్గిస్తుంది.

5. ఒత్తిడిని తగ్గిస్తుంది. మానసిక స్థితిని మెరుగుపరుస్తుంది:
దీర్ఘకాలిక ఒత్తిడి, గుండె జబ్బులకు దారితీస్తుంది. నడవడం అనేది సహజంగా ఒత్తిడిని తగ్గించే సాధనం. నడుస్తున్నప్పుడు ఎండార్ఫిన్స్ అనే రసాయనాలు విడుదల అవుతాయి. ఇవి మన మానసిక స్థితిని మెరుగుపరచి, ఒత్తిడి, ఆందోళనను తగ్గిస్తాయి. ప్రశాంతమైన మనస్సు గుండె ఆరోగ్యానికి చాలా ముఖ్యం.

6. మధుమేహం (డయాబెటిస్) ప్రమాదాన్ని తగ్గిస్తుంది:
టైప్ -2 డయాబెటిస్ గుండె జబ్బులకు దగ్గరి సంబంధం కలిగి ఉంది. నడవడం ఇన్సులిన్ సున్నితత్వాన్ని మెరుగు పరుస్తుంది. రక్తంలో చక్కెర స్థాయిలను నియంత్రించడానికి సహాయపడుతుంది. తద్వారా గుండెకు కలిగే నష్టాన్ని తగ్గిస్తుంది.

Also Read: యువతకు పెద్ద పేగు క్యాన్సర్ ముప్పు.. ఈ లక్షణాలను అస్సలు లైట్ తీసుకోవద్దు !

ఎంతసేపు నడవాలి ?
సాధారణంగా.. ఆరోగ్య నిపుణులు వారానికి కనీసం 150 నిమిషాల పాటు (ఉదాహరణకు.. రోజుకు 30 నిమిషాలు, వారానికి 5 రోజులు) నడవమని చెబుతారు. అంటే.. నడుస్తున్నప్పుడు మీ గుండె వేగం పెరగాలి. మీరు కొంచెం వేగంగా శ్వాస తీసుకోవాలి. కానీ మాట్లాడగలిగే స్థాయిలో ఉండాలి.

ఒకవేళ మీరు ఇప్పుడే నడకను మొదలు పెడుతున్నట్లయితే.. నెమ్మదిగా ప్రారంభించి, క్రమంగా సమయాన్ని, వేగాన్ని పెంచుకుంటూ పోవడం ఉత్తమం. రోజుకు 10,000 అడుగులు నడవాలనే లక్ష్యాన్ని పెట్టుకోవడం కూడా మంచిది.

వాకింగ్ అనేది గుండె ఆరోగ్యాన్ని మెరుగుపరచడానికి అందుబాటులో ఉన్న.. అత్యంత ప్రభావ వంతమైన మార్గాలలో ఒకటి. మీ రోజువారీ లైఫ్ స్టైల్‌లో నడకను భాగంగా చేసుకోండి. మీ గుండెను బలంగా ఉంచుకోండి. అంతే కాకుండా ఆరోగ్యకరమైన జీవితాన్ని గడపండి.

Share

• 
• 
• 
• 
• 
•